Un dai grancj nons dal mont dal sport de mê zoventût al è stât Andreas Nikolaus Lauda, deventât simbul dal automobilisim austriac, la leiende vivente che si cognòs miôr cul non di «Niki Lauda», che chest an al à fiestezât i 60 agns.
Cognossût no dome tant che campion ma salacor inmò di plui par chel brut incident che ancjemò vuê la sô muse plene di scotaduris nus fâs visâ. Propit i incidents grâfs si imprimin te nestre memorie e si pein al mont mitic de alte velocitât: cui no si visial de muart tragjiche di Ayrton Senna, tal 1994 a Imola?
O fevelìn dal pionîr de Formule 1 moderne e di un dai plui grancj pilotis te storie dal automobilisim. Lauda al è stât trê voltis campion dal mont di Formule 1 (1975, 1977, 1984) e si cjate te classifiche de epoche moderne daspò dal mitic Schumacher (7 voltis campion), di Alain Prost (4 voltis), al tierç puest adun cun Nelson Piquet e Ayrton Senna (3 voltis).
Al è sorevivût al infier dal Nürburgring, un dai plui bruts incidents te storie de Formule 1_ Tal 1976, te disfide cetant insidiose dal Nürburgring in Gjermanie, Lauda al reste vitime di un incident che i procure ustions gravis tal cjâf e tai polmons. Cuant che al jere scuasit dal dut ustionât, impresonât dentri te machine in flamis, i aversaris Brett Lunger, Guy Edwards e Arturo Merzario che a jerin su la piste daûr di lui a àn rivât a diliberâlu. Pôc dopo però, par colpe dai fums tossics, al è lât in come. Tal ospedâl lu àn considerât cuasi muart, tant che al à ricevût i ultins sacraments. La agunie e à però durât pôc e finalmentri al à dât di ca. Par chel, lu clamin ancje «il sorevivût dal infier dal Nürburgring», un dai plui bruts incidents te storie de Formule 1.
Al torne tant che resurît – dome daspò vot setemanis – ae vuide, pierdint il titul mondiâl par dome un pont. Cu la Ferrari, il pilote austriac al à cjapât di gnûf il titul di campion dal mont l’an subit daspò. Tal 1984, al volant di une McLaren, al è tornât pe ultime volte al prin puest denant di Alain Prost, il so rivâl plui grant. Finide la cariere doi agns dopo, al è lât dilunc a lavorâ par cualchi an tant che conseîr tecnic de Ferrari; cun di plui, za tal 1979 al veve fondât la companie aerie Lauda Air (vuê fie de Austrian Airlines) e cumò al lavore ancje tant che comentadôr pe television todescje RTL.
Dopo Lauda, tal circ de F1 la Austrie e je presinte e rapresentade di Gerhard Berger (atîf dal 1984 al 1997), membri di diviersis scuadris (ATS, Arrows, Benetton, McLaren), e par 6 stagjons ae Ferrari. Cun cheste al à ancje otignût il plui biel risultât te sô cariere: dôs voltis al tierç puest tal campionât mondiâl tes stagjons 1988 e 1994, e cinc des dîs vitoriis (dôs cu la Benetton, trê cu la McLaren). Tant che Lauda, ancje Berger al reste atîf tal Circus Maximus dal motorsport: tal Fevrâr dal 2006 al à comprât il cincuante par cent de Scuderia Toro Rosso (voltât dal non de aziende austriache Team Red Bull), però tal 2008 al à tornât indaûr la sô part al so amì di lungje date, il boss de societât Red Bull Dietrich Mateschitz, vâl a dî il numar doi te Top Ten dai austriacs plui siôrs, cun 4 miliarts di dolars, subit dopo il fondadôr de cjadene di supermarcjâts BILLA, Karl Wlaschek (4,9 miliarts di dolars).
Janez Erat
A torzeon pal Friûl / Il rituâl de Messe dal Spadon nus ripuarte ae ete dai Patriarcjis
Sara Traunero
La memorie e torne indaûr a Marquart, ma forsit la tradizion e je ancjemò plui antighe Ai 6 di Zenâr, in ocasion de fieste de Epifanie, il Comun di Cividât si prepare a celebrâ un rituâl tant curiôs che inmagant: e je la Messe dal Spadon, che par tradizion si fâs tal antîc Domo antîc. […] lei di plui +
Libris simpri bogns / Emilio Nardini, “Par vivi”, Udin, 1921
Laurin Zuan Nardin
“Apene finidis di lei lis poesiis dal cont Ermes, il dotôr Cesare, fra i batimans dal public, al si ritire daùr l’uniche quinte preparade a zampe dal… palc scenic. Ma, pal bessologo, che il devi recità il brâf atôr di san Denel, Giovanin Tombe, ‘e ocòr une scene, e il dotôr Cesare la proviot cussì:…” […] lei di plui +
Interviste / Numb il cjan scjaladôr (e il so paron Thomas)
Dree Venier
Di un probleme ae çate al record in mont: interviste cun Thomas Colussa, che cul so Numb al sta pontant al record di altece lant sul Mont Blanc O vevi za intervistât Thomas Colussa, 40 agns, un pâr di agns indaûr. In chê volte al jere un “furlan a Milan” e al faseve il personal […] lei di plui +
Int di Cjargne / “La gallinella saggia” che a Cjavaç e insegne a produsi e a mangjâ ben
Marta Vezzi
La aziende agricule biologjiche La Gallinella Saggia e je nassude 7-8 agns indaûr: “La idee e je stade di mê mari – e conte Caterina Pillinini – che e à simpri fat orts e cjamps, e duncje e je une vite che si dediche ae coltivazions di tancj prodots; vint il ristorant Borgo Poscolle e […] lei di plui +
Sport… che ti trai! / Pietro Corredig e Sonia Borghese: une vite di pignatis a scufiots
servizis di Francesco Tonizzo
La cubie dai cjanalots, un di San Pieri e une di Miers, e à vinçût il campionât talian di machinis storichis e il titul european, simpri cun Sanremo intal destin Inzen, passion, amôr, dedizion, voie di zirâ il mont, spirt competitîf, leam cun il teritori des Vals dal Nadison, e risultâts une vore preseâts. Il […] lei di plui +
L’EDITORIÂL / La identitât e ven dai zovins
Walter Tomada
Une zornade di incuintri pai Conseis dai Fantats Al à fat scjas il senatôr Roberto Menia che al à declarât di volê gjavâ il furlan de scuele e dal ûs public. Al jere di un pieç che nissun rapresentant des istituzions al pandeve clâr di volê scancelâ lis normis di tutele, ma salacor a son […] lei di plui +