Noaltris, fîs e fiis di Siart
Chê altre dì, il gno amì avocat Nino Orlandi mi à dite une robe che mi tontone ancjemò tal cjâf e che o cjati just metile chi, dongje dai apontaments pai 3 di Avrîl, propit parcè che e fevele di chê date.
Par Nino, in chel lontan 1077 e je sucedude une storie che no ’nd è di compagnis in Europe. Par une volte une invistidure di un teritori no saltave fûr di un copament, di un tradiment. No jere in sumis il presit paiât par alc di trist, ma la ricognossince viers la lealtât e la amicizie. Cemût che e je lade la vicende, ducj lu savês. Di mancul si sa che Siart al fo dongje dal imperadôr Indrì IV fintremai di cuant che al jere tornât di Cjanosse in Gjermanie, traviers dal Friûl, cun ducj i feudataris dal puest che i jerin cuintri. Ma Sigjeart no lu lasse di bessôl, lu scorte al confin e i fas traviersâ lis Alps.
“La lezion che nus ven – al pense Nino – e je che la Patrie e nas suntun pat di galantoms, che al ten ancjemò di plui tes dificoltâts, cence compromès. La peraule e je une, tant che jessi fradis”.
Biele peraule, fradis. Par noaltris furlans al è l’unic vocabul par segnâ il leam di solidarietât tra la int.
Sarìn ruspiôs e salvadis ma i valôrs di cheste viere storie o crôt che a sedin lâts indenant tai secui e, in cualchi mût, che a sedin ancjemò tal nestri dna.
Forsit ancje par chest no sin sclâfs di Rome, ma fîs e fiis di Aquilee.
Dree Valcic
***
IL CALENDARI
Us proponìn une part dal calendari ai apontaments organizâts in ocasion de Fieste dal inovâl de nassite dal Stât Patriarcjâl di Aquilee (ai 3 di Avrîl dal 1077). Par plui informazions: www.provincia.udine.it
SABIDE AI 23 di MARÇ
SEDEAN – Sale conseâr Aes 17.30 – Presentazion dal dvd “La fabriche dai predis” di Pre Toni Beline.
SPILIMBERC Aes 18.00 (Sede dal Comun, Plaçute Tiepolo) – Cerimonie di premiazion de 4e edizion dal Concors leterari “Zâl par Furlan”.
Aes 21.00 (Teatri Miotto, Vie Barbecjan, 15) – “La batarele, scherç in doi cuadris” – Operete in marilenghe (1932).
MIERCUS AI 27 di MARÇ
TAPOIAN – Glesie di Sant Martin Aes 20.30 – “La passion di Crist contade di Zuan” di Francesco Corteccia (1502-1571), presentade dal Grup Polifonic “Claudio Monteverdi” di Rude.
LUNIS 1 di AVRÎL
TORLAN Aes 9.30 (Glesie S. Antoni) – Messe cjantade par furlan.
Aes 10.30 – Scree dal troi panoramic Torlan-Ramandul
Aes 13.30 – Intratigniment musicâl cun Dario Zampa e intal dopodimisdì amimazion pai fruts
MARTARS AI 2 di AVRÎL
S. ZORÇ DI NOIÂR – Sale cunvignis di Vile Dora Aes 20.30 – Presentazion dal dvd “La fabriche dai predis” di Pre Toni Beline.
MIERCUS AI 3 di AVRÎL
UDIN – Centri des cunvignis “Paolino d’Aquileia” Aes 16.00 – Cunvigne sul teme “Patrie dal Friûl e cussience di un’identitât: di Paolo Diacono a Pacifico Valussi”.
MONFALCON – Europalace Aes 17.00 – Celebrazion de ricorence dai 3 di Avrîl
TUMIEÇ – Albierc “Roma” Aes 18.00 – “Tumieç inte Patrie dal Friûl” incuintri di furlanitât.
UDIN – Museu Etnografic dal Friûl Aes 18.00 – Incuintri sul teme “Acqua e Patria del Friuli, una significativa correlazione”
COLORÊT DI PRÂT – Vie Asilo, 5 Aes 18.00 – Racuelte fotografiche “Terra dipinta di storie” di Albano Quaiattini
CJARLINS Aes 18.30 – Sante Messe par furlan inte Glesie parochiâl
Aes 19.30 – Deposizion di rosis cui colôrs dal Friûl ai monuments pai Muarts in vuere e sul lavôr.
