La Storie dineade. Chê che e je stade tasude, dismenteade o interpretade cu la fuarce dal podê, de retoriche e dal conformisim. Chê storie che tai libris e tes academiis e à imponût une mitologjie risorgjimentâl che no bat cu la veretât dai fats e cu la voie di fâ clarece par concuistâ il tesaur de memorie e de identitât coletive. E propite chest si propon di fâ L’Alfiere «publicazion napoletane tradizionaliste». A scomenzâ dal titul, che al proclame la ispirazion ae tradizion de antighe capitâl des Dôs Siciliis. E soredut vuê, in ocasion des celebrazions pal aniversari de Unitât di Italie. «Su chest aveniment – al conte Edoardo Vitale, diretôr de riviste – si è disvilupât un dibatit plen di retoriche e conformisim». Ogni cuatri mês, l’Alfiere al ven fûr cuntun numar che al fâs lûs suntun aspiet di ce che al è sucedût cuant che Giuseppe Garibaldi e i soi Mil, dopo vê traviersât il «Stivâl», a àn medade par simpri la muse di une tiere.
Diretôr, no si sintiso talians?
«Dut il contrari. Nô o sin e o si sintin talians. Dut câs, jo o crôt che la Italie e je nassude ben prime dal 1861. Dante, Caravaggio, Antonello da Messina a jerin za nestris. Forsit, dopo la Unificazion dal Paîs o sin deventâts ducj un tichinin mancul talians».
L’Alfiere al è il pont di riferiment di un dibatit – no facil – su ce che al sucedut in Meridion tai agns dal Risorziment
«Pont di atrazion e di confront des personalitâts mancul conformistis de culture, no dome talianis, l’Alfiere – che al cjape il non di un romanç une vore nomenât di Carlo Alianello – e je stade fin dal principi une riviste di bataie. No sin pe invetive manichee o pes semplificazions. Il nestri propuesit al è stimolâ la memorie storiche e la braure pe identitât dai meridionâi, metint dongje publicazions, celebrazions, cunvignis e manifestazions».
L’Alfiere al è nassut tal 1960, agns une vore movimentâts, e di in chê volte no si è plui fermât
Daspò scuasit cinquante agns di in chê volte o podìn dî, cence pecjâ di otimisim, che un secul e mieç di denigrazions, di falsificazions strumetâls pandudis cun sistematicitât, di atentâts aes peculiaritâts sedi culturâls sedi ambientâls di un popul, no son rivadis a distruzi, tal cûr dal om dal Sud, chê scansie dulà che a son custodîts ducj i elements essenziai de sô personalitât, plasmâts tal timp in gracie di une storie di bielece cence dî.
Une storie che e plate plui che contâ, secont voaltris
Tal câs de vignude di Garibaldi, o vin sintût, de bande dal Comitât nazionâl pes celebrazions pe Unitât, robis di no crodi, che a denotin pocje atenzion. E si fâs fente di no cognossi veretâts pardabon acetadis di ducj.
Par fâ un esempli: si dîs che il Guvier dal Piemont nol saveve ce che al steve sucedint, cuant che si è ben sclarît che la massonerie internazionâl e veve sostignût la operazion.
L’Alfiere al cjale di bon voli al federalism
A diference dal Nord e dal Friûl – Vignesie Julie, in Meridion e je stade sostignude une sistematiche denigrazion de nestre identitât. Pensait a Cesare Lombroso e al museu che ancjemò vuê a Turin al mostre la inferioritât de nestre int.
Si è rivâts a sostignî la distruzion des nestris tradizions, cjaladis tant che ostacui pal doman de nazion che si voleve costruî.
Nô o cjalìn al Ream des Dôs Siciliis come une ete lungje siet secui, che à creât comunance di costums e tradizions, tant che si fevele ancje di lenghis di çocje napoletane. No o crodìn che la Italie si sarès fate in ogni câs e miôr suntune base di fate federâl.
Sonia Sicco
L'EDITORIÂL / LETARE AL GNÛF VESCUL. LA LEZION DI AQUILEE NO VA DISMENTEADE
Walter Tomada
Preseât bonsignôr Riccardo Lamba, gnûf Arcivescul di Udin, “La Patrie dal Friûl” i da il benvignût e i fâs i auguris pe so gnove mission. La miôr robe che o podìn sperâ, par lui e par nô, e je che al rivi a colp a jentrâ in sintonie cu la storie di cheste tiere, che […] lei di plui +
L’EDITORIÂL / Letare al gnûf Vescul la lezion di Aquilee no va dismenteade
Walter Tomada
Preseât bonsignôr Riccardo Lamba, gnûf Arcivescul di Udin, “La Patrie dal Friûl” i da il benvignût e i fâs i auguris pe so gnove mission. La miôr robe che o podìn sperâ, par lui e par nô, e je che al rivi a colp a jentrâ in sintonie cu la storie di cheste tiere, che […] lei di plui +
Gnovis / “Feminis furlanis fuartis” di Erika Adami a vicino/lontano e al Salon internazionâl dal libri di Turin
Redazion
La Patrie dal Friûl e segnale doi apontaments che le viodin protagoniste cul libri “Feminis furlanis fuartis” di Erika Adami, che e fâs part de golaine “La machine dal timp”. Te suaze dal festival vicino/lontano, rivât ae vincjesime edizion, Erika Adami e moderarà l’incuintri “Feminis. Talents di no strassâ” che al nas des esperiencis contadis […] lei di plui +
Comunicât / Cungjò, Aureli. Nus lasse un grant omp, Aureli Argemì, che si è batût pai dirits dal popul catalan e par chei di ducj i popui minorizâts. Il comunicât in lenghe catalane e furlane.
Dree Venier
BARCELONA Aureli Argemí, fundador i president emèrit del Centre Internacional Escarré per a les Minories Ètniques i les Nacions (CIEMEN), ha mort aquest dilluns als 88 anys, segons ha informat l’entitat en un comunicat. Nascut a Sabadell el 1936 i llicenciat en teologia a Roma i París, va ser monjo de Montserrat, va formar part […] lei di plui +
Gnovis / A tornin a jessi in volum li “LETARIS AI FURLANS” di Pre Bepo Marchet
Redazion
Une biele gnove pe nestre int! A tornin a jessi in volum li “LETARIS AI FURLANS” di Pre Bepo Marchet Intune edizion curade e comentade di Davide Turello, a saran presentadis MIERCUS AI 3 DI AVRÎL aes 5 e mieze sot sere inte sale consiliâr dal Comun di Glemone No stei a mancjâ! Us spietìn! […] lei di plui +
Gnovis / Ae presentazions dal libri “Feminis furlanis fuartis”, cetant public! Graziis
Redazion
Te seste edizion de rasegne “Quando le Donne” curade da la Aministrazion Comunâl di Romans, cu la autore, Walter Tomada, diretôr de “La Patrie dal Friûl”. A Cormons ur daran acet i Amîs da Mont Quarine, cu la autore a son intervignûde Roberta Nunin, professoresse ordenarie di Dirit dal lavôr ae Universitât di Triest, e Carlotta Del Bianco, […] lei di plui +