Sfuei Mensîl Furlan Indipendent
Archivi de Patrie

ORT FURLAN

............

LIS VORIS…
Sul vieri di lune
• Si plantin i bulbis di ai (ancje di chel di Resie) e lis gnovis plantis oficinâls.
• Si sblancjin cardi e puar.
• Si disloze la sparghere.
• Si nete il teren dai rescj di culturis, si colte, si svangje e si lavore pes culturis de Vierte.
… E CHEL DI METI TAL SAC
Si cjapin sù:
jerbe rave, cardi, carote, cauliflôr, verze brocul, verze, caulirave, verzutis di Brussel, verze capûs, cicorie, indivie, fenoli, latuie di tai, puar, lidrics (ancje il lidric cul poc, il Canarin e il Rose di Gurize), rati, rucule, spinaze.
Te cantine:
Si fasin lis analisis dai vins e, se al covente, si sclarìs il vin gnûf. I furniments doprâts pe vendeme e pe vinificazion a àn di jessi lavâts, disinfetâts e protets dal polvar.
Se o vês une buine cantine di conservazion, o podarês mangjâ i piruçs, i miluçs, i kiwis, lis patatis, lis carotis, lis cevolis, l’ai, i fasûi (secs), il selino rave, lis jerbis ravis rossis e lis cocis conservadis. E, nancje discori, la broade.
Intal broili si cjapin sù:  cachis, cjastinis, mêi codogns, ulivis.
✒ Adriano Del Fabro

L'EDITORIAL / Preâ par furlan al è onôr e no pecjât

Walter Tomada
Jo no jeri ancjemò nassût cuant che pre Checo Placerean al tacave a voltâ il Messâl par furlan. A son passâts passe 50 agns e i furlans no àn ancjemò plen dirit, pe Glesie di Rome, a preâ inte lôr lenghe. La Conference Episcopâl dai Talians e à mancjât, ancjemò une volte, di fâ bon […] lei di plui +

Gnovis / Acuile sportive furlane

Redazion
Joibe di sere aes 6 intal Salon dal Popul dal Palaç da Comun di Udin si tignarà la cerimonie di consegne de prime edizion dal premi ACUILE SPORTIVE FURLANE, un gnûf ricognossiment che al met dongje il valôr dai risultâts sportîfs ae cussience identitarie che i campions furlans di ogni sport a son bogns di […] lei di plui +