In cheste fin dal an, il Friûl al è il cûr de Europe multilengâl. Fin ai 11 di Dicembar a son di fat i dîs di “Suns Europe”, il festival european des arts performativis in lenghe minoritarie (www.sunscontest.com). Ma cuale ise la impuartance di chest festival e ce che vuelial dî fa musiche par furlan, par ladin o par frison in dì di vuê? Chi cualchi rispueste.
CE RAPRESENTIAL IL FESTIVAL?
Il progjet, nassût a Udin tal 2009 de scuadre di Radio Onde Furlane, a’nd à fade di strade. Prime robe, si è slargjât: «Pe prime volte si sin vierzûts a dute la Europe» al sclarìs Leo Virgili, un dai organizadôrs. «O vin fate une semifinâl in Sardegne dedicade, come tal passât, aes minorancis de Europe alpine e mediteranie, e la finâl dai 11 di Dicembar al Teatri Gnûf “Giovanni da Udine”, vierte invezit a dutis chês altris, rivant fin ai Sami de Laponie». Cun di plui, chest an ae musiche si son metudis dongje lis arts cinematografichis (cu la “Mostre dal Cine” a fin di Novembar) e la leterature (cun “Peraulis di Suns” dai 4 ai 6 di Dicembar), fasint di “Suns Europe” un dai plui grancj e complets festivals europeans di cheste sorte. Seconde robe, a son rivâts ricognossiments une vore impuartants: il patrocini dal Segretariât gjenerâl dal Consei di Europe, e la etichete Effe (Europe for Festivals, Festivals for Europe), assegnade aes miôr manifestazions artistichis europeanis. Che chest festival al fasi ben ae promozion dal nestri teritori, si è inacuarte ancje la regjon, che pal 2015 e à metût un biel grum di bêçs, in gracie di un bant de Arlef (45 mil euros pe part di musiche) e il sostegn diret di TurismoFvg (100 mil euros in dut). A son po dopo lis colaborazions di Comun di Udin, Fondazion Teatri Gnûf “Giovanni da Udine”, Informazion Furlane Soc. Coop., Centri Espression Cinematografichis, Bottega Errante, Il Laboratorio e Font Audiovisîf Fvg. E pe musiche tes lenghis mancul pandudis de Europe, ce ur fasial un festival cussì? «L’obietîf al è chel di lâ plui in là dal spetacul e di meti in relazion artiscj, incoragjâ la circuitazion dai grups organizant concierts ator in plui datis, e svilupant une rêt che e valorizi la produzion contemporanie tes lenghis minoritariis» al rispuint Marco Stolfo, espert di musiche in lenghe proprie e dentri te scuadre di Suns Europe. Martina Iori, 20 agns, de Val di Fasse, e je la vincidore de ultime edizion di Suns. Ce aie otignût di chest premi? «In chest ultin an, o ai vût mût di jentrâ in contat cun altre int che e cjante in lenghe minoritarie, e di sunâ pe prime volte ancje fûr de mê valade». No dome. «Cun la mê vitorie» e zonte «o vin ancje dimostrât che il ladin nol reste dome dentri i nestris confins, ma al pues sunâ ancje tal forest».
INDULÀ VADIE LA MUSICHE IN LENGHE MINORITARIE?
