Sfuei Mensîl Furlan Indipendent
Archivi de Patrie

Une firme par tutelâ lis minorancis in Europe

............

Si à timp fin ai 3 di Avrîl

Al è timp fin ai 3 di Avrîl par aderî ae campagne pe racuelte di un milion di firmis in dute Europe par poiâ une iniziative, il Minority SafePack, indreçade a infuartî lis leçs europeanis a tutele des minorancis nazionâls e linguistichis. In Europe a son plui o mancul 50 milions di personis che a fasin part di une minorance nazionâl o di comunitâts di lenghe minoritarie. Al è il moment di supuartâ e di promovi ancje chestis particolaritâts e i valôrs che a rapresentin.
Il fin dal Minority SafePack – campagne inviade dal FUEN, la Union Federâl des Nazionalitâts Europeanis, che e ten dongje associazions e altris entitâts che a son espression di diviersis comunitâts dal continent – al è chel di sburtâ la Union Europeane a adeguâsi al so sproc “Unîts inte diversitât”, a miorâ la protezion des personis des minorancis nazionâls e linguistichis e a rinfuarçâ la diversitât culturâl e linguistiche de Union.
Plui informazions si cjatin in rêt sul sît www.minority-safepack.eu
La petizion si pues firmâle su https://ec.europa.eu/citizens-initiative/32/public/

L'Editoriâl / Risierve di valôr

Leonardo Giavedoni - Buenos Aires
In ciertis tribûs o tes grandis fameis il cjâf grup al vignive nomenât patriarcje. Di solit e jere la persone plui anziane, une vuide naturâl. invezit, tal mont religjôs, in particolâr tal Orient Cristian, il patriarcje al jere un primât eclesiastic poiât su facoltâts e prerogativis che i davin une posizion di supremazie tes glesiis […] lei di plui +

Salon Internazionâl dal Libri di Turin 2023

Redazion
La Patrie dal Friûl e je presinte pe seconde volte tal Salon Internazionâl dal Libri di Turin cul so mensîl, l’unic in leghe furlane e cu la sô golaine “La machine dal timp” che e vegnarà presentade vuê joibe ai 18 di Mai aes 5 sore sere tal stand istituzionâl de Regjon Friûl – Vignesie […] lei di plui +

COROT. Nus à lassâts Sergio Salvi

Redazion
Domenie ai 23 di Avrîl, a la etât di 90 agns, nus à lassâts Sergio Salvi, un grant amì de lenghe furlane e di dutis lis lenghis minorizadis. «Scrittore, poeta, storico delle lingue minoritarie» lu definìs la Wikipedia taliane, al è stât chel che par prin al à jevât su il vêl su la cuestion […] lei di plui +

Glesie Furlane / Grop amîs di pre Toni. Program dai events pal 2023

1) Vinars ai 21 di Avrîl a lis 20.30, inte Sale Riunions di Vile Zamparo a Basilian, presentazion de gnove edizion dal libri di pre Toni “Fantasticant”.Relatôr: Roberto Iacovissi.In colaborazion cun Glesie Furlane.2) Sabide ai 22 di Avrîl, a lis 3 e mieze dopomisdì, in vie Friuli a Visepente, “5e Cjaminade libare – Pai trois […] lei di plui +