54 dîs di viaç tal cûr des Alps

Gian Luca Gasca al è un zovin cuntune passion mostre pes monts, pai lôr paisaçs, pes lôr storiis e pe lôr int. Cun chest spirt, tal Istât dal 2015, al à decidût di fâ un viaç di une bande a chê altre des Alps. In 54 dîs, lant daûr de filosofie dal viazâ responsabil e duncje movintsi a pît o cui mieç publics, al è partît des bandis di Triest par rivâ a Nize.
Il so viaç al è stât un sgarfâ tra trois e stradis, tra pichis e valadis, tra borcs e boscs, ma soredut tra storiis e personis e al è deventât un libri che al da cont di incuintris, di discuviertis, di esperiencis e di resonaments in cont de mont e dal mont. Un test scrit cun sintiment e cun curiositât, che si fâs lei cun plasê. Pecjât par cualchi imprecision in cont di lenghis e dialets…
G. L. Gasca, 54 giorni nel cuore delle Alpi, Fusta, Saluzzo, 2016. ❚
___________________________
Gran Bal Dub, misture di folk e eletroniche d’Òc

La colaborazion tra Sergio Berardo (vôs, ghironde e milante altris struments tai Lou Dalfin e in altris progjets di musiche ocitane) e Madaski, innomenât produtôr e musicist, e va dilunc e si palese cu la produzion di une racuelte di sîs tocs che si pues discjamâju sore nuie in rêt. La azion musicâl e multimediâl, metude adun ancje cu la colaborazion di Chiara Cesano al violin e di Roby Avena ae armoniche e al semiton, e à chê di messedâ eletroniche e bai tradizionâi des Valadis ocitanis dal Piemont e ancje di chês altris tieris d’Òc. Il progjet si clame Gran Bal Dub e nol è un câs: la misture di ritmis, campionaments e sunôrs tradizionâi e fâs vignî gole di balâ o almancul di metisi in moviment, tra branles e rigodons in salse techno e dub e storiis di int cence confins.
Berardo – Madaski, Gran Bal Dub, www.granbaldub.com, 2017. ❚
par cure di Marco Stolfo
Musiche furlane fuarte / “Surtùm”: il gnûf progjet discografic dal cjantautôr Massimo Silverio
Alessio Screm
Al vûl dî “palût”, “paludere”, e tal furlan di Çurçuvint si dîs “surtum”. Al è il titul dal gnûf album dal cjantautôr Massimo Silverio, artist cjargnel, musicist e autôr che al dopre la lenghe mari intune maniere dal dut particolâr. Al cjante in cjargnel, chel vecjo cjargnel imparât dai nonos e che cumò si stente […] lei di plui +
Cristina Delli Santi, la siore dal pugjilât furlan
Dree Venier
Juste maridade cul tecnic Gianluca Calligaro,e je cognossude e preseade di ducjpal so lavôr te palestre di vie Marangon Galeotto fu il ring. Vê cognossût Gianluca Calligaro, tecnic preseât de Pugjilistiche Udinese che al puarte indenant la scuele dal mestri Remo Venzo, al è stât par Cristina Delli Santi la faliscje di une relazion, saldade […] lei di plui +
Gnûf libri / I ‘haiku’ par furlan, inglês e gjaponês: la sfide vinçude di Christian Romanini
Walter Tomada
Cui che al lei “La Patrie dal Friûl” al cognos ben Christian Romanini che par cetancj agns al è stât une colone di chest gjornâl. La so ativitât a pro dal furlan no s è mai fermade e cumò e je rivade a proponi un biel model di scriture, bon di associâ la marilenghe a […] lei di plui +
Art tal tac / Pestefun, il ‘grunge’ par furlan che al fâs vibrâ e che al spache, al ven di Codroip
Moira Pezzetta
Al è un gnûf sun che al travierse il Friûl. Nol rive des planuris de Basse, ma nancje des ostariis plui imbusadis. Al è un sun ruspi, eletric, che al sgrife e al scjasse: chel dai Pestefun, tercet di Codroip che al puarte il grunge dentri de lenghe furlane. Trê i struments, trê i musiciscj, […] lei di plui +
Presentazion / Libri “Sport… che ti trai!”
Redazion
Sabide 18 di Otubar, a 11 a buinore a Çarvignan te Cjase de Musiche, “La Patrie dal Friûl” e varà un spazi intal program dal biel Festival del Coraggio che si davuelç a Çarvignan fintremai a domenie. Stant che il program di chest an al fevele di oms e feminis che a puartin indenant valôrs di […] lei di plui +
La zornade / “Stin dongje ae Patrie” 2025
Redazion
Li dai Colonos a Vilecjaze di Listize. In conclusion de rassegne Avostanis Il mont des associazions, de culture, dal spetacul, dal sport furlan si strenç intor dal gjornâl CHE DAL 1946 AL È LA VÔS DI UN FRIÛL CHE NO SI RINT. A son stâts cun nô: Tullio Avoledo, Andrea Del Favero, I “Bardi” di […] lei di plui +


