Franceschino Barazzutti al è president de Associazion Comuns taramotâts dal 1976 e i sindics de ricostruzion dal Friûl: elet tal 1970 come conseîr di minorance, al è stât sindic dal comun di Cjavaç par 18 agns (dal 1977 al 1995) e prime come vicesindic al veve la deleghe a la ricostruzion. Lu vin incuintrât par fâ il pont su la situazion in Abruç.
La vere sfide e sarà la ricostruzion. Ma ise finide la emergjence?
«Fint tant che la tiere e treme no je finide la emergjence. Dopo dal 6 di Mai no stin a dismenteâsi che o vin vude la grande scjassade di Setembar. E ancje li, mi somee che la tiere e continue a tremâ, duncje…».
Cemût viodial i prins intervents?
«A diference di noaltris, li e je partide subit la machine de Protezion civîl, che tal 1976 no esisteve inmò. Ma cheste no baste: al covente che la int si organizi in autonomie. Però chi o vevin tantis servitûts militârs che al significave vê tantis casermis e tancj militârs: po ben, ta chê ocasion al à significât vê tante int che si è metude a lavorâ daurman. Ma dopo, la vite des tendopolis le àn gjestide i comitâts che a son nassûts in pratiche par dut: a la int dal Abruç o dîs che i tocje a jê cjapâ in man la situazion».
Ce consei daial par frontâ la ricostruzion?
«Il prin consei che o doi al è par ducj chei che a fevelin di «model Friûl»: no si à di montâ in catedre. Si à di mostrâur a chê int là jù ce che noaltris o vin fat culì, ma no vin di imponilu, parcè che o vin di judâju a elaborâ une lôr soluzion, pai lôr paîs e no espuartâ un model di «di fûr»: ogni realtât e je une realtât par so cont.
Tornâ a costruî «dulà che al jere, cemût che al jere» o «new towns»?
«Prin di dut, par ricostruî i paîs e no colâ te tentazion di scjampâ vie, si à di vê lidrîs profondis e un grant amôr pe proprie tiere, ma al à di jessi un «amôr razionâl». La idee de «new town» mi somee une idee dal dut sbalade: ancje culì a vevin provât a proponi di concentrâ ducj i paîs intun «Udin 2» ma e je stade une idee che e je stade subit mandade indaûr, fate fûr in cuatri e cuatri vot de int, dai inteletuâi, di Glesie furlane… Lis ideis imponudis dal alt no van ben: e à di jessi la int a decidi cemût che e à di ricostruî. Ma prime e à di rindisi cont che la ricostruzion e à i siei timps».
Cemût viodial la reazion de int a cheste tragjedie?
«Come che o disevi: e à di jessi la int a cjapâ in man la situazion. Magari cussì no pal moment, e o speri di sbaliâmi, no ai viodût il stes moviment popolâr che al è stât culì. Mi somee dut masse cuiet».
Ce consei daial a la politiche in cheste situazion?
«Mi somee che e sedi stade masse esposizion mediatiche ta chestis setemanis. Po dopo i disarès ai politics di metisi in vore ancje dal pont di viste legjislatîf: la nestre regjon e à un corpus di leçs che al podarès jessi doprât come model parcè che no vin di dismenteâsi che par ricostruî si à di vê regulis siguris. O soi content di vê let che al è stât mandât un pool antimafie par vigjilâ sui apalts che a saran di dâ par ricostruî. I ten a ricuardâ che chi in Friûl o vin vût il prin decentrament, ma al è ancje di dî che il president Antonio Comelli al à afermât «O sin stât fortunâts parcè che tai comuns o vin cjatade int in gjambe»: no stin a dismenteâ che nô sindics o vevin responsabilitât direte sui finanziaments che nus vignivin dâts suntun cont personâl par gjestiju in maniere plui svelte».
Ma si tratial dome di ricostruî mûrs?
«No, anzit. La ricostruzion interiôr e je fondamentâl. Come che fondamentâl chi al è stât il rûl di Glesie furlane che tal document «Pai furlans che a crodin» e je stade la prime a elaborâ il principi «Prime lis cjasis e dopo lis glesiis», che intun prin moment al jere stât scombatût, ma che dopo il vescul al à fat propri. Ur va dât at a chescj predis di vê vût une funzion pardabon impuartant par tignî dongje lis comunitâts».
In struc ce covential?
«Prin di dut volontât, trasparence e netece di gjestion; un moviment popolâr autonim e tecnics brâfs (tra chescj si à di scoltâ cun atenzion ce che a disin i gjeolics prime di tornâ a costruî). Par fâsi une idee di ce che al è stât fat culì, ai 20 di Jugn o screarìn une mostre a Vençon li che si podarà cjatâ une vore di documentazion sul taramot dal 1976 e su la ricostruzion».
Christian Romanini
A torzeon pal Friûl / Il rituâl de Messe dal Spadon nus ripuarte ae ete dai Patriarcjis
Sara Traunero
La memorie e torne indaûr a Marquart, ma forsit la tradizion e je ancjemò plui antighe Ai 6 di Zenâr, in ocasion de fieste de Epifanie, il Comun di Cividât si prepare a celebrâ un rituâl tant curiôs che inmagant: e je la Messe dal Spadon, che par tradizion si fâs tal antîc Domo antîc. […] lei di plui +
Libris simpri bogns / Emilio Nardini, “Par vivi”, Udin, 1921
Laurin Zuan Nardin
“Apene finidis di lei lis poesiis dal cont Ermes, il dotôr Cesare, fra i batimans dal public, al si ritire daùr l’uniche quinte preparade a zampe dal… palc scenic. Ma, pal bessologo, che il devi recità il brâf atôr di san Denel, Giovanin Tombe, ‘e ocòr une scene, e il dotôr Cesare la proviot cussì:…” […] lei di plui +
Interviste / Numb il cjan scjaladôr (e il so paron Thomas)
Dree Venier
Di un probleme ae çate al record in mont: interviste cun Thomas Colussa, che cul so Numb al sta pontant al record di altece lant sul Mont Blanc O vevi za intervistât Thomas Colussa, 40 agns, un pâr di agns indaûr. In chê volte al jere un “furlan a Milan” e al faseve il personal […] lei di plui +
Int di Cjargne / “La gallinella saggia” che a Cjavaç e insegne a produsi e a mangjâ ben
Marta Vezzi
La aziende agricule biologjiche La Gallinella Saggia e je nassude 7-8 agns indaûr: “La idee e je stade di mê mari – e conte Caterina Pillinini – che e à simpri fat orts e cjamps, e duncje e je une vite che si dediche ae coltivazions di tancj prodots; vint il ristorant Borgo Poscolle e […] lei di plui +
Sport… che ti trai! / Pietro Corredig e Sonia Borghese: une vite di pignatis a scufiots
servizis di Francesco Tonizzo
La cubie dai cjanalots, un di San Pieri e une di Miers, e à vinçût il campionât talian di machinis storichis e il titul european, simpri cun Sanremo intal destin Inzen, passion, amôr, dedizion, voie di zirâ il mont, spirt competitîf, leam cun il teritori des Vals dal Nadison, e risultâts une vore preseâts. Il […] lei di plui +
L’EDITORIÂL / La identitât e ven dai zovins
Walter Tomada
Une zornade di incuintri pai Conseis dai Fantats Al à fat scjas il senatôr Roberto Menia che al à declarât di volê gjavâ il furlan de scuele e dal ûs public. Al jere di un pieç che nissun rapresentant des istituzions al pandeve clâr di volê scancelâ lis normis di tutele, ma salacor a son […] lei di plui +