Aes 20.00 (sale parochiâl) – Consegne dal premi “Britule di Arint”.
DOLEGNE DAL CUEI – Tratorie al Collio da Vinicio Aes 20.00 – Presentazion dai volums III, IX e XII de golaine “Di Batiâ” editade dal Istitût A. Tellini di Manzan.
S. DENÊL – Biblioteche Guarneriane Aes 20.30 – Manifestazion culturâl “Il cjant des pergamenis. La musiche dal Patriarcjât di Aquilee te Passio dai Sants Ermacure e Fortunât, dentri dal Breviarium Aquileiense de Biblioteche Guarneriane”.
FAEDIS – Sale conseâr Aes 20.30 Presentazion dal libri “FRIÛL. Storie di un popul” dal Mestri Fausto Zof.
TREP GRANT – Auditorium Villa Bellavitis Aes 20.45 – “Vôs de nestre tiere” serade di musiche, storie e poesiis di Lucina Dorigo.
CODROIP – Biblioteche Civiche Don G. Pressacco Aes 20.45 – “Il Vanzeli seont Marc” presentazion dal libri trascrit di Roberto Giurano e ilustrât di Otto D’Angelo.
CULUGNE – Teatri Bon Aes 20.45 – Spetacul-oratori dal titul “Padre Turoldo: Fede e Poesia”
LISTIZE – Sale conseâr Aes 20.45 – Incuintri sul teme “Ce isal sucedût ai 3 di Avrîl 1077?”, daspò presentazion de video interviste “La fabriche dai predis” di Pre Toni Beline.”
FLAIBAN – Centri sociâl Aes 20.45 – “L’incuintri de vierte: 1077-2013 936 agns de Patrie dal Friûl”.
VINARS AI 5 di AVRÎL / VENERDI’ 5 APRILE
DARTE Aes 11.00 – Celebrazion dal centenari de muart dal storic Giovanni Gortani: scree dal monument a lui dedicât colocât in Vie Sottomonte.
DOLEGNE DAL CUEI – palestre de ex scuele elementâr N. Sauro Aes 20.30 – Spetacul teatrâl in marilenghe cui TRIGEMINUS dal titul “Ce vitis”
CJASTEONS DI STRADE – Sale “San Carlo” Aes 20.30 – Proiezion dal documentari “Friûl viaç, te storie, des origjinis ae fin dal stât patriarcjâl” di Massimo Garlatti Costa.
BASILIAN – Centri civic di Vile Zamparo Aes 20.45 – “Viaç tal Friûl di magance” presentazion dal libri e de mostre cu lis figuris lezendariis di Luigino Peressini.
SABIDE AI 6 di AVRÎL
SEDEAN – Biblioteche comunâl Aes 10.15 – “Ore de conte”, incuintri par fruts (dai 3 ai 7 agns) cun leturis par furlan.
TOR DI ZUIN – Place dal Popul Mostre marcjât.
DARTE – Salon dal Albierc Savoia Aes 14.30 – Cunvigne di studi dedicade ae figure di Giovanni Gortani inmaneade de Aministrazion comunâl.
BASILIAN – Centri civic di Vile Zamparo Aes 18.00 – Premiazion dal Concors di poesie in marilenghe “Emozions di ingjustri”.
VILDIVAR – Sale conseâr Aes 20.30 – L’espert di sorie locâl, Franco Gover, al fevelarà di don Giovanni Zuttioni, plevan di Vildivar e scritôr furlan. E seguitarà une leture interpretative dal titul “Il zavajon di Bertiûl” di don Giovanni Zuttioni.
S. ZORÇ DI NOIÂR – Auditorium “San Zorz” Aes 20.30 – Spetacul teatrâl in marilenghe dal titul “Napoleons tal Cormôr”.
S. ZUAN DAL NADISON – Sale polifunzionâl Aes 20.30 – “Fieste Furlane” une serade culturâl cun esibizions dal coro dai Alpins di Passons.
REANE DAL ROIÂL (Remugnan) – Sale conseâr Aes 20.45 – Conciert corâl di tocs tradizionâi furlans cu la partecipazion di associazions corâls locâls.
DOMENIE AI 7 di AVRÎL
TOR DI ZUIN – Place dal Popul Mostre marcjât.
DOLEGNE DAL CUEI – Cooperative agricule di Lonzan Celebrazion uficiâl.
