Sfuei Mensîl Furlan Indipendent
Archivi de Patrie

CULTURE. La Patrie e puarte ben!

............

chiara_cainero_redazion.png

I nestris colaboradôrs Venusia e Christian cu le campionesse olimpiche

La Patrie dal Friûl e puarte ben ai atletis impegnâts a lis Olimpiadis di Pechin. E medaiis. Tal numar di Avost dedicât al Sport Davide Rebellin, nomenât te interviste a Franco Pellizzotti al à concuistade la prime. Ma il vêr colpat al è rivât cun Chiara Cainero che, intervistade di nô prime de partence par Pechin, e à vinçût la medaie di aur tal skeet, prime femine furlane a montâ sù sul scjalin olimpic plui alt di cheste specialitât.
Insumis, un biel segnâl che almancul o puartìn fortune, ancje se cumò la sperance di dute la redazion e je chê di fâ fieste in curt par un sucès di une scuadre nazionâl… furlane!

L'EDITORIAL / Preâ par furlan al è onôr e no pecjât

Walter Tomada
Jo no jeri ancjemò nassût cuant che pre Checo Placerean al tacave a voltâ il Messâl par furlan. A son passâts passe 50 agns e i furlans no àn ancjemò plen dirit, pe Glesie di Rome, a preâ inte lôr lenghe. La Conference Episcopâl dai Talians e à mancjât, ancjemò une volte, di fâ bon […] lei di plui +

Gnovis / Acuile sportive furlane

Redazion
Joibe di sere aes 6 intal Salon dal Popul dal Palaç da Comun di Udin si tignarà la cerimonie di consegne de prime edizion dal premi ACUILE SPORTIVE FURLANE, un gnûf ricognossiment che al met dongje il valôr dai risultâts sportîfs ae cussience identitarie che i campions furlans di ogni sport a son bogns di […] lei di plui +