Sfuei Mensîl Furlan Indipendent
Archivi de Patrie

LA RICETE. Taiadeis cul speck, lidric ros e zafaran

............

Taiadeis cul speck, lidric ros e zafaran

Ingredients

320 g di taiadeis

250 ml di lat

200 g di lidric ros

100 g di speck

1 cevole taiade a anei

Spongje o vueli di ulive

Sâl

0,15 g di stigmis di zafaran biologjic

La dì prime, preparait un infûs di zafaran: messedait 0,75 litris di aghe cjalde cun 0,3 litris di vin blanc e zontait i stigmis. Lassait polsâ par dute la gnot in frigorifar o intun puest fresc.

Tal doman, lait indenant cu la preparazion. Intune fersorie, fasêt dislidi la cevole cuntun pôc di vueli, zontait il speck taiât a tocuts e il lidric ros taiât a strissulis. A pene che al tache a indorâ, zontait il lat e 100 ml di infûs di zafaran e la spongje o il vueli di ulive. Cueiêt lis taiadeis intune pignate li che o vevis metût a boli la aghe (pal timp, lait daûr des indicazions sul pachet). Passait lis taiadeis al passin e messedaitlis te fersorie cun chei altris ingredients. Servît cjalt,a pene gjavât dal fûc.

Gjavade dal sît internet www.fioredelnatisone.it

L'EDITORIAL / Preâ par furlan al è onôr e no pecjât

Walter Tomada
Jo no jeri ancjemò nassût cuant che pre Checo Placerean al tacave a voltâ il Messâl par furlan. A son passâts passe 50 agns e i furlans no àn ancjemò plen dirit, pe Glesie di Rome, a preâ inte lôr lenghe. La Conference Episcopâl dai Talians e à mancjât, ancjemò une volte, di fâ bon […] lei di plui +

Gnovis / Acuile sportive furlane

Redazion
Joibe di sere aes 6 intal Salon dal Popul dal Palaç da Comun di Udin si tignarà la cerimonie di consegne de prime edizion dal premi ACUILE SPORTIVE FURLANE, un gnûf ricognossiment che al met dongje il valôr dai risultâts sportîfs ae cussience identitarie che i campions furlans di ogni sport a son bogns di […] lei di plui +