Aes 11.00 – Sante Messe par furlan celebrade di pre Fausto Furlanut
Aes 11.45 – Leture de Bole dal Imperadôr Indrì IV
Aes 12.00 – Premiazion de seconde edizion dal concors pes scuelis “Emozions furlanis in viaç pal teritori”.
Aes 13.00 – Gustâ par ducj
Aes 15.00 – Visitis vuidadis dai itineraris storics, turistics e promozionâi dal teritori di Dolegne dal Cuei.
VINARS AI 12 di AVRÎL
CODROIP – Biblioteche Civiche Don G. Pressacco Aes 20.45 – “La fabriche dai predis” videointerviste di Pre Toni Beline.
***
AUSTRALIE. La ricorence dai 3 di Avrîl in Australie e je cognossude tant che “Friuli Day”, come che a esistin un “Australia Day” (26 di Zenâr) e un “Italy Day” (2 di Jugn). La fieste si davuelzarà in 6 Fogolârs furlans: ai 7 di Avrîl a Melbourne, Adelaide, Brisbane e Perth, ai 24 di Març a Canberra e invezit a Sydney e vignarà posticipade ai 12 di Lui.
A Brisbane al vignarà cjantât l’imni dal Friûl e si brindarà cun vins furlans e prodots tipics furlans.
A Melbourne, dulà che l’an passât pe prime volte al è stât celebrât il “Friuli Day”, si tignarà ancje chest an une memoreazion uficiâl (oratôr il prof. Simone Battiston, letôr di talian inte Swinburne University), une sfilade di bandieris al Monument dal Alpin, une messe par furlan compagnade dal Coro Furlan dal Fogolâr, un balet folcloristic e gustâ cun plats tipics furlans.
Stin dongje ae Patrie
Redazion
La seconde edizion de manifestazion “Stin dongje ae Patrie” e rapresente un moment di incuintri e di solidarietât cul mensîl “La Patrie dal Friûl”, gjornâl scrit fûr par fûr in lenghe furlane fintremai dal lontan 1946. Inte serade, che e sarà presentade dal diretôr Walter Tomada e di Serena Fogolini, si daran la volte musiciscj, […] lei di plui +
Pirulis di musiche e di storie / Un pitôr musicâl di San Denêl tal inovâl de sô muart: Giulio Urbanis (1540 – 1613)
Alessio Screm
Stant che tal articul chi sore o ai scrit di iconografie musicâl, la pirule di storie e di musiche di chest mês si intive a celebrâ un pitôr furlan che al à dât cetant in fat musiche piturade, e di lui si celebrin chest an i cuatricent e dîs agns de sô nassite. Lui al […] lei di plui +
Il cjastelîr plui grant di simpri / Sot des pleis de tiere: ae scuvierte de origjin dal çuc di Udin
Serena Fogolini
Daûr di une liende, di un proverbi o di une conte popolâr si plate simpri une fonde di veretât Al sarà forsit par cheste reson che cualchi mês indaûr, jessude la gnove di studis sientifics che a dimostravin la artificialitât dal çuc di Udin, nissun di noaltris si è maraveât plui di tant. Dal rest, […] lei di plui +
Lenghe / A Cormons si fevele dal furlan te informazion
Dree Valcic
L’impuartance dai mieç di comunicazion par la difusion de lenghis minoritariis. Cun Emanuele Galloni, Guido Germano Pettarin, Andrea Valcic. Al à moderat Wiliam Cisilino. lei di plui +
Musiche / Carniarmonie: trentedôs stagjons di armoniis te mont furlane
Alessio Screm
Il festival che al met in rêt midiant de musiche Cjargne, Valcjanâl e Cjanâl dal Fier A son trentedoi agns che la Cjargne e je protagoniste di armoniis musicâls estivis, graciis al festival de mont Carniarmonie, la prime vere rassegne musicâl che e à pandût une maniere di fâ culture che cumò e je cetant […] lei di plui +
La tiere e la grepie / Lis âfs (ancje chês cjargnelis) a svolin ancjemò sui cjamps dal Friûl
Adriano Del Fabro
Al cres il numar dai apicultôrs e dai bôçs, cundut des tantis dificoltâts che il setôr al à vût, che al à e che al è daûr a frontâ A son stâts agns dificii, tal passât, pes âfs (Apis mellifera) e pai apicultôrs. Prime preocupâts e in difese pai atacs dal acar Varroa; dopo i […] lei di plui +