Par furlan la peraule taliane “felicità” no esist. Nancje “abbraccio”, “sorriso”, o il verp “amare”. E po ben. No sarìn romantics, o pûr sarìn dome plui savis, sielzêt voaltris. Ma, atenzion, no esist nancje la peraule “cunnilingus”. Che invezit in triestin, par fâ un esempli, e je. E si dîs: “merendar en genoci”. Cemût mai che noaltris no le vin? Cun intervents di chest gjenar si son intervaladis lis proiezions dal esordi milanês di “Felici ma furlans”, ven a stâi la prime sit com par furlan sul “homo furlanus”, li dal prestigjôs Piccolo Teatro Grassi te suaze de rassegne “Trame d’autore”.
PAR DUCJ, NO DOME PAI LOMBARTS_Sul palc, i ideadôrs dal progjet Alessandro Di Pauli e Tommaso Pecile. Compliments ai doi, parcè che dopo di jessi stâts bogns di autofinanziâ il progjet vendint i biliets dai spetacui teatrâi leâts ae serie tv, a àn ancje rivât a puartâ il lôr lavôr fûr dal Friûl, intratignint il public forest in gracie des spiegazions de furlanetât (come il riferiment chi parsore) e ai sottitui. E a ’nd è par ducj, no dome pai lombarts. I video si cjatin sottitulâts in plui che par talian, ancje par inglês, francês, spagnûl e adiriture… triestin. Triest tal 2013 al è stât propit une des primis datis “tal forest”, vignude dopo di Barcelone tal 2012. Dute di gjoldi la traduzion curade di Diego Manna, li che par esempli “tiriti in bande” al devente “sposta i manzi” (ducj i episodis de prime stagjon si cjatin online su www.felicimafurlans.it/stagione1).
DIREZION BILBAO_Daspò di vê vinçût il prin premi tant che vôt dal public al Roma Web Fest, i fantats di “Felici ma furlans” a Otubar laran fin a Bilbao, par partecipâ a un dai plui grues web fest di Spagne presentant la seconde stagjon, jessude l’an passât cul contribût de Arlef, la Agjenzie Regjonâl pe Lenghe Furlane: 6 episodis, cheste volte plui luncs (20 minûts) e svilupâts intune uniche storie. Dai 19 ai 20 di Setembar, invezit, ju cjatìn a Feagne, li che a organizin il festival di teatri “Art tal ort”, une rassegne di teatri vie pes plaçutis dal bielissim borc furlan. ❚
✒ N.G.
L’EDITORIÂL / La multiculturalitât e valorize il grant e il piçul
Zuan Marc Sartôr
Belle époque. Un student di Gurize al viaze cul tren dilunc la Südbahn (la Ferade Meridionâl, di Viene a Triest). Al torne a cjase dopo agns di studi inte universitât de capitâl imperiâl. Al à frecuentât la preseade facoltât di fisiche, là che si davuelzin lis prestigjosis lezions dal professôr Jožef Štefan, il famôs fisic […] lei di plui +
L’EDITORIÂL / LA PATRIE DAL FRIÛL AL SALON DAL LIBRI DI TURIN
Walter Tomada
Dai 19 ai 23 di Mai no steit a cirînus, noaltris de “Patrie”: no sarin in Friûl, ma inaltrò.◆ No, no lìn in esili. Pal moment, jessi “furlans che no si rindin” nol è ancjemò une colpe. Salacor lu deventarà, ma pal moment o podin jessi “libars di sielzi” di lâ in “mission”. Une mission […] lei di plui +
L'editoriâl / Macroregjons, une oportunitât di racuei
Alessandro Ambrosino - Graduate Institute, Gjinevre
Lis strategjiis macroregjonâls a son la ultime “invenzion” UE par favorî la cooperazion teritoriâl. Trê di cuatri si incrosin in Friûl Intai ultins agns, la Union Europeane si è sfuarçade in maniere vigorose di vignî dongje di plui ai citadins e – su la fonde di chest cambi di rote – e à ricognossût une […] lei di plui +
Sport… che ti trai / San Marc, il paîs plui sportîf dal Friûl | La associazion don Bosco: amicizie e agregazion
Francesco Tonizzo
Intal piçul borc dongje di Merêt di Tombe si respire culture sportive e otegnin risultâts preseâts in tantis dissiplinis Cuatricent animis, plui o mancul. E un cûr sportîf di no crodi. Al è il trat distintîf di San Marc di Merêt di Tombe, un paîs intal mieç dal Friûl indulà che a son nassûts une […] lei di plui +
(L)Int Autonomiste / Autodeterminazion e dirits pai popui, uniche strade di pâs
Dree Valcic
✽✽ No podìn sigûr fâ fente che la vuere in Ucraine no dedi une serie di problemis intrigôs ancje aes fuarcis che si riclamin ae autodeterminazion dai popui e al ricognossiment dai dirits des minorancis etnichis. Prin di dut, ce che al è daûr a sucedi al è la ultime dimostrazion che chei problemis no […] lei di plui +
Sindic jo mame / “La nestre int no à mai molât. Covente fâ, no lamentâsi, par saltâ fûr dal pantan”
Walter Tomada
Alessandro Marangoni: la Aclif e deventarà istituzion di riferiment pai furlans “La Assemblee dai sindics furlans e je une realtât necessarie. E cul timp e deventarà ancjemò di plui un pont di riferiment pe identitât de nestre int”. Al è sigûr di chest Alessandro Marangoni, prin citadin di Dartigne, che al crôt tant inte Aclif […] lei di plui +