RICUART. Mandi Uaine, campion ancje fûr dal balon

Une vite pal balon, ma no dome. Un campion di altris timps.
Severino Feruglio, stopper e alenadôr dal Udin, classe 1919, al jere une bandiere no dome pes Zebrutis, ma pal Friûl. Nus à lassât dopo un ricovar in Ospedâl ae fin di Mai.
Cun lui si ‘nt va un mont che nol è plui, un mont di oms, prime che zuiadôrs, che dopo vê corût daûr di un balon, a tornavin a la vite “normâl”, par lavorâ come ducj.
E “Uaine”, o “Gandhi”, come che lu vevin clamât pal so fisic sut, al veve leade la sô vite al balon, cence dismenteâ che la vite no jere dome “una cjamp di jerbe verde”: al veve partecipât a la Resistence e vût rûi impuartants ancje tal mont culturâl, al jere stât duncje om di Udin, no dome dal Udin. E ancje cuant che nol jere propit plui un “fantacin”, al veve continuât a lavorâ deventant imprenditôr.
Di lui a restin tancj insegnaments, tal zûc come antesignan dal “sisteme inglês” (forsit cence nancje savê di trop che al jere inovatîf la sô maniere di zuiâ dopleant lis marcjaduris, ma soredut a nivel uman chel di jessi simpri stât une “lenghe sclete”, cun dignitât di vendi.
Mandi, campion! ■
Christian Romanini