SOT DE LINT. La “residence di artiscj”

E je di vecje date la pratiche de residence di artist, almancul a partî de epoche baroche, cuant che compositôrs, libretiscj, musiciscj e cjantants, si cjatavin ducj insiemi intune determinade localitât par lavorâ suntune opare e daspò presentâle intal stes lûc. Il tiermin duncje si riferìs a une prassi che e consist tal fat che un ent, un teatri, une organizazion, sedi publiche o privade, a ospitin un o plui artiscj par permetiur di creâ alc che al vignarà dopo mostrât ae comunitât. Un discors che al lee il fâ artistic cu la partecipazion de int, che al met adun creadôrs, tant che pitôrs, atôrs, musiciscj, performers in gjenar, cu la int che e podarà gjoldi no dome de opere, ma ancje dai moments de sô creazion. Une realtât cussì in Friûl, oltri al progjet L’Insiùm che al è un laboratori permanent, si pues cjatâ di Istât intal festival Stazion di Topolò e ancje in Primevere intal East Village Artist Residency a Manzan. ❚✒ A.S.