Sfuei Mensîl Furlan Indipendent
Archivi de Patrie

NO PAR FURLAN, MA BOGNS. Sietcent agns di riviei ocitans

............

Nol è mai masse tart. Il libri di Gérard de Sède, jessût pe prime volte tal 1982, che al conte sietcent agns di storie de Ocitanie, cuntune atenzion specifiche pai riviei e pes mobilitazions popolârs, al rive finalmentri di ca des Alps, intune version in lenghe taliane. Il merit de iniziative al è de Tabor, cjase editore indipendente de Val di Susa che e je une vore atente aes cuistions sociâls e ambientâls e aes lotis teritoriâls e di autodeterminazion nazionâl.

La leture de publicazion e je la ocasion par cognossi fats, personaçs e esperiencis che a àn segnade la storie di une des nazions cence stât plui grandis e plui minorizadis de Europe di soreli a mont. Un percors che al cjape dentri la eresie catare, scjafoiade tal imprin dal secul XIII di chê crosade che je stade il prin modon de costruzion dal stât francês, i “tochis” dal Tresinte, i “camisards” dal Sietcent, lis “demoiselles” dal Votcent e i “vinhairons” dal Nûfcent, lis comunis di Marsilie e Narbone, il “maquis” e la lote dal Larzac tal 1973. Storie e atualitât.

Marco Stolfo

G. de Sède, Settecento anni di rivolte ocitane, Tabor, Susa, 2016

A torzeon pal Friûl / “Der Voschank”, il spetacul des mascaris sauranis

Sara Traunero
La tradizion dal “Kheirar” e dal “Rölar” e cjape dentri dut il paîs Mascaris bielis e mascaris brutis, cun musis intaiadis intal len e cu lis liniis plui diferentis, a son lis protagonistis assoludis di une ricorence tant curiose che antighe: al è il Carnevâl di Sauris, intal dialet sauran locâl cognossût ancje tant che “Der Voschank”.L’aspiet […] lei di plui +

A torzeon pal Friûl / La maravee di scuvierzi il Carnevâl rosean

Diego Navarria
Cuatri amîs inmagâts de origjinalitât di lenghe, musiche e bai dal Cjanâl incjantonât jenfri lis Musis e la mont Cjanine In ce aventure che mi soi butât! Dut par lâ daûr di mê madone! Cumò, aes trê dopomisdì, achì in machine o sin in cuatri: jo, Mario Dean, 46 agns, professôr di talian tal Marinelli, […] lei di plui +

Libris simpri bogns / Emilio Nardini, “Par vivi”, Udin, 1921

Laurin Zuan Nardin
“Apene finidis di lei lis poesiis dal cont Ermes, il dotôr Cesare, fra i batimans dal public, al si ritire daùr l’uniche quinte preparade a zampe dal… palc scenic. Ma, pal bessologo, che il devi recità il brâf atôr di san Denel, Giovanin Tombe, ‘e ocòr une scene, e il dotôr Cesare la proviot cussì:…” […] lei di plui +

Interviste / Numb il cjan scjaladôr (e il so paron Thomas)

Dree Venier
Di un probleme ae çate al record in mont: interviste cun Thomas Colussa, che cul so Numb al sta pontant al record di altece lant sul Mont Blanc O vevi za intervistât Thomas Colussa, 40 agns, un pâr di agns indaûr. In chê volte al jere un “furlan a Milan” e al faseve il personal […] lei di plui +