A àn in comun la passion dai motôrs e de aventure estreme; ducj i doi a àn cjapât part plui voltis a chê che di agnorums e je une corse mitiche, la Parîs-Dakar. O stin fevelant di Miran Stanovnik, che, a pet dal so non (mir par sloven al vûl dî «pâs, trancuilitât»), al à sielzût une vite fate di sfidis continuis prin di dut cun se stes. Nassût a Lubiane il prin di Avost dal 1964, Stanovnik al è un uficiâl dal esercit sloven cul grât di cjapitani; di un pieç al fâs part dal grup sportîf dal esercit tant che motociclist.
In dut al à bielzà cjapât part a dodis edizions de Parîs-Dakar. Tal Zenâr passât, te classifiche finâl de corse che si è davuelte chest an te Americhe dal Sud, al è rivât adore a ocupâ la 13e posizion assolude come za tal 2007, tornant a otignî cussì il so miôr risultât di simpri in cheste prove. In Març invezit, tal Rally Tuareg 2009, Stanovnik al à sierât al 16t puest vincint une tape.
Miran Stanovnik, sorenomenât Pušcˇavski lisjak («la bolp dal desert»), al à ancje un so sît internet (magari cussì no dome par sloven), li che si cjate une sô biografie, il calendari dai siei impegns sportîfs e un diari inzornât su lis provis che al è daûr a cori. Par dâ un cuc lait su www.miranstanovnik.si.
ALESSIO POTOCCO
Musiche furlane fuarte / “Surtùm”: il gnûf progjet discografic dal cjantautôr Massimo Silverio
Alessio Screm
Al vûl dî “palût”, “paludere”, e tal furlan di Çurçuvint si dîs “surtum”. Al è il titul dal gnûf album dal cjantautôr Massimo Silverio, artist cjargnel, musicist e autôr che al dopre la lenghe mari intune maniere dal dut particolâr. Al cjante in cjargnel, chel vecjo cjargnel imparât dai nonos e che cumò si stente […] lei di plui +
Cristina Delli Santi, la siore dal pugjilât furlan
Dree Venier
Juste maridade cul tecnic Gianluca Calligaro,e je cognossude e preseade di ducjpal so lavôr te palestre di vie Marangon Galeotto fu il ring. Vê cognossût Gianluca Calligaro, tecnic preseât de Pugjilistiche Udinese che al puarte indenant la scuele dal mestri Remo Venzo, al è stât par Cristina Delli Santi la faliscje di une relazion, saldade […] lei di plui +
Gnûf libri / I ‘haiku’ par furlan, inglês e gjaponês: la sfide vinçude di Christian Romanini
Walter Tomada
Cui che al lei “La Patrie dal Friûl” al cognos ben Christian Romanini che par cetancj agns al è stât une colone di chest gjornâl. La so ativitât a pro dal furlan no s è mai fermade e cumò e je rivade a proponi un biel model di scriture, bon di associâ la marilenghe a […] lei di plui +
Art tal tac / Pestefun, il ‘grunge’ par furlan che al fâs vibrâ e che al spache, al ven di Codroip
Moira Pezzetta
Al è un gnûf sun che al travierse il Friûl. Nol rive des planuris de Basse, ma nancje des ostariis plui imbusadis. Al è un sun ruspi, eletric, che al sgrife e al scjasse: chel dai Pestefun, tercet di Codroip che al puarte il grunge dentri de lenghe furlane. Trê i struments, trê i musiciscj, […] lei di plui +
Presentazion / Libri “Sport… che ti trai!”
Redazion
Sabide 18 di Otubar, a 11 a buinore a Çarvignan te Cjase de Musiche, “La Patrie dal Friûl” e varà un spazi intal program dal biel Festival del Coraggio che si davuelç a Çarvignan fintremai a domenie. Stant che il program di chest an al fevele di oms e feminis che a puartin indenant valôrs di […] lei di plui +
La zornade / “Stin dongje ae Patrie” 2025
Redazion
Li dai Colonos a Vilecjaze di Listize. In conclusion de rassegne Avostanis Il mont des associazions, de culture, dal spetacul, dal sport furlan si strenç intor dal gjornâl CHE DAL 1946 AL È LA VÔS DI UN FRIÛL CHE NO SI RINT. A son stâts cun nô: Tullio Avoledo, Andrea Del Favero, I “Bardi” di […] lei di plui +