L’assessôr regjonâl ae Culture Elio De Anna, adun cu ARLeF e il diretôr dal Servizi coregjonâi dal forest e lenghis minoritariis, Giuseppe Napoli, al à incuintrâ rapresentants dai dîs ents ricognossûts pe promozion de lenghe furlane, ven a stâi chei sogjets publics e privâts che la leç regjonâl di tutele e considere cuntune speciâl funzion in vie de ativitât cualificade e continuative par pandi il furlan.
I FINAZIAMENTS PAR CHEST AN_ Tal 2012 pes svariadis ativitâts dai ents primaris a son stâts impegnâts (leç 29/2007) 535mil euros ripartîts jenfri Radio Spazio 103 (32mil euro), Radio Onde Furlane (69mil), Societât sientifiche tecnologjiche furlane (10mil), Istitût Pre Checo Placerean (30mil), La Patrie dal Friûl (30mil), La Grame (23mil), Colonos (31mil), Glesie Furlane (25mil). Ae Societât Filologjiche Furlane, che e à un finanziament di pueste, à son stâts assegnâts 260mil euros. Infin, tal assestament di belanç 2012 e je stade proviodude la some di 25mil euro a pro de Kappa Vu.
“Al covente un salt di cualitât dai progjets, inovatîfs e condividûts in rêt, e te cure de rindicontazion”, al à domandât De Anna, comunicant la prossime decision di fissâ un tet pes spesis di funzionament (plui o mancul dal 25 par cent) par liberâ il rest des risorsis par meti in vore i progjets.
De sô bande la Regjon, par mieç dal sfuarç organizatîf dai uficis dal Servizi, al è rivât a puartâ un grant vantaç pe operativitât des associazions in grazie de acelerazion de rindicontazion e de relative rapide aprovazion dal decret di ripart ai prins di Avrîl.
Un sfuarç che ducj i rapresentants dai ents a àn preseât une vore considerantlu “impuartant par la serenitât dal lavôr des associazions e par evitâ di strassâ lis risorsis in forme di interès bancjariis cuant che si à di domandâ un acont”.
REGJIE DE ARLEF_ I ents si son considerâts dacuardi cun de Anna su la oportunitât di une regjie di coordenament che e podarès jessi fate de ARLeF, daspò un decentrament di funzions e su chest pont, dl president de ARLeF Lorenzo Zanon e je rivade la plene disponibilitât a davuelzi chest rûl favorint la sinergjie tra ducj i ents ricognossûts. ■
Redazion
Zovins di gale / Sborf, il zûc par induvinâ e imparâ peraulis par furlan che al à za concuistât miârs di personis
Erika Adami
Daûr un grup zovin che al à a cûr la lenghe furlane Un sborf di un biel colôr vert slusint al è il simpatic compagn di zûc par cui che al à voie di induvinâ e imparâ peraulis in lenghe furlane sul propri dispositîf digjitâl. Chest de fin di Març, cuant al è rivât Sborf […] lei di plui +
Galerie fotografiche / Cuinte edizion di “Stin dongje ae patrie”
Redazion
Pe rassegne Avostanis, Domenie ai 4 di Otubar li dai Colonos si è tignude la cuinte edizion di “Stin dongje ae Patrie“. La storiche riviste furlane e a fât fieste par i siei otante agns e e a cjalât al avignî adun cul mont de culture, de musiche, dal associazionisim, dal sport tal ricuart no […] lei di plui +
Stin dongje ae Patrie / La storiche riviste furlane e fâs fieste par i siei otante agns
Redazion
Pe rassegne Avostanis, Domenie ai 4 di Otubar aes 3 dopomisdì li dai Colonos a Vilecjaze di Listize tierce edizion di Stin dongje ae Patrie. La storiche riviste furlane e fâs fieste par i siei otante agns e e cjale al avignî adun cul mont de culture, de musiche, dal associazionisim, dal sport tal ricuart […] lei di plui +
La piçade / Salts, lavoradôrs e… laris. Almancul i laris a fevelin par furlan
Mastiefumate
Che il rapuart tra il Messaggero Veneto e la lenghe furlane nol fos dai miôr, si saveve. Par esempli su la partide dal secul tra la nazionâl furlane e chê groenlandese, nancje une rie par furlan. Si spietavin che al vignìs ripuartât a caratars cubitâi il sproc tal strisson puartât in cjamp dai zuiadôrs intant […] lei di plui +
Gnovis pai fruts / I Gnognosaurs a imparin a svolâ: al rive in edicule «Tal blu piturât di blu», il gnûf album di colorâ
Redazion
Daspò dal sucès dal prin album vignût fûr a Nadâl, i simpatics dinosauruts che a fevelin par furlan a proponin pal Istât une gnove aventure: il professôr Einsaur e il so fedêl assistent Blik a provin di svolâ, ispirâts dai pterodatils. Rivarano? ◆ A partî de fin di Jugn al è rivât tes ediculis dal […] lei di plui +
Gnovis / LA PATRIE DAL FRIÛL AL SALON DAL LIBRI DI TURIN 2026
Redazion
Dai 14 ai 18 di Mai no steit a cirînus, noaltris de “Patrie”: no sarin in Friûl, ma inaltrò.◆ No, no lìn in esili. Pal moment, jessi “furlans che no si rindin” nol è ancjemò une colpe. Salacor lu deventarà, ma pal moment o podin jessi “libars di sielzi” di lâ in “mission”. Une mission […] lei di plui +