Sfuei Mensîl Furlan Indipendent
Archivi de Patrie

LA VÔS DE CISL. 730 anti crisi

............

Grande novitât a Setembar pai citadins che a svantin credits Irpef tai confronts dal Stât pal an 2012 e che, par vie de mancjance di un contrat di lavôr, no àn podût elaborâ il 730 ordenari e otignî cussì il rimbors intai mês di Lui e di Avost in maniere direte dal sostitût di impueste-datôr di lavôr.
Il mecanisim dal 730 al è consolidât aromai di agns: il lavoradôr dipendent o pensionât al compile la declarazion dai redits e il risultât a debit o a credit al sarà paiât in maniere direte dal sostitût di impueste (datôr di lavôr – ent pensionistic), cjapant il puest apont dal Stât.
Cheste novitât e à permetût di acelerâ i timps dai rimbors che, par chei, in agns passâts al bisugnave spietâ ancje tancj agns.
L’acès al 730 però al è impedît a cui che nol à un sostitût di impueste, tant che par esempli cui che al à lavorât intal 2012 ma al à pierdût il lavôr intal 2013, restant disocupât. Lis diferencis dal 730, di fat, a vegnin calcoladis dal mês di Lui 2013 indenant, e par elaborâ il 730 al covente vê un sostitût di impueste in chest periodi. Nol vâl nuie vê vût un contrat di lavôr intal 2012.
Viodût il periodi di crisi che la Italie e je daûr a passâ, a son simpri plui i sogjets che a restin cence lavôr e che a son obleâts a elaborâ tant che declarazion dai redits il model Unico, domandant a rimbors diretementri al Stât lis impuestis paiadis in plui, cun timps di spiete in medie di 2-3 agns.
Par vignî incuintri di chescj sogjets, il Guvier in Avost al à varât un decret che al introdûs un gnûf gjenar di 730, definît “730 – Situazions particolârs”, e tornât a batiâ dai esperts dal cjamp “730 Anti crisi” o “730 Speciâl”. Chest gnûf model si indrece ai sogjets titulârs di redits di lavôr dipendent e assimilâts che no àn podût presentâ il model 730 ordenari, in mancjance di un sostitût di impueste che al podès anticipâ la diference (vâl a dî, i disocupâts).
Cun  di plui, une altre carateristiche e je la presince di un risultât finâl a credit, che par chel il contribuent al viodarà il rimbors in timps cetant svelts (si fevele dal Dicembar dal 2013), presentant subit  in Agjenzie des Jentradis il modul cui dâts dal propri cont corint (IBAN).
Dal 2014, invezit, la gnove formule di 730 e sarà slargjade ancje a cui che al à di paiâ lis impuestis e al sarà elaborabil intal stes periodi dedicât al 730 ordenari (Març – Mai).
O invidìn duncje ducj i sogjets interessâts a contatâ par timp i uficis dal Caf Cisl, stant che i tiermins di scjadince a son cetant curts: ai 30 di Setembar, cun trasmission telematiche de bande dal Caf dentri dai 25 di Otubar.❚
Mariannina Rocco
Responsabile fiscâl dal CAF CISL di Udin

L'EDITORIAL / Preâ par furlan al è onôr e no pecjât

Walter Tomada
Jo no jeri ancjemò nassût cuant che pre Checo Placerean al tacave a voltâ il Messâl par furlan. A son passâts passe 50 agns e i furlans no àn ancjemò plen dirit, pe Glesie di Rome, a preâ inte lôr lenghe. La Conference Episcopâl dai Talians e à mancjât, ancjemò une volte, di fâ bon […] lei di plui +

Gnovis / Acuile sportive furlane

Redazion
Joibe di sere aes 6 intal Salon dal Popul dal Palaç da Comun di Udin si tignarà la cerimonie di consegne de prime edizion dal premi ACUILE SPORTIVE FURLANE, un gnûf ricognossiment che al met dongje il valôr dai risultâts sportîfs ae cussience identitarie che i campions furlans di ogni sport a son bogns di […] lei di plui +