✽✽ La gnove, ma no je une novitât, e je che daûr di une ricercje dal “Sole24ore” la universitât di Udin, anzit la Universitât dal FRIÛL, si cjate al 15n puest de classifiche taliane. Triest e ven daûr (26°).
Al prin puest Trent. Su chest, il diretor dal Messaggero Veneto al à scrit intal so blog, une riflession che mi somee juste considerâ. Al scrif Monestier: Se Udin al da la vene a Triest, Trent le da a Udin». Ven a stâi par lui, il riferiment no à di jessi la universitat triestine, ma che miôr. O vin di jessi i miors, al è l’invît di Monestier. Cemût no dâi reson! Su chest numar tal articul su Lateriis Furlanis o disìn une robe compagne rispiet ai nivei di sicurece alimentâr: se in Italie si domande un nivel X, in Friul al à di jessi X+. Se pe sanitât la cualitat e je Y, ca di noaltris e à di jessi Y+ e vie indenant in ducj i setôrs de vite e de societât.
✽✽ Disìnsi la veritat: al è stat un timp, che, propit pe vie de specialitât, chest al è sucedût. No par dut, no simpri ma dispès. Il nestri Friûl al jere indenant de Italie, il confront al jere cu la Europe. Si clamave model Friûl, a vignivin a studiâlu par copiâlu.
E la Regjon i lave daûr, e gjoldeve di cheste situazion di progrès, Triest comprendude.
✽✽ O pensi che chest al sedi stât il regâl dal taramot: cence chei muarts, cence lis mobilitazions de int, cence chel rapuart diret cui sindics, cu la politiche in gjenerâl, si sarès restâts indaûr.
✽✽ La nassite de universitât furlane e figure ben chei agns. Po dopo alc al è cambiât: cualchidun al fevele di masse bêçs, altris di sotanisim dai sorestans furlans. personalmentri o ai simpri pensât che la storie e va indenant a ciclis, ma che in ognidun al reste alc di chel prime.
✽✽ Une realtât invezit no je mai cambiade: il rapuart tra Triest e il Friûl. Dôs storiis diviersis che dome un legjisladôr curt di voli e di cjâf al podeve meti dongje intune istituzion aministrative tant che la Regjon a statût speciâl.
✽✽ Parcè duncje no podìno jessi vuê tant che Trent?
✽✽ Al sarès masse comut ricuardâ, che la universitat dal Friûl e je sot finanziade, che Triest “e à simpri cjalât l’ateneu di Udin, tant che une cualsisedi scuele superiôr”, “il dispresi”, peraulis simpri di Monastier. Triest no à mai glotût la nassite de universitât furlane, o zonti jo.
✽✽ La citât, la sô borghesie no rive a cjalâ fûr dal so interès, di une concezion di citât “martare”. E tant che une mantide e cope ducj chei che i stan ator par sopravivi.
Cheste e je la realtât. E alore e je vere che in cualchi maniere o vin di lâ indenant, che ancje cun mancul bêçs la nestre universitât e fâs la sô figure, che tal mont la nestre industrie, il nestri lavôr al resist, si fâs cognossi. Tignî bot duncje, ma par rivâ a jessi “Trent” o fasìn il dopli di fature, pierdint fuarcis e ocasions.
Cheste la responsabilitât de politiche, dai politics furlans in prime file, simpri plui leâts al cjar dal podê, al partît e no al popul che a varessin di rapresentâ. ❚
Dree Valcic
A torzeon pal Friûl / Il rituâl de Messe dal Spadon nus ripuarte ae ete dai Patriarcjis
Sara Traunero
La memorie e torne indaûr a Marquart, ma forsit la tradizion e je ancjemò plui antighe Ai 6 di Zenâr, in ocasion de fieste de Epifanie, il Comun di Cividât si prepare a celebrâ un rituâl tant curiôs che inmagant: e je la Messe dal Spadon, che par tradizion si fâs tal antîc Domo antîc. […] lei di plui +
Libris simpri bogns / Emilio Nardini, “Par vivi”, Udin, 1921
Laurin Zuan Nardin
“Apene finidis di lei lis poesiis dal cont Ermes, il dotôr Cesare, fra i batimans dal public, al si ritire daùr l’uniche quinte preparade a zampe dal… palc scenic. Ma, pal bessologo, che il devi recità il brâf atôr di san Denel, Giovanin Tombe, ‘e ocòr une scene, e il dotôr Cesare la proviot cussì:…” […] lei di plui +
Interviste / Numb il cjan scjaladôr (e il so paron Thomas)
Dree Venier
Di un probleme ae çate al record in mont: interviste cun Thomas Colussa, che cul so Numb al sta pontant al record di altece lant sul Mont Blanc O vevi za intervistât Thomas Colussa, 40 agns, un pâr di agns indaûr. In chê volte al jere un “furlan a Milan” e al faseve il personal […] lei di plui +
Int di Cjargne / “La gallinella saggia” che a Cjavaç e insegne a produsi e a mangjâ ben
Marta Vezzi
La aziende agricule biologjiche La Gallinella Saggia e je nassude 7-8 agns indaûr: “La idee e je stade di mê mari – e conte Caterina Pillinini – che e à simpri fat orts e cjamps, e duncje e je une vite che si dediche ae coltivazions di tancj prodots; vint il ristorant Borgo Poscolle e […] lei di plui +
Sport… che ti trai! / Pietro Corredig e Sonia Borghese: une vite di pignatis a scufiots
servizis di Francesco Tonizzo
La cubie dai cjanalots, un di San Pieri e une di Miers, e à vinçût il campionât talian di machinis storichis e il titul european, simpri cun Sanremo intal destin Inzen, passion, amôr, dedizion, voie di zirâ il mont, spirt competitîf, leam cun il teritori des Vals dal Nadison, e risultâts une vore preseâts. Il […] lei di plui +
L’EDITORIÂL / La identitât e ven dai zovins
Walter Tomada
Une zornade di incuintri pai Conseis dai Fantats Al à fat scjas il senatôr Roberto Menia che al à declarât di volê gjavâ il furlan de scuele e dal ûs public. Al jere di un pieç che nissun rapresentant des istituzions al pandeve clâr di volê scancelâ lis normis di tutele, ma salacor a son […] lei di plui +