Sfuei Mensîl Furlan Indipendent
Archivi de Patrie

“Marco e Adelina”, la salût mentâl par radio

Marco Stolfo

Dai 25 di Fevrâr ae metât di Avrîl su Onde Furlane

Il so titul al è “Marco e Adelina. Viaç inte salût mentâl in Friûl-VJ tal passât e tal presint” e e je une serie radiofoniche di sîs pontadis, curade e condusude di Margherita Cogoi e Marta Savorgnan, e metude adun ancje cu la colaborazion dal Coletîf I Magnifici, de cooperative sociâl Itaca Onlus e dal Heimat Museo de cooperative Varianti.
◆ Il percors fat indenant de trasmission al ten dongje esperiencis individuâls e coletivis, ricuardant ancje doi inovâi: chel de prime volte che, juste cincuante agns indaûr, Marco Cavallo – il Marco menzonât tal titul dal program – al vignive dal manicomi di Triest, e chel dai cuarantecinc agns de aprovazion e de jentrade in vore di chê che i disin “Leç Basaglia”, il proviodiment che al à permetût che si sierassin i manicomis, cul passaç de segregazion ae cure.
◆ Si fevelarà di salût mentâl cun plui ponts di viodude, in gracie dal contribût di educadôrs, psichiatris, infermîrs e operadôrs culturâi e des testemoneancis diretis di personis che a son in cure cul sisteme sanitari.
◆ Tra i ospits a son ancje i psichiatris Mario Novello e Peppe Dell’Acqua, za colaboradôr di Franco Basaglia, che par disesiet agns al è stât diretôr dal Dipartiment di salût mentâl di Triest e po tra i promotôrs dal Forum de salût mentâl.
◆ La pontade di scree e je lade in onde ai 25 di Fevrâr a dôs dopomisdì, e po in repliche a chê stesse ore il prin di Març. Ducj apontaments a son in programazion la sabide e il miercus a dôs dopomisdì sui 90 Mhz, sui 90.2 Mhz, sui 105.6 Mhz e in rêt ae direzion www.radioondefurlane.eu. Cun di plui, dute la serie e sarà a disposizion in podcast sui canâi Spreaker, Deezer e Spotify di Onde Furlane. ❚

L'Editoriâl / Risierve di valôr

Leonardo Giavedoni - Buenos Aires
In ciertis tribûs o tes grandis fameis il cjâf grup al vignive nomenât patriarcje. Di solit e jere la persone plui anziane, une vuide naturâl. invezit, tal mont religjôs, in particolâr tal Orient Cristian, il patriarcje al jere un primât eclesiastic poiât su facoltâts e prerogativis che i davin une posizion di supremazie tes glesiis […] lei di plui +

Salon Internazionâl dal Libri di Turin 2023

Redazion
La Patrie dal Friûl e je presinte pe seconde volte tal Salon Internazionâl dal Libri di Turin cul so mensîl, l’unic in leghe furlane e cu la sô golaine “La machine dal timp” che e vegnarà presentade vuê joibe ai 18 di Mai aes 5 sore sere tal stand istituzionâl de Regjon Friûl – Vignesie […] lei di plui +

COROT. Nus à lassâts Sergio Salvi

Redazion
Domenie ai 23 di Avrîl, a la etât di 90 agns, nus à lassâts Sergio Salvi, un grant amì de lenghe furlane e di dutis lis lenghis minorizadis. «Scrittore, poeta, storico delle lingue minoritarie» lu definìs la Wikipedia taliane, al è stât chel che par prin al à jevât su il vêl su la cuestion […] lei di plui +

Glesie Furlane / Grop amîs di pre Toni. Program dai events pal 2023

1) Vinars ai 21 di Avrîl a lis 20.30, inte Sale Riunions di Vile Zamparo a Basilian, presentazion de gnove edizion dal libri di pre Toni “Fantasticant”.Relatôr: Roberto Iacovissi.In colaborazion cun Glesie Furlane.2) Sabide ai 22 di Avrîl, a lis 3 e mieze dopomisdì, in vie Friuli a Visepente, “5e Cjaminade libare – Pai trois […] lei di plui +