Sfuei Mensîl Furlan Indipendent
Archivi de Patrie

Frisie, tiere di sport autocton

............

In Frisie, la nazion cence stât che si cjate tra la Olande e la Gjermanie a esistin ben doi sport nazionâi nassûts li. Pratichis atletichis che i frisons a àn savût conservâ e promovi, tant che a vegnin zuiâts ancje di professioniscj.
IL KAATSEN_ e je une sorte di vie di mieç jenfri il volley e il tenis. Si frontin 2 scuadris di 3 elements che a àn di tirâsi une bale di gome dure cuntun diametri di 3,5 centimetris sul cjamp di zûc lunc 61 metris e larc 32 metris. I atletis a àn di bati la bale cuntune sole man crote o taponade di un guant: che al dipent dai rûi di zûc. I ponst a son similârs a chei dal tenis e cuant che une squadre e fâ 6 zûcs e vinç la partide.
La sô origjin e je datade tor dal an 1000 d.d.C. e tal 1854 a Franekeradeel si è tignût il prin torneu.
In dì di vuê chest zûc al è popolâr tai Paîs Bas e in Belgjiche, al nivel plui alt il kaatsen al è praticât adiriture di professioniscj in stadis di pueste e i lôr incuintris a son trasmetûts di diviersis televisions.
IL FIERLJEPPEN_ al è un sport plui stramb: al è il salt di un fossâl plen di aghe montant suntun pâl. Si tachisi al pâl lant plui in sù pussibil par cirî di rivâ di chê altre bande de spuinde il plui lontan pussibil. La abilitât e sta tal restâ e lâ sù pal pâl intant che chest al cole indevant. Chei che a restin cul pâl dret e che po a colin te aghe a son tancj. E ven fate une classifiche di pueste.
L’atuâl record al è di Bart Helmholt di Hurdegaryp (Frisie). Al è rivât a 20,76 metris tal 2007.
Dree Venier

L'EDITORIAL / Preâ par furlan al è onôr e no pecjât

Walter Tomada
Jo no jeri ancjemò nassût cuant che pre Checo Placerean al tacave a voltâ il Messâl par furlan. A son passâts passe 50 agns e i furlans no àn ancjemò plen dirit, pe Glesie di Rome, a preâ inte lôr lenghe. La Conference Episcopâl dai Talians e à mancjât, ancjemò une volte, di fâ bon […] lei di plui +

Gnovis / Acuile sportive furlane

Redazion
Joibe di sere aes 6 intal Salon dal Popul dal Palaç da Comun di Udin si tignarà la cerimonie di consegne de prime edizion dal premi ACUILE SPORTIVE FURLANE, un gnûf ricognossiment che al met dongje il valôr dai risultâts sportîfs ae cussience identitarie che i campions furlans di ogni sport a son bogns di […] lei di plui +