Furio Honsell al è il gnûf sindic di Udin: al è rivât il moment di meti in vore i progjets di politiche linguistiche presentâts in campagne eletorâl. Cun di plui pe prime volte la deleghe aes lenghis minoritaris e je stade dade a un assessôr: Kristian Franzil de La Çampe l’Arc di S. Marc. E alore fasìn il pont de situazion su la politiche linguistiche dal Comun, ce che si è fat ma soredut ce che si pues ancjemò fâ.
In chescj agns il Comun, soredut in gracie dai fonts statâi de Leç 482/99 Normis in materie di tutele des minorancis linguistichis storichis, al à puartât indevant cun continuitât diviers progjets: la segnaletiche bilengâl stradâl e dai uficis comunâi, i cors di formazion pal personâl, la traduzion dal sît Web e, soredut, i notiziaris Udin e conte e Udinfo.
Cun di plui tal 2001 il Consei Comunâl, cuntune largje maiorance, al à fat bon il regolament Normis pe tutele e il disvilup de lenghe furlane, che al a previodeve une vore di azions difarentis e inovativis, pe plui part restadis dome su la cjarte. Par esempli il coordenament de politiche linguistiche comunâl cun chê regjonâl, la partecipazion a progjets comunitaris e la istituzion di un sportel linguistic li dal Ufici pai Rapuarts cul Public. Il test dal Regolament al jere une vore minût e, al è naturâl, che al varès vût jessi metût in vore in maniere graduâl. A distance di agns però al è stât fat une vore pôc, ancje a dispiet dai fonts de L. 482/99.
Cjalant i progjets finanziâts cu la L. 482/99, la “debolece progjetuâl” e je evidente. L’Ent di fat nol à sfrutât ad implen dutis lis potenzialitâts che la Leç e ufrìs: baste pensâ che nol è mai stât domandât il finanziament pal sportel linguistic. Cun di plui no ducj i progjets a àn vût il stes impat: se i notiziaris a son un sucès, non si pues dî la stesse robe pal inzornament dal sît Web.
Di cumò indevant il Comun al à une vore di apontaments impuartants. Prime di dut al varà di inzornâ e meti in vore il Regolament dal 2001 ancje su la fonde de gnove Leç regjonâl 29/07 Normis pe tutele, valorizazion e promozion de lenghe furlane. Par esempli al varà di prontâ un Plan di Politiche Linguistiche che za al varès di fânus capî cemût che si movarà la Aministrazion. Il so prin impegn alore al varès di jessi chel di creâ une struture aministrative stabile, cun personâl di pueste che al stei daûr ai progjets di politiche linguistiche (ideazion e monitorament dai progjets, gjestion dai fonts). Un dai ponts di domande plui grancj al rivuarde propit il futûr dal progjet Udin e conte: il Comun intindial puartâlu indevant?
Dongje dai progjets di politiche linguistiche in sens leterâl daspò, si varès di rinfuartî la presince e l’ûs de lenghe furlane in altris setôrs tant che la promozion des ativitâts culturâls, des campagnis sociâls,e vie indevant.
Prime des elezions daspò il professôr Honsell al à fevelât di Belanç Linguistic, un strument fondamentâl par analizà cun periodicitât l’impat de politiche linguistiche dal Comun. Il belanç linguistic seri e trasparent al sarà, pal Professor-Sindic de Capitâl dal Friûl, une sorte di pagjele par capî se o podarìn promovilu in Politiche Linguistiche o se, invezit, o varìn di rimandâlu a Setembar.
A torzeon pal Friûl / “Der Voschank”, il spetacul des mascaris sauranis
Sara Traunero
La tradizion dal “Kheirar” e dal “Rölar” e cjape dentri dut il paîs Mascaris bielis e mascaris brutis, cun musis intaiadis intal len e cu lis liniis plui diferentis, a son lis protagonistis assoludis di une ricorence tant curiose che antighe: al è il Carnevâl di Sauris, intal dialet sauran locâl cognossût ancje tant che “Der Voschank”.L’aspiet […] lei di plui +
A torzeon pal Friûl / La maravee di scuvierzi il Carnevâl rosean
Diego Navarria
Cuatri amîs inmagâts de origjinalitât di lenghe, musiche e bai dal Cjanâl incjantonât jenfri lis Musis e la mont Cjanine In ce aventure che mi soi butât! Dut par lâ daûr di mê madone! Cumò, aes trê dopomisdì, achì in machine o sin in cuatri: jo, Mario Dean, 46 agns, professôr di talian tal Marinelli, […] lei di plui +
A torzeon pal Friûl / Il rituâl de Messe dal Spadon nus ripuarte ae ete dai Patriarcjis
Sara Traunero
La memorie e torne indaûr a Marquart, ma forsit la tradizion e je ancjemò plui antighe Ai 6 di Zenâr, in ocasion de fieste de Epifanie, il Comun di Cividât si prepare a celebrâ un rituâl tant curiôs che inmagant: e je la Messe dal Spadon, che par tradizion si fâs tal antîc Domo antîc. […] lei di plui +
Libris simpri bogns / Emilio Nardini, “Par vivi”, Udin, 1921
Laurin Zuan Nardin
“Apene finidis di lei lis poesiis dal cont Ermes, il dotôr Cesare, fra i batimans dal public, al si ritire daùr l’uniche quinte preparade a zampe dal… palc scenic. Ma, pal bessologo, che il devi recità il brâf atôr di san Denel, Giovanin Tombe, ‘e ocòr une scene, e il dotôr Cesare la proviot cussì:…” […] lei di plui +
Interviste / Numb il cjan scjaladôr (e il so paron Thomas)
Dree Venier
Di un probleme ae çate al record in mont: interviste cun Thomas Colussa, che cul so Numb al sta pontant al record di altece lant sul Mont Blanc O vevi za intervistât Thomas Colussa, 40 agns, un pâr di agns indaûr. In chê volte al jere un “furlan a Milan” e al faseve il personal […] lei di plui +
Int di Cjargne / “La gallinella saggia” che a Cjavaç e insegne a produsi e a mangjâ ben
Marta Vezzi
La aziende agricule biologjiche La Gallinella Saggia e je nassude 7-8 agns indaûr: “La idee e je stade di mê mari – e conte Caterina Pillinini – che e à simpri fat orts e cjamps, e duncje e je une vite che si dediche ae coltivazions di tancj prodots; vint il ristorant Borgo Poscolle e […] lei di plui +