Domenie ai 23 di Lui a Faeto (FG) al è partît il MissusTour, il zîr par presentâ il progjet dal documentari Missus di Massimo Garlatti-Costa aes minorancis linguistichis di Italie.
In graciis de colaborazion cul prof. Giovanni Agresti de Universitât di Teramo e cu la associazion Lem Italia che za di cualchi an e organize la “Carovane linguistiche”, Massimo Garlatti-Costa al è lât in Pulie dulà che e je presinte une comunitât francoprovenzâl «Une esperience une vore fuarte par screâ chest Tour» al dîs Garlatti-Costa «Cumò o stin definint i detais pes prossimis tapis che a puartaran il film Missus ator par dute Italie par finî cu la prime proiezion in Friûl tal Dicembar dal 2017».
Missus al è il film che al conte di Glesie Furlane e de bataie che di passe 40 agns e à par protagoniscj chescj predis furlans impegnâts a puartâ indevant la lenghe furlane te liturgjie, combatint cuintri i prejudizis e lis discriminazions. Pai detais o podês lei ancje l’articul di Alessio Screm su La Patrie di Lui dal 2017.
Il trailer al è visibil sedi sul sît uficiâl www.missusfilm.com sedi su la fanpage www.facebook.com/MissusFilm.
ERRATA CORRIGE Sul numar di Lui al è vignût fûr sbaliât l’indiriç internet dal sît uficiâl: l’estension e je “.com” e no “.it”. Si scusìn cui letôrs. ❚
✒ Redazion
Zovins di gale / Sborf, il zûc par induvinâ e imparâ peraulis par furlan che al à za concuistât miârs di personis
Erika Adami
Daûr un grup zovin che al à a cûr la lenghe furlane Un sborf di un biel colôr vert slusint al è il simpatic compagn di zûc par cui che al à voie di induvinâ e imparâ peraulis in lenghe furlane sul propri dispositîf digjitâl. Chest de fin di Març, cuant al è rivât Sborf […] lei di plui +
Galerie fotografiche / Cuinte edizion di “Stin dongje ae patrie”
Redazion
Pe rassegne Avostanis, Domenie ai 4 di Otubar li dai Colonos si è tignude la cuinte edizion di “Stin dongje ae Patrie“. La storiche riviste furlane e a fât fieste par i siei otante agns e e a cjalât al avignî adun cul mont de culture, de musiche, dal associazionisim, dal sport tal ricuart no […] lei di plui +
Stin dongje ae Patrie / La storiche riviste furlane e fâs fieste par i siei otante agns
Redazion
Pe rassegne Avostanis, Domenie ai 4 di Otubar aes 3 dopomisdì li dai Colonos a Vilecjaze di Listize tierce edizion di Stin dongje ae Patrie. La storiche riviste furlane e fâs fieste par i siei otante agns e e cjale al avignî adun cul mont de culture, de musiche, dal associazionisim, dal sport tal ricuart […] lei di plui +
La piçade / Salts, lavoradôrs e… laris. Almancul i laris a fevelin par furlan
Mastiefumate
Che il rapuart tra il Messaggero Veneto e la lenghe furlane nol fos dai miôr, si saveve. Par esempli su la partide dal secul tra la nazionâl furlane e chê groenlandese, nancje une rie par furlan. Si spietavin che al vignìs ripuartât a caratars cubitâi il sproc tal strisson puartât in cjamp dai zuiadôrs intant […] lei di plui +
Gnovis pai fruts / I Gnognosaurs a imparin a svolâ: al rive in edicule «Tal blu piturât di blu», il gnûf album di colorâ
Redazion
Daspò dal sucès dal prin album vignût fûr a Nadâl, i simpatics dinosauruts che a fevelin par furlan a proponin pal Istât une gnove aventure: il professôr Einsaur e il so fedêl assistent Blik a provin di svolâ, ispirâts dai pterodatils. Rivarano? ◆ A partî de fin di Jugn al è rivât tes ediculis dal […] lei di plui +
Gnovis / LA PATRIE DAL FRIÛL AL SALON DAL LIBRI DI TURIN 2026
Redazion
Dai 14 ai 18 di Mai no steit a cirînus, noaltris de “Patrie”: no sarin in Friûl, ma inaltrò.◆ No, no lìn in esili. Pal moment, jessi “furlans che no si rindin” nol è ancjemò une colpe. Salacor lu deventarà, ma pal moment o podin jessi “libars di sielzi” di lâ in “mission”. Une mission […] lei di plui +