CUATRI RIDADIS

Il cjoc e il condomini
In chê volte dal taramot un cjoc al jere daûr a vierzi il porton dal condomini propit cuant che e je rivade la prime scosse e dut al à scomençât a tremâ.
Alore lui: «Miracul, miracul, o ai metût in moto il condomini!»
Sant Antoni di Glemone
Un contadin di Glemone che al jere daûr a arâ tal cjamp al veve i bûs che no volevin savênt di lâ indenant. Alore al à dit: «Sant Antoni di Glemone, fasimi lâ indenant i bûs!» Cussì par dôs voltis, ma chei si ustinavin, cundut achel, a no dâ un pas.
Alore l’om al à dit: «Sant Antoni di Padue fasimi lâ indenant i bûs…»
e chei a son partîts di buride.
«Ve ca» dissal il contadin «domandait un plasê a un paisan…»
Lôr a son in doi…
Al è sul imbrunî. Doi di lôr a stan lant par une strade cuant che ti viodin vignîur incuintri altris doi cuntune muse di pôc di bon.
Al dîs un a di chel altri: «Al sarà miôr che o cambiin strade par gjavâsi di chei doi che nus vegnin incuintri.»
«Parcè, âstu pôre? Se nus tachin o sin bogns di difindisi…»
«Jo no ai pôre, ma il fat al è che lôr a son in doi e noaltris o sin di bessôi…»