par un Friûl plui furlan
La patrie dal Friul

Archive for the ‘Friûl Europe’


FRIÛL EUROPE. Elezions in Irlande, vitorie storiche dal Sinn Féin

Un vôt progressist e di cambiament che al marche la fin dal duopoli Fianna Fáil / Fine Gael

Prin partît pal numar di vôts, secont su la fonde dal numar des sentis inte Cjamare. No son dubis: il vincidôr des elezions politichis che a son stadis inte Republiche di Irlande sabide ai 8 di Fevrâr [...]

FRIÛL EUROPE. Scozie e Catalogne a vuelin jessi in Europe. Ma la Europe vuelie jessi Europe?

Il cidinôr di Bruxelles su la Brexit e l’imunitât di Junqueras al imberdee la situazion internazionâl

La unitât europeane e je dificile di fâ sù, ma e je ancje grivie di disfâ. Tal Ream Unît, cundut che lis elezions politichis di Dicembar a sedin stadis une sorte di referendum confermatîf in cont de Brexit, cuntune maiorance [...]

FRIÛL EUROPE. Il Tsunami democratic catalan e la confusion in Spagne

Il Tsunami democratic catalan che no si ferme e la situazion che e salte fûr des elezions politichis dai 10 di Novembar che e je sù par jù compagne di chê prime dal vôt. In cualsisedi maniere ce che al nas intal Ream di Spagne al va dilunc a jessi di grant interès.
Al è passât [...]

FRIÛL EUROPE. Catalogne, a rivin lis condanis pal prin di Otubar dal 2017 e si discjadene il Tsunami Democratic

Condanis pesantis pai ativiscj e pai politics catalans arestâts dopo dal referendum pe autodeterminazion dal 1n di Otubar dal 2017. Dopo un procès di cuatri mês che al è stât une comedie, il Tribunâl Suprem di Madrid al à fate buine ae unanimitât la sô sentence, che e je stade dade fûr ai 14 di [...]

EUROPE. De France ae Spagne, la derive dal “patriotisim costituzionâl”

La Europe e clame, ma al somee dificil che i Stâts a scoltin e a rispuindin pardabon. In cont di autoguvier, dirits linguistics, pluralisim culturâl e tutele des minorancis, tai prins mês dal an gnûf, a nivel statâl, tra media, fuarcis politichis e istituzions, la situazion e somee segnade a fuart de bande dal nazionalisim [...]

FRIÛL EUROPE. La assemblee gjenerâl de ELEN a Valencia, i dirits linguistics in rêt

La diversitât linguistiche e je un valôr, un dirit e une oportunitât pe Europe e lis cundizions de garanzie dai dirits linguistics e de tutele des minorancis a son il spieli de situazion gjenerâl dal procès di integrazion continentâl e des istituzions europeanis. Lu àn tornât a marcâ cun determinazion i rapresentants di sù par [...]

FRIÛL EUROPE. La Europe no cole dal cîl. Students e cussience europeane in Friûl

Ce ise la Union Europeane: la cjase di ducj, la «unitât te diversitât» o istituzions che a somein une sorte di Congrès di Viene «2.0» cun stâts debii e prepotents, cun societâts plenis di pôris e prejudizis e cuntun marcjât unic là che i dirits civîi, politics e sociâi a van al mancul e i [...]

FRIÛL EUROPE. Il discors di Macron te Sorbone e la rifondazion de UE

Martars ai 26 di Setembar - juste in chê che di passe cuindis agns e je la Zornade Europeane des Lenghis - il president de Republiche Francese, Emmanuel Macron, al à fat un discors te Universitât de Sorbone che al rilance la Union Europeane e ancjemò prime la unitât de Europe. Al à fevelât de [...]

FRIÛL EUROPE. Italie, minorancis e Europe tra tiradis di orelis e (forsit) un piçul pas indenant

Un pas une vore piçul viers la Europe, un patafon delicât ma fuart de bande de Europe. Par ce che al tocje la tutele des minorancis, la promozion dai dirits linguistics e la valorizazion de diversitât culturâl, il Stât talian al va di lunc a vê une vore di dificoltâts tal rispietâ i standards definîts [...]

FRIÛL EUROPE. Lis “garanties“ catalanis e il plan strategjic galês

La strade viers dal referendum in Catalogne e i obietîfs di politiche linguistiche dal Gales. A son chescj i argoments che o vin selezionât dentri de nestre agjende europeane, là che al cjate spazi ancje alc altri, a tacâ dal lâ dilunc des iniziativis pe racuelte des firmis a pro dal Minority SafePack, dopo de [...]

FRIÛL EUROPE. Catalogne, referendum pe indipendence il prin di Otubar

Il prin di Otubar di chest an i catalans a podaran rispuindi ae domande: «Volêso che la Catalogne e sedi un stât indipendent sot forme di republiche?». La date e la domande dal referendum lis à presentadis cuntune iniziative publiche, ai 9 di Juin stâts, il president Carles Puigdemont, compagnât di chei altris membris dal [...]

FRIÛL EUROPE. Lis dôs musis di Macron: «menace» liberiste e amì des lenghis minorizadis

Al è simpri timp di elezions ator pe Europe, in particolâr di cà e di là dal Mâr di Bretagne. Cun di fat, il mês di Mai al è stât chel des aministrativis tal Ream Unît e de balotazion des presidenziâls tal Stât francês, intant che in Jugn a saran lis politichis sei te «République» [...]