Sfuei Mensîl Furlan Indipendent
Archivi de Patrie

RICETE – Verzis cun patatis

............

Timp pe preparazion: 40 minûts • Timp par cuei: 1 ore
Ingredients par cuatri personis
Une cevole, 40 grams di ardiel, 1 verze (plui o mancul 800 gr),
2 patatis tarondis, sâl e pevar.
SI  FASIN  CUSSÌ
Lavait e curait la verze. Taiâtle a la svuelte in tocs grues e metêtle intune pignate cun aghe frede e salade. Fasêtle bulî tignintle dentri par uns trê minûts daspò che le aghe e bol. Meteitle intune cite cun aghe frede par 30 minûts e scolaitle, suiaitle e taçaitle in stissulis sutilis. Taçait la cevole e faseitle lâ intune fressorie cul ardiel masanât. Spietait che a cjapin colôr e zontait la verze preparade, lis patatis taiadis a daduts, une piçade di sâl
e une netade di pevar. Cuvierzêt il recipient e fasêt stufâ il dut plan,
par une ore. Servîle cjalde, se o volês acompagnantle cun polente frescje,
a pene mignestrade.
Sunte dai Ros

L'EDITORIAL / Preâ par furlan al è onôr e no pecjât

Walter Tomada
Jo no jeri ancjemò nassût cuant che pre Checo Placerean al tacave a voltâ il Messâl par furlan. A son passâts passe 50 agns e i furlans no àn ancjemò plen dirit, pe Glesie di Rome, a preâ inte lôr lenghe. La Conference Episcopâl dai Talians e à mancjât, ancjemò une volte, di fâ bon […] lei di plui +

Gnovis / Acuile sportive furlane

Redazion
Joibe di sere aes 6 intal Salon dal Popul dal Palaç da Comun di Udin si tignarà la cerimonie di consegne de prime edizion dal premi ACUILE SPORTIVE FURLANE, un gnûf ricognossiment che al met dongje il valôr dai risultâts sportîfs ae cussience identitarie che i campions furlans di ogni sport a son bogns di […] lei di plui +