Sfuei Mensîl Furlan Indipendent
Archivi de Patrie

Tommaso Cerno

............

CENTRIÇAMPE
«Imagjinâ une Europe di Stâts e Regjons autonoms colegâts di infrastruturis»
Il gjornalist Tommaso Cerno, 43 agns, condiretôr jessint di Repubblica, za diretôr dal Espresso e dal Messaggero Veneto, al è candidât pal Partito democratico al Senât (in Friûl-Vignesie Julie al proporzionâl e a Milan tal uninominâl). Dirits, dovês e libertât di ogni citadin, dal ricognossiment de identitât plene fin ae ocupazion plene, lis sôs prioritâts.
1 «Bisugne capî il contest là che Stât e Regjon a àn tentât di salvâ ognidun il propri belanç e il propri status intun moment di crisi. La cuistion de autonomie, però, no je une cuistion nazionâl. E je une cuistion europeane che e viôt areis compatis culturalmentri fin al pont di formâ une comunitât autonome rapuartâsi al continent. Di là duncje des misuris tecnichis che a àn di garantî ae Regjon un suplement di autonomie ancje finanziarie e no un barat cun Rome, la uniche strade e je chê di imagjinâ biadelore une Europe costituide di Stâts e Regjons autonoms no plui dividûts di confins, ma colegâts di infrastruturis».
2 «Cu la Presidence Cecotti, la Regjon e veve cjapade la strade juste par podê fevelâ, plui che di valorizazion, di afermazion de lenghe furlane al stes nivel di tutele de lenghe taliane e di chês altris lenghis regjonâls. In fase atuative, la Lega e à trasformât cheste politiche culturâl intune propagande che e à doprât tancj bêçs publics – distribuintju a ploie, cun spirt pôc furlan -, ma no à puartât ae paritât. La strade juste e reste chê dal imprin: valorizâle a scuele e intes universitâts. La Rai in chest e à di vê un rûl plui eficaç, ma ancje i inteletuâi a àn di esprimisi in lenghe furlane».
3 «Se une vision Friûl-Vignesie Julie-Rome e je antistoriche parcè che o vin di cjalâ invezit l’as cun Brussel, al è consecuent che il puart di Triest al sedi une infrastruture leade in maniere naturâl al Friûl, e dal teritori regjonâl intîr po al vedi di disvilupâ i siei trafics bande la Europe e il mont».
4 «Cuâi struments legjislatîfs puedino permeti a fenomens planetaris che a rivuardin ancje il nestri teritori di integrâsi e deventâ lôr espression contemporanie de culture furlane? Se o calcolìn pericolose la modernitât al vûl dî che no crodìn che la autonomie regjonâl e sedi plui fuarte dai stâts nazionâi, ven a stâi buine di sorevivi ae fin dai confins e a un avignî di unitât politiche e di multiculturalitât de Europe».
5 «Al è necessari puartâ a regjim e interconeti lis infrastruturis europeanis che a coleghin la nestre Regjon al rest dal continent par podê dopo tutelâ in maniere serie e virtuose il paisaç e il patrimoni naturâl, tra i plui biei di Europe».

L'editoriâl / Macroregjons, une oportunitât di racuei

Alessandro Ambrosino - Graduate Institute, Gjinevre
Lis strategjiis macroregjonâls a son la ultime “invenzion” UE par favorî la cooperazion teritoriâl. Trê di cuatri si incrosin in Friûl Intai ultins agns, la Union Europeane si è sfuarçade in maniere vigorose di vignî dongje di plui ai citadins e – su la fonde di chest cambi di rote – e à ricognossût une […] lei di plui +

La tiere e la grepie / 2022: An internazionâl de pescje artesanâl e de acuiculture

Adriano Del Fabro – diretôr dal bimestrâl “SoleVerde”
Par une economie blu simpri plui sostignibile Lis Nazions Unidis a àn declarât il 2022 “An internazionâl de pescje artesanâl e de acuiculture” (Iyafa 2022), rimetint ae Fao il coordenament des ativitâts di sensibilizazion sul teme.◆ Il pes, i moluscs, i crustacis e lis alighis a son part ad implen des dietis, des ereditâts culturâls […] lei di plui +

Il numar in edicule / Jugn 2022

Dree Venier
Jugn 2022 – L’EDITORIÂL. La multiculturalitât e valorize il grant e il piçul / (L)INT AUTONOMISTE. Il pericul centralist al è tal Dna dai partîts talians / PAGJINE 2 – LA STORIE. Di Udin a Pesariis par promovi la mont e i prodots furlans / INT DI CJARGNE. Aziende Agricule Rovis Sabrina di Davài di […] lei di plui +