La Ősterreichisces Schwarzes Kreuz (Crôs Nere Austriache – www.osk.at) e je une associazion umanitarie, basade a Viene, che dal 1919 in ca e je ative par conservâ e fâ sù necropolis pes vitimis civîls e militârs di bombardaments, vitimis di persecuzion politiche, rifugjâts e soldâts. La sô ativitât, finanziade dome cun donazions, e je ancje chê de ricjerce di tombis e dal jutori tal trasferiment dai cuarps tai paîs di divignince. Un dai principis plui impuartants di chest grup al è che la nazionalitât no à nissune impuartance.
Il sodalizi, tai agns, al à ricognossût cun onoreficencis il lavôr di studi e i sfuarçs di une vore di int che in mieze Europe a à sudât e scombatût par mantignî vîf e rispietâ il sacrifici di tantis vitis par causis di vuere .
Ai 10 di Fevrâr passât i decorâts des vieris tieris de Contee di Gurize e Gardiscje si son cjatâts li de Sale civiche di Lucinîs par dâi vite a une gnove Associazion locâl di amicizie tai confronts de Crôs Nere austriache.
Chest gnûf grup, cence valôrs nostalgjics, al sarès tindût a svilupâ studis storics e promovi iniziativis di ricuart dai muarts in divise austroongjarese, ativitâts che par cuasi un secul e ancjemò in dì di vuê a vegnin malintindudis, sotvalutadis o, in cualchi câs, contrastadis. ■
Michele Calligaris
Tante int e partecipazion ae presentazion dal gnûf libri, “CHENTI” di Diego Navarria
Redazion
La prime des iniziativis pai 80 agns de “La Patrie dal Friûl” (1946-2026). O vin presentât ai 27 di Fevrâr tal Salon di Palaç Belgrado di Udin, il gnûf libri, “CHENTI” romanç furlan di Diego Navarria. A son intervegnûts la gjornaliste Martina Delpiccolo e il diretôr da La Patrie dal Friûl Walter Tomada, l’autôr Diego […] lei di plui +
L’EDITORIÂL / I taramots che no si viodin
Walter Tomada
“Mê mari e veve 5 agns. E ricuarde che tai dîs dopo il taramot si viveve ducj insiemi e si davin ducj une man un cul altri. E prove tenarece e displasè pe int che no je plui, ma ancje tante braùre pe fuarce dimostrade de int furlane in cheste disgracie. Mê mari si vise […] lei di plui +
Musiche furlane fuarte / “Surtùm”: il gnûf progjet discografic dal cjantautôr Massimo Silverio
Alessio Screm
Al vûl dî “palût”, “paludere”, e tal furlan di Çurçuvint si dîs “surtum”. Al è il titul dal gnûf album dal cjantautôr Massimo Silverio, artist cjargnel, musicist e autôr che al dopre la lenghe mari intune maniere dal dut particolâr. Al cjante in cjargnel, chel vecjo cjargnel imparât dai nonos e che cumò si stente […] lei di plui +
Cristina Delli Santi, la siore dal pugjilât furlan
Dree Venier
Juste maridade cul tecnic Gianluca Calligaro,e je cognossude e preseade di ducjpal so lavôr te palestre di vie Marangon Galeotto fu il ring. Vê cognossût Gianluca Calligaro, tecnic preseât de Pugjilistiche Udinese che al puarte indenant la scuele dal mestri Remo Venzo, al è stât par Cristina Delli Santi la faliscje di une relazion, saldade […] lei di plui +
Gnûf libri / I ‘haiku’ par furlan, inglês e gjaponês: la sfide vinçude di Christian Romanini
Walter Tomada
Cui che al lei “La Patrie dal Friûl” al cognos ben Christian Romanini che par cetancj agns al è stât une colone di chest gjornâl. La so ativitât a pro dal furlan no s è mai fermade e cumò e je rivade a proponi un biel model di scriture, bon di associâ la marilenghe a […] lei di plui +
Art tal tac / Pestefun, il ‘grunge’ par furlan che al fâs vibrâ e che al spache, al ven di Codroip
Moira Pezzetta
Al è un gnûf sun che al travierse il Friûl. Nol rive des planuris de Basse, ma nancje des ostariis plui imbusadis. Al è un sun ruspi, eletric, che al sgrife e al scjasse: chel dai Pestefun, tercet di Codroip che al puarte il grunge dentri de lenghe furlane. Trê i struments, trê i musiciscj, […] lei di plui +