Sfuei Mensîl Furlan Indipendent
Archivi de Patrie

Il scritôr di marilenghe slovene Boris Pahor al fâs 100 agns, spindûts par difindi la libertât sô e dai plui disfortunâts

............

Il timp al cor, ma no somee cussì par lui, che al à ancjemò snait di vendi: Boris Pahor ai 26 di avost al fasarà 100 agns. Scritôr di marilenghe slovene nassût a Triest tal Avost dal 1913, president onorari de Associazion internazionâl pe difese des lenghis e des culturis menaçadis: al à simpri scombatût par difindi la libertât sô e chê dai plui disfortunâts. Dute Italie lu à cognossût uns cinc agns fa pal suces dal so libri «Necropoli» e massime par vie de partecipazion ae trasmission televisive «Che tempo che fa» (i talians a son un popul di teledipendents). Il libri al conte la esperience vivude intai cjamps di concentrament talians di internament pai slovens. Ai 23 di Avost la citât di Triest i darà la Civica Benemerenza della Città li de nella storic Salon dal Consei Comunâl. Un ricognossiment che, magari cussì no, nol à mancjât di jevâ il parê contrari in consei comunâl, come il cjâfgrup dal Pdl Everest Bertoli, che al si domandave il scritôr «ise une figure che unìs la citât». La Patrie dal Friûl lu veve intervistât intal 2008, e Pahor al veve rispuindût a lis nestris domandis cul solit snait e coragjio fevelant ancje di lenghe furlane, disint fra l’altri «Tant che maiorance inte nestre regjon o vês di fâ valê i vuestris dirits. Prin di dut la vuestre biele lenghe, che e va doprade daurman tes scuelis tant che lenghe veicolâr.» Ce difarence cu lis posizions simpri prudentis di ciarts inteletuâi di chenti! «Une culture e je di nivel superiôr cuant che e sa rispietâ dutis chês altris culturis. Chel istès al vâl pes acoment sul nivel da la culture dal Stât Talian lu lassìn ai letôrs. ❚ ✒ Redazion

L'EDITORIAL / Preâ par furlan al è onôr e no pecjât

Walter Tomada
Jo no jeri ancjemò nassût cuant che pre Checo Placerean al tacave a voltâ il Messâl par furlan. A son passâts passe 50 agns e i furlans no àn ancjemò plen dirit, pe Glesie di Rome, a preâ inte lôr lenghe. La Conference Episcopâl dai Talians e à mancjât, ancjemò une volte, di fâ bon […] lei di plui +

Gnovis / Acuile sportive furlane

Redazion
Joibe di sere aes 6 intal Salon dal Popul dal Palaç da Comun di Udin si tignarà la cerimonie di consegne de prime edizion dal premi ACUILE SPORTIVE FURLANE, un gnûf ricognossiment che al met dongje il valôr dai risultâts sportîfs ae cussience identitarie che i campions furlans di ogni sport a son bogns di […] lei di plui +