Tv digjitâl: Prontait une casse di muart!
Tv analogjiche: Par vie?
Tv digjitâl: Ti distudin ai 15 di Dicembar! Switch off, cjare! Vie, vatint. O rivi jo… o soi il gnûf. Cun me a viodaran une sdrume di canâi, ricezion perfete, nie antenutis di spostâ e di orientâ.
Tv analogjiche: Ce sglonfone! Scuse… E no tu varâs nancje lis riis cuant che al è brut timp? No ti cjaparan nancje a pugns cuant che tu larâs sù e jù?
Tv digjitâl: E no, bielece. O soi une gnove tecnologjie, jo. Tu invezit tu sês il vecjo: vecjate! Tu larâs a jemplâ lis discjariis. Daspò che ti distudaran, no tu varâs plui sens di esisti… Za cumò ti àn dât il contentut, che nancje cu la pignate tu coventaressis masse.
Tv analogjiche: Po ben, crodistu che al larà dut a puest, bot e sclop? O ai resistût par sessante agns, Sky mi à fat ghiti ghiti. Le ai vude vinte jo: cun dute chê confusion che si è creade cun dopli, se no tripli telecomant, chei di une cierte etât mi àn simpri spiade cun afiet.
Tv digjitâl: Pôc ce svantâti, âstu za clamât il pizighet? La confusion tu le fasevis tu, il to telecomant al jere za di masse, tubi catodic dai miei pindui. Jo o rapresenti la libertât di sielte tra centenârs e centenârs di canâi. Ducj a podaran viodi ce che a vuelin. A ognidun la sô programazion. Canâi tematics e gjeneraliscj. Pense che dome Telepordenon a ‘nd à za 5 o 6!
Tv analogjiche: Sì, par viodi Gigi Di Meo in repliche a ogni ore. Centenârs di canâi, eh? Ma se no àn i bêçs par meti in pîts 4 puints, dulà ju cjatarano chei par produsi i contignûts? Lis nestris emitentis locâls a son cul cjapiel a Triest a vaî il muart, che no àn un franc in casse!
Tv digjitâl: Beh, sul imprin, magari a suiaran sù i fonts di magazin.
Tv analogjiche: Ce cûl! O gjoldarìn di gnûf “Maria ‘Zef” di Cottafavi. Nancje RaiNotte no lu trasmet plui.
Tv digjitâl: Fâs la ironiche dibant, fâs…. Di po, sintîso ancje voaltris puce di cadavar in decomposizion??
Tv web: Vedranis! Le vêso finide?
Tv digjitâl: Ah, al à fevelât mister www-freadure! Cun dutis lis bufulis finanziariis che al à za creât.
Tv web: O fevelais di puints e di infrastruturis di imbastî. Ma si rindêso cont che Internet al à za dut chest? O fevelais di coscj e di ricezion, di centenârs di canâi tv, cence pensâ che sul web, i sîts a son miârs e miârs. E, cun di plui, a gratis. E se l’avignî al ves di jessi une web-tv?
Tv digjitâl: Ve, al à fevelât Nostradamus.
Tv analogjiche: Altri che gnove: mi sa che tu nassis za none, digjitâl. In Americhe, che a son plui indevant di no, a son za stuf di vêti! Prontait un altre casse di muart!
JAN TOTI
Tante int e partecipazion ae presentazion dal gnûf libri, “CHENTI” di Diego Navarria
Redazion
La prime des iniziativis pai 80 agns de “La Patrie dal Friûl” (1946-2026). O vin presentât ai 27 di Fevrâr tal Salon di Palaç Belgrado di Udin, il gnûf libri, “CHENTI” romanç furlan di Diego Navarria. A son intervegnûts la gjornaliste Martina Delpiccolo e il diretôr da La Patrie dal Friûl Walter Tomada, l’autôr Diego […] lei di plui +
L’EDITORIÂL / I taramots che no si viodin
Walter Tomada
“Mê mari e veve 5 agns. E ricuarde che tai dîs dopo il taramot si viveve ducj insiemi e si davin ducj une man un cul altri. E prove tenarece e displasè pe int che no je plui, ma ancje tante braùre pe fuarce dimostrade de int furlane in cheste disgracie. Mê mari si vise […] lei di plui +
Musiche furlane fuarte / “Surtùm”: il gnûf progjet discografic dal cjantautôr Massimo Silverio
Alessio Screm
Al vûl dî “palût”, “paludere”, e tal furlan di Çurçuvint si dîs “surtum”. Al è il titul dal gnûf album dal cjantautôr Massimo Silverio, artist cjargnel, musicist e autôr che al dopre la lenghe mari intune maniere dal dut particolâr. Al cjante in cjargnel, chel vecjo cjargnel imparât dai nonos e che cumò si stente […] lei di plui +
Cristina Delli Santi, la siore dal pugjilât furlan
Dree Venier
Juste maridade cul tecnic Gianluca Calligaro,e je cognossude e preseade di ducjpal so lavôr te palestre di vie Marangon Galeotto fu il ring. Vê cognossût Gianluca Calligaro, tecnic preseât de Pugjilistiche Udinese che al puarte indenant la scuele dal mestri Remo Venzo, al è stât par Cristina Delli Santi la faliscje di une relazion, saldade […] lei di plui +
Gnûf libri / I ‘haiku’ par furlan, inglês e gjaponês: la sfide vinçude di Christian Romanini
Walter Tomada
Cui che al lei “La Patrie dal Friûl” al cognos ben Christian Romanini che par cetancj agns al è stât une colone di chest gjornâl. La so ativitât a pro dal furlan no s è mai fermade e cumò e je rivade a proponi un biel model di scriture, bon di associâ la marilenghe a […] lei di plui +
Art tal tac / Pestefun, il ‘grunge’ par furlan che al fâs vibrâ e che al spache, al ven di Codroip
Moira Pezzetta
Al è un gnûf sun che al travierse il Friûl. Nol rive des planuris de Basse, ma nancje des ostariis plui imbusadis. Al è un sun ruspi, eletric, che al sgrife e al scjasse: chel dai Pestefun, tercet di Codroip che al puarte il grunge dentri de lenghe furlane. Trê i struments, trê i musiciscj, […] lei di plui +