Sfuei Mensîl Furlan Indipendent
Archivi de Patrie

Tortei di patatis cun miluçs, formadi salât di Denemonç e semencis di cevole

............

Ingredients par 4 personis
Pe paste: 350 grams plui o mancul di patatis mediis a paste zale, une bale dal ûf, sâl, vueli, 60 grams plui o mancul di farine 00, 100 grams di miluçs secs fats a fetis (se pussibil Pink Lady).
Pe farsidure: 150 grams di formadi salât di Denemonç, 25 grams di mascarpon.
Cun di plui: 60 grams di spongje; 1 sedon di semencis di cevole, 8 fetutis di miluçs secs pe decorazion
Procediment
Bulî lis patatis in aghe a pene salade, scolâlis e passâlis intun tamês. Cuant che a son disfredadis, impastâlis ae svelte cu la bale dal ûf, il sâl e la farine unide ai miluçs secs masanâts in maniere fine.
Preparâ la farse: messedâ i doi formadis, dopo vêju passâts intun tamês.
Distirâ cul mescul l’impast fin a otignî une sfueade sutile; fâ atenzion a tignî ben infarinade la superficie dal plan di lavôr in mût che no si tachi la paste di patatis.
Cul taiepaste preparâ discs di 5 centimetris sù par jù. Farsî ogni discut cuntun pôc di impast di formadi salât; sierâ a mieze lune, sigjilant cun cure l’ôr dai rafioi.
Butâ i tortei te aghe bolinte a pene salade e cuant che a vegnin sù scolâju, disponiju sui plats cuinçantju cun spongje dislidude, semencis di cevole e dôs fetutis di miluç sec tant che decorazion. Servî daurman.
E.A.

L'EDITORIAL / Preâ par furlan al è onôr e no pecjât

Walter Tomada
Jo no jeri ancjemò nassût cuant che pre Checo Placerean al tacave a voltâ il Messâl par furlan. A son passâts passe 50 agns e i furlans no àn ancjemò plen dirit, pe Glesie di Rome, a preâ inte lôr lenghe. La Conference Episcopâl dai Talians e à mancjât, ancjemò une volte, di fâ bon […] lei di plui +

Gnovis / Acuile sportive furlane

Redazion
Joibe di sere aes 6 intal Salon dal Popul dal Palaç da Comun di Udin si tignarà la cerimonie di consegne de prime edizion dal premi ACUILE SPORTIVE FURLANE, un gnûf ricognossiment che al met dongje il valôr dai risultâts sportîfs ae cussience identitarie che i campions furlans di ogni sport a son bogns di […] lei di plui +