Sfuei Mensîl Furlan Indipendent
Archivi de Patrie

LA POESIE – Unviâr (1967)

............

Frôs ch’a trìmin tal vint
parsore la stale.
Stradis vuéidis
come cjanâi cence aghe.
Arbui ch’a impìrin il cîl
indurmidît te cuvierte dal nûl.
Intune lûs di liende
al pâr sapulît il paîs

Mario Argante (1909 – 1991). Di Spilimberc, ma nassût a Vignesie,  al à vivût a Taurian e po Udin. Mestri e president de Scuele libare furlane, fondade intal 1952. Cun Galliano Zof e pre Domeni Zanier al à metût sù il moviment poetic La Cjarande (1967). Oparis: Sangloz di oris (Udin, 1968), Alis di cinise (Udin, 1969), Erbe che no mûr (Udin, 1975) e Stagjons (Spilimberc, 1981).
Sôs lirichis a son presintis ancje intes antologiis, a scomençâ, naturalmentri, de Cjarande.
par cure di Laurin Zuan Nardin

L'editoriâl / Macroregjons, une oportunitât di racuei

Alessandro Ambrosino - Graduate Institute, Gjinevre
Lis strategjiis macroregjonâls a son la ultime “invenzion” UE par favorî la cooperazion teritoriâl. Trê di cuatri si incrosin in Friûl Intai ultins agns, la Union Europeane si è sfuarçade in maniere vigorose di vignî dongje di plui ai citadins e – su la fonde di chest cambi di rote – e à ricognossût une […] lei di plui +

Il numar in edicule / Jugn 2022

Dree Venier
Jugn 2022 – L’EDITORIÂL. La multiculturalitât e valorize il grant e il piçul / (L)INT AUTONOMISTE. Il pericul centralist al è tal Dna dai partîts talians / PAGJINE 2 – LA STORIE. Di Udin a Pesariis par promovi la mont e i prodots furlans / INT DI CJARGNE. Aziende Agricule Rovis Sabrina di Davài di […] lei di plui +