Sfuei Mensîl Furlan Indipendent
Archivi de Patrie

CAMPAGNE ABONAMENT – timp di abonâts e di regâi gnûfs

............

I Gnognosaurs! pai nestris abonâts
Sotscrivint l’abonament par un an e fasint une piçule zonte si podarà vê il libri gnûf libri
cui fumuts dai simpatics dinosaurs che a fevelin par furlan

I simpatics dinosaurs che a fevelin par furlan cumò si ju pues cjatâ te racuelte editade di Omino Rosso (www.ominorosso.it), cjase editore di Pordenon, e firmade come simpri dal lôr «papà» Andrea Venier, nestri diretôr, ma prime fumetist e vignetist.
Ma cui sono i Gnognosaurs? A son un fumut a strichis (come Linus di Schulz) cun protagoniscj simpatics dinosaurs preistorics, che a àn la carataristiche di jessi gnognos. Momo il saur si presente a la sô imagjin rifletude te aghe e si displâs di no ricevi rispueste, il prof. Einsaur al invente par câs la ruede ma le bute vie parcè che al pense che e sedi inutile, Rugne il tiranosaur al pretint di mangjâ ducj i Gnognosaurs muardint il libri des lôr storiis… Dal 1999 a son publicâts cun regolaritât su la riviste par furlan par fruts «Alc&Cè», suplement dal setemanâl «La Vita Cattolica» e a son stâts doprâts par lunaris e poster promozionâi che a difondin l’ûs de lenghe furlane.
Un fumut che al à voie di jessi un mieç pe difusion dal furlan no dome in Patrie ma ancje ator pal mont:
la imediatece dal lengaç fumetistic e la simpatie dai dissens a son une soluzion dal sigûr tra lis plui fuartis par cui che nol à tante confidence cu la lenghe scrite o adiriture al à voie propit di tacâ a svicinâsi a la nestre lenghe.
Par informazions e domandis sul libri su pues scrivi a: gnognosaurs@gmail.com e par cui che al fâs l’abonament a «La Patrie dal Friûl» al pues domandâlu come regâl.
Ma o vês di jessi svelts, parcè che lis copiis a disposizion no son infinidis e dome i prins che a rinovaran i abonaments a podaran gjoldi di cheste gustose publicazion zontant dome 5 euros al presit de sotscrizion che ur permetarà di ricevi par dut il 2010 inmò a cjase «La Patrie dal Friûl».
Il libri al è editât de cjase editorie L’Omino Rosso di Pordenon (www.ominorosso.it) e distribuît di Beltrame (Friulibris). Libri dut a colôrs di 84 pp. presit 12 Euro. O podês cjatâ informaziôns sul blog dai Gnognosaurs
(www.gnognosaurs.blogspot.com).
Ma o vês di jessi svelts, parcè che lis copiis a disposizion no son infinidis e dome i prins che a rinovaran i abonaments a podaran gjoldi di cheste gustose publicazion zontant dome 5 euros al presit de sotscrizion che ur permetarà di ricevi par dut il 2010 inmò a cjase «La Patrie dal Friûl».
Par vê i libris o altris informazions su la bibliografie di pre Antoni Beline, si pues contatâ Glesie Furlane (www.glesiefurlane.org) a chest numar telefonic 0432-957268.

Cemût abonâsi: https://www.lapatriedalfriul.org/?page_id=7

Libris simpri bogns / Emilio Nardini, “Par vivi”, Udin, 1921

Laurin Zuan Nardin
“Apene finidis di lei lis poesiis dal cont Ermes, il dotôr Cesare, fra i batimans dal public, al si ritire daùr l’uniche quinte preparade a zampe dal… palc scenic. Ma, pal bessologo, che il devi recità il brâf atôr di san Denel, Giovanin Tombe, ‘e ocòr une scene, e il dotôr Cesare la proviot cussì:…” […] lei di plui +

Interviste / Numb il cjan scjaladôr (e il so paron Thomas)

Dree Venier
Di un probleme ae çate al record in mont: interviste cun Thomas Colussa, che cul so Numb al sta pontant al record di altece lant sul Mont Blanc O vevi za intervistât Thomas Colussa, 40 agns, un pâr di agns indaûr. In chê volte al jere un “furlan a Milan” e al faseve il personal […] lei di plui +

L’EDITORIÂL / La identitât e ven dai zovins

Walter Tomada
Une zornade di incuintri pai Conseis dai Fantats Al à fat scjas il senatôr Roberto Menia che al à declarât di volê gjavâ il furlan de scuele e dal ûs public. Al jere di un pieç che nissun rapresentant des istituzions al pandeve clâr di volê scancelâ lis normis di tutele, ma salacor a son […] lei di plui +