E al è cualchi bon esempli ancje chi di nô. Di Lino Straulino a Luigi Maieron, nons cognossûts ancje fûr di cjase, fintremai a Loris Vescovo, vincidôr di une Targa Tenco cun l’album Penisolâti e unic furlan in rapresentance dal Friûl in chest festival. «In Europe o podìn citâ Gwenno, cjantante galese che e à un bon sucès tal indi pop britanic, e Fermin Muguruza, basc che al à colaborât cun artiscj tant che Manu Chao. O ancje lis Ganes, trê fantatis de Val Badie che a fasin discs cun Sony Musc in Gjermanie» al note Stolfo. Se fâ buine musiche al è il pont di partence, si scuen però po dopo ancje sburtâle. «Tai Paîs Bascs e in Galles a son plui indevant parcè che a esistin etichetis indipendentis di une vore di agns, cuntun management une vore struturât» al dîs Stolfo. Ma isal un marcjât par chest gjenar di produzion? Forsit sì, vuê plui di îr. «Rispiet a cualchi an indaûr, pai grups “alternatîfs” al è plui facil fâsi cognossi: al baste meti un video su YouTube e fâlu zirâ in rêt» al dîs «po dopo, cu la tindince de world music, il public al è usât a lenghis diviersis, e ancje chês minoritaris a vivin mancul prejudizis dal passât. Anzit, cjantâ in lenghe proprie al pues jessi un element di atrat, parcè che al puarte cun se ancje une storie di conflit e rivendicazion in plui che di ispirazion poetiche e leterarie». Alain Stivell docet, che cu la sô arpe celtiche e la sô musiche tradizionâl bretone, al à fat il zîr dal mont. ❚
Natascia Gargano
(L)Int Autonomiste / Al esam di maturitât cu lis dispensis sul nestri sît
Dree Valcic
✽✽ E je une grande buse intal percors che planc a planc al è daûr a fâ l’insegnament de lenghe furlane inte scuele. Plui che une buse o podaressin definîlu un gorc che al va a pericul di gloti ducj chei si movin in chest setôr fondamentâl de nestre culture identitarie.✽✽ Si cjatìn di fat […] lei di plui +
L'Editoriâl / Risierve di valôr
Leonardo Giavedoni - Buenos Aires
In ciertis tribûs o tes grandis fameis il cjâf grup al vignive nomenât patriarcje. Di solit e jere la persone plui anziane, une vuide naturâl. invezit, tal mont religjôs, in particolâr tal Orient Cristian, il patriarcje al jere un primât eclesiastic poiât su facoltâts e prerogativis che i davin une posizion di supremazie tes glesiis […] lei di plui +
Salon Internazionâl dal Libri di Turin 2023
Redazion
La Patrie dal Friûl e je presinte pe seconde volte tal Salon Internazionâl dal Libri di Turin cul so mensîl, l’unic in leghe furlane e cu la sô golaine “La machine dal timp” che e vegnarà presentade vuê joibe ai 18 di Mai aes 5 sore sere tal stand istituzionâl de Regjon Friûl – Vignesie […] lei di plui +
COROT. Nus à lassâts Sergio Salvi
Redazion
Domenie ai 23 di Avrîl, a la etât di 90 agns, nus à lassâts Sergio Salvi, un grant amì de lenghe furlane e di dutis lis lenghis minorizadis. «Scrittore, poeta, storico delle lingue minoritarie» lu definìs la Wikipedia taliane, al è stât chel che par prin al à jevât su il vêl su la cuestion […] lei di plui +
Vuê al è il 3 di Avrîl, si fâs la Fieste de Patrie. Fûr la bandiere dal Friûl! Mandi a ducj i furlans! Buine Fieste de Patrie!
............
Chest an si davuelç ai 16 dal mês la celebrazion che e memoree l’inovâl dai 946 agns de nassite dal Stât Patriarcjâl 3 di Avrîl dal 1077: une date fondamentâl pe origjin de nestre identitât di popul furlan, dal moment che propit cheste zornade e je considerade in maniere uficiâl tant che chê de nassite […] lei di plui +
Glesie Furlane / Grop amîs di pre Toni. Program dai events pal 2023
1) Vinars ai 21 di Avrîl a lis 20.30, inte Sale Riunions di Vile Zamparo a Basilian, presentazion de gnove edizion dal libri di pre Toni “Fantasticant”.Relatôr: Roberto Iacovissi.In colaborazion cun Glesie Furlane.2) Sabide ai 22 di Avrîl, a lis 3 e mieze dopomisdì, in vie Friuli a Visepente, “5e Cjaminade libare – Pai trois […] lei di plui +