Di scjas in scjas
“Floramo al rive a fâ someâ la storie dai taramots in Friûl cuasi come un romanç, ma de leture al ven fûr in maniere clare trop che cheste calamitât naturâl e sedi une costante de nestre storie” Dree Venier
Il libri si pues cjatâlu a Udin li des libreriis Tarantola, Moderna e Copia&Incolla ai Riçs o scrîf une mail a info@lapatriedalfriul.org
Chenti
“O ai, vere, il bol di furlan marcât di zovin te anime ma, jessint stât vie, no mi soi usât, no mi soi adatât ai mudaments piçui, lents e inesorabii come chei che a son simpri stâts a vivi in Patrie.”
Il libri si pues cjatâlu a Udin li des libreriis Tarantola, Moderna e Copia&Incolla ai Riçs o scrîf une mail a info@lapatriedalfriul.org
Sport… che ti trai!
“A nivel personâl, leìnt chestis pagjinis, o tornarai a provâ tantis emozions che o ai vivût, tantis lagrimis di gjonde che mi jerin vignudis e la braùre che o ai sintût intal dî “o soi furlan come lôr”.
O soi sigûr che us sucedarà ancje a voaltris!”. (de prefazion di Andrea Marcon, president CONI F-VJ)
“I furlans a son int concrete, che no si fâs cjapâ mâl par un risultât negatîf. A van indevant cui pîts par tiere. Cualchidun al dîs che o sin sierâts, ma nol è just: chel al è un stereotip. Magari o sin plui risiervâts, ma chest nol vûl dî jessi isolâts: o savìn vivi cun ducj chei altris, ma cun serietât, stant al pas cui timps che a cambiin. E chest al zove se tu âs di tignî dongje un grup di zovins intune scuadre”. (Dino Zoff, interviste a “La Patrie dal Friûl”, Jugn 2010)
Il libri si pues cjatâlu a Udin li des libreriis Tarantola, Moderna e Copia&Incolla ai Riçs o scrîf une mail a info@lapatriedalfriul.org
Fûc su Gurize
La citât spieli de Europe no pues dismenteâ la sô nature furlane. A Gurize e in dut il Friûl orientâl prin dal 1915 ancje il plui scuintiât dai contadins al saveve cuatri lenghis: todesc, furlan, talian e sloven. E no par vie de scuele, che sot dal Imperi dut câs e jere par sigûr miôr di chê dal Ream de Italie; ma par vie che lis lenghis a coventavin par lâ a vendi a marcjât lis ortaiis o i grans o lis bestiis, e i clients a podevin jessi di ogni divignince. No capîju al jere pierdi bêçs.
Par vêlu scrîf une mail a info@lapatriedalfriul.org
Letaris ai furlans
Une des oparis plui bielis di pre Bepo Marchet (1902-1966), fondadôr de “Patrie dal Friûl” e inteletuâl di nivel straordenari, e je la schirie di “Letaris ai furlans” li che al fâs i pulçs a tancj lôr difiets ma ancje al tamese dutis lis cualitâts che a varessin di sburtâ chest popul – il so popul – a deventâ paron di se stes. Jessudis jenfri il 1949 e il 1950, lis proponìn intun volum te edizion in grafie uficiâl, siore di notis esplicativis par rindi plui facile la leture. E tornâ a lei un mestri de identitât furlane come pre Bepo nus covente pardabon, parcè che – come che al dîs te introduzion il curadôr Davide Turello, “lis osservazions che Marchet al fâs, dopo di 70 agns a son ancjemò validis e, magari cussì no, ancjemò di plui”.
Par vêlu scrîf une mail a info@lapatriedalfriul.org
Feminis furlanis fuartis
Erika Adami
Storiis di feminis furlanis dal dì di vuê, pôc o par nuie cognossudis, diferentis par etât, divignince, esperiencis formativis e professionâls. Lis lee la fuarce che a esprimin tal cirî di realizâsi cun tignince, tai cjamps plui svariâts. Cun braùre pes lidrîs e tal leam cu la proprie tiere, un pont fer, ancje cuant che l’orizont dal lôr impegn al devente il mont.
Par vêlu scrîf une mail a info@lapatriedalfriul.org
Indenant
La cuestion furlane
Dree Valcic
A jerin volûts agns par afermâ che un insiemi di situazions storichis, economichis, sociâls, identitariis a costituivin un “unicum” di dâi une rispueste complessive che e veve bisugne di struments di analisi diviers di chei doprâts fin cumò. Sì: e esist une “Cuistion furlane”che e spiete almancul dal 1946 di jessi frontade. La stesse formule di Regjon Autonome, cu la definizion disgraciade di Friûl-Vignesie Julie, e jere la prove clare di cheste criticitât.
Par vêlu scrîf une mail a info@lapatriedalfriul.org
Anime in crôs
Scrits di pre Antoni Beline e Agnul Floramo su Pier Paolo Pasolini (2022)
“In chest libri us presentìn un “bote e rispueste” imbastît cu lis riflessions di doi autôrs che a cuasi 30 agns di distance a lein cuntune sintonie e une simetrie speciâl lis oparis di un tierç. Ma ce autôrs! La triangolazion Pasolini-Bellina-Floramo nus puarte a stazâ trê gjernaziis de leterature e de culture di chenti. Cu la sperance, anzit la sigurece, di dâ sburt a une gnove vision di un om complès che in vite tancj a mandavin al diaul e cumò ducj a celebrin tant che un santut di tignî te sachete e di tirâ fûr in câs di vuere”.
Par vêlu scrîf une mail a info@lapatriedalfriul.org
Patriarcjis tal cûr de Europe
di Diego Navarria (2022)
Contis curtis e curiosis che a piturin cun snait lis figuris plui simbolichis de autonomie e de identitât de Patrie dal Friûl: i patriarcjis di Aquilee.
Par vêlu scrîf une mail a info@lapatriedalfriul.org
Patriarcjis fûr dal ordenari
di Diego Navarria (2021)
Une racuelte di contis su Patriarcjis che a àn fat grant il Friûl. Par savê alc de nestre storie leìnt cun gust. Dentri dal libri, cun di fat, a son tantis lis curiositâts. Par esempli, cui no aial mai tacât un pes te schene di cualchidun il prin di Avrîl? Ma pôcs a san che une des ipotesis plui increditadis su la origjin di cheste usance e à a ce fâ cul nestri Beltram, patriarcje di Aquilee dal 1334 al 1350.
Par vêlu scrîf une mail a info@lapatriedalfriul.org
Cuintristorie de Prime Vuere Mondiâl
di Agnul Floramo (2017)
La nestre “cuintristorie” de Prime Vuere Mondiâl, par cure di Agnul Floramo. Une grande tragjedie che e à puartade la muart di tante puare int, e che in Friûl e à metût furlans cuintri furlans in non di decisions cjapadis parsore dal lôr cjâf. O contìn lis storiis che la retoriche dai Stâts nazionâi no à mai contât: une storie dal popul, no dai potents.
Par vêlu scrîf une mail a info@lapatriedalfriul.org
«The Best(iis): lis miôr storiis»
di Dree Venier (2014)
Il miôr des strichis a fumuts dai Gnognosaurs dissegnâts di Dree Venier e cui tescj di Elisabetta Pittana (la nestre Bete Di Spere). I protagoniscj a son simpatics dinosaurs che a fevelin par furlan che a àn la carataristiche di jessi propit gnognos, e di chest e nas dute une schirie di gags spiritosis e sureâls. I dissens a son une vore colorâts, cun trat sintetic e une vore personâl.
Par vêlu scrîf une mail a info@lapatriedalfriul.org
