Il Comitât nazionâl vins dal Ministeri des risorsis agriculis al à fate buine la «Doc Friuli», e cumò al sarà publicât il so dissiplinâr (lis regulis che a coventin par fânt part) su la Gazete uficiâl. Dongje Doc Friuli si podarà doprâ ancje la denominazion Doc Friuli Venezia Giulia (cence tratut: diu nus vuardi! ndr) e par sloven: Doc Furlanija o Doc Furlanija Julijska Krajina. Pecjât che e mancje la lenghe furlane, assente come il solit e come il solit discriminade rispiet a lis altris lenghis che son a stâ in regjon. Chest al fâs viodi a clâr che la Regjon no vûl fâ buine une serie politiche linguistiche: al sarès il minim fâ lis gnovis denominazions in dutis lis lenghis (cost: ZERO!).
L’assessôr ae agriculture Shaurli al à mostrade grande sodisfazion, ma no si è sintût che al vedi spindût peraule su la cuistion. Invezit il president de Provincie di Udin Fontanini al à marcât: «Ancje in cheste ocasion, il Friûl al piert la ocasion par une plene promozion ancje midiant de lenghe furlane».
Une storie come chê che o contavin intal numar di Març, cul Comun di Udin che pai gnûfs cartei di une gnove taronde, ju à fat scrivi dome par talian impen che bilengâi
(cost: ZERO!).
La gnove Doc no cambie nuie rispiet ae situazion di cumò dal sisteme des Doc, Docg e Igt dal F-vj e ducj i roncârs che lu desiderin, a podaran mantignî lis denominazions storichis relativis aes Doc di apartignince o cjapâ la gnove denominazion. ❚
✒ Redazion
Zovins di gale / Sborf, il zûc par induvinâ e imparâ peraulis par furlan che al à za concuistât miârs di personis
Erika Adami
Daûr un grup zovin che al à a cûr la lenghe furlane Un sborf di un biel colôr vert slusint al è il simpatic compagn di zûc par cui che al à voie di induvinâ e imparâ peraulis in lenghe furlane sul propri dispositîf digjitâl. Chest de fin di Març, cuant al è rivât Sborf […] lei di plui +
Galerie fotografiche / Cuinte edizion di “Stin dongje ae patrie”
Redazion
Pe rassegne Avostanis, Domenie ai 4 di Otubar li dai Colonos si è tignude la cuinte edizion di “Stin dongje ae Patrie“. La storiche riviste furlane e a fât fieste par i siei otante agns e e a cjalât al avignî adun cul mont de culture, de musiche, dal associazionisim, dal sport tal ricuart no […] lei di plui +
Stin dongje ae Patrie / La storiche riviste furlane e fâs fieste par i siei otante agns
Redazion
Pe rassegne Avostanis, Domenie ai 4 di Otubar aes 3 dopomisdì li dai Colonos a Vilecjaze di Listize tierce edizion di Stin dongje ae Patrie. La storiche riviste furlane e fâs fieste par i siei otante agns e e cjale al avignî adun cul mont de culture, de musiche, dal associazionisim, dal sport tal ricuart […] lei di plui +
La piçade / Salts, lavoradôrs e… laris. Almancul i laris a fevelin par furlan
Mastiefumate
Che il rapuart tra il Messaggero Veneto e la lenghe furlane nol fos dai miôr, si saveve. Par esempli su la partide dal secul tra la nazionâl furlane e chê groenlandese, nancje une rie par furlan. Si spietavin che al vignìs ripuartât a caratars cubitâi il sproc tal strisson puartât in cjamp dai zuiadôrs intant […] lei di plui +
Gnovis pai fruts / I Gnognosaurs a imparin a svolâ: al rive in edicule «Tal blu piturât di blu», il gnûf album di colorâ
Redazion
Daspò dal sucès dal prin album vignût fûr a Nadâl, i simpatics dinosauruts che a fevelin par furlan a proponin pal Istât une gnove aventure: il professôr Einsaur e il so fedêl assistent Blik a provin di svolâ, ispirâts dai pterodatils. Rivarano? ◆ A partî de fin di Jugn al è rivât tes ediculis dal […] lei di plui +
Gnovis / LA PATRIE DAL FRIÛL AL SALON DAL LIBRI DI TURIN 2026
Redazion
Dai 14 ai 18 di Mai no steit a cirînus, noaltris de “Patrie”: no sarin in Friûl, ma inaltrò.◆ No, no lìn in esili. Pal moment, jessi “furlans che no si rindin” nol è ancjemò une colpe. Salacor lu deventarà, ma pal moment o podin jessi “libars di sielzi” di lâ in “mission”. Une mission […] lei di plui +