In chest moment di reclusion sfuarçade, o crôt che al sedi ancjemò plui impuartant di prin dedicâsi aes nestris passions. Che al sedi cusinâ, imparâ une lenghe o metisi in forme pal bikini, nol impuarte: ce che al conte al è passâ il timp, cence inacuarzisi masse des oris devant di nô.
◆ Consolaitsi, e je rivade la Vierte: soreli, flôrs, bestiis in amôr (chês che no son za vitimis di estinzion), lis âfs che a lavorin plui di nô in chest moment (chês che no son sa muartis par colpe dai pesticidis), il biel cjaldut (fûr de medie stagjonâl za di tancj agns). Insome, nol è tant ce gjoldi!
◆ E cumò, ducj a pensâ che stoi ruvinant il moment, che si varès di concentrâsi su altri, e distraisi, par no copâsi vie pe cuarantene!
Però jo o pensi che o varessin justementri di disfrutâ il moment par rindisi cont che o sin bogns di reagjî in maniere fuarte e drastiche, tal câs di une emergjence. Compagns di venture: e je ore di rindisi cont pardabon che o stin vivint (ancje) une emergjence climatiche, che nus tocjarà ca di cualchi an. Par chê, o varessin di cjapâ subit misuris come chês metudis in vore in chescj dîs!
◆ Par chest us lassi cussì, cu la propueste di informâsi ben su ce che al sta vignint indevant di plui di mieç secul! Il timp lu vês, il coragjo cjataitlu! ❚
