O vin bisugne di voaltris

Nol covente fâle tant lungje. Miôr fevelâsi clâr. O vin bisugne di une man. Se si va indevant cussì no si rive al an che al ven. O stin sparagnant su dut, ma i contribûts che a vevin di rivâ, no son rivâts e pal moment di bande de Regjon no vin novitâts: la Zonte Tondo nus à lassâts cul -40% rispiet al 2012 e la gnove maiorance no à inmò fat savê nuie su chest teme. O vin scrit a la presidente Serracchiani par savê se chest sfuei al à di murî. In tancj si son dâts di fâ in chescj mês par judânus. Di bande nestre o stin cirint di movisi in dutis lis direzions e cun ducj i mieçs par tirâ sot chês palanchis che nus mancjin rispiet al an passât.
O tornìn duncje a domandâ il vuestri jutori in ogni forme: cui abonaments, cui contribûts, cul stânus dongje tes prossimis iniziativis.
O vin decidût di resisti, ma o scugnìn vêus cun noaltris.
✒ Redazion