Sfuei Mensîl Furlan Indipendent
Archivi de Patrie

FOTO GALLERY – Arbui

............


DREAM CREATURES
Cidin,
in ponte di pîts,
cence fâ rumôr,
o jentri tal lôr univiers,
mi sint osservât…
une intese vicendevule e permet che o sedi presint tal lôr mont…
… un mont ireâl, popolât di entitâts nassudis tal fis dai boscs,
te ombrene di arbui secolârs,
jenfri crets milenaris.

Personaçs emblematics, torvits, signestris, dolçs, gaiôs…
Ognidun cu la sô storie di contâ,
tantis storiis e personalitâts di lei
tes tramis fondis des grispis des lôr musis
cun espressions a voltis impenetrabilis.

Cumò chescj gnûfs amîs mi fevelin, si contin,
a ‘ndi caturi la lôr anime,
il subcussient cualchi viaç mi cride,
mi sint un lari,
o volarès tornâur di gnûf la libertât.
Ma o sai che la lôr presonie e durarà une vore pôc,
ur regalarai une vite gnove…

Foto e test di Elido Turco (tutti i diritti riservati)

(L)Int Autonomiste / Un popul cence plui vôs in cjapitul

Dree Valcic
✽✽ Nol è par fâmi i fats di chei altris, ancje se o sai benon che ae fin in ogni câs i efiets a saran deleteris ancje pai furlans, ma o crôt di interpretâ un sintiment slargjât e un dubi gjenerâl, domandantmi parcè che a àn fat colâ Draghi. No si trate, che al sedi clâr, […] lei di plui +