Sfuei Mensîl Furlan Indipendent
Archivi de Patrie

LA FABRICHE DAI… LIBRIS. Trê… intun colp!

............

O ai denant di me lis cuviertinis dai ultins trê numars de riviste La Comugne. Lis imagjinis a son une part impuartante de publicazion, un stimul in plui, un altri plan naratîf. Si viodin une biele foto dal furgon di un complès musicâl dai agns ‘70, il soreli che al cor pe eternitât daûr de sô inamorade, la lune, la muse di un om cul turbant robade di cualchi bande tra il Sudan e l’Egjit.
Si à di vê bravure di vê une riviste cussì. No dome si cjatin autôrs modernis, sperimentazions, ma ancje vogladis frescjis e stiçadis par rifleti e par pensâ.
Chel che al va marcât nol è tant il nivel alt dai contignûts, ma il spirit che di tancj agns al anime La Comugne. Un estri sperimentâl, viert aes contaminazions, aes esperiencis e al confront.
Un tentatîf di puartâ tal cercli de leterature il stes spirit che al à stravoltât la musiche che si è fate in Friûl intai ultins decenis.
Cuant che al rive un gnûf numar, dongje dal incjant, al displâs constatâ la sô scjarse difusion. Sintom di cheste debolece al è il fat che i ultins trê a son vignûts fûr ducj intun colp. Probabilmentri un altri câs dulà che la aleatorietât e i timps dai finanziaments publics a fasin in mût che, ancje cuant che i bêçs pal furlan a son, la eficace dal intervent e vignedi smamide.
Il vêr intric dal afâr al stâ dut câs inte difusion e inte propagande de publicazion. Al somee che si stedi progjetant une distribuzion tes librariis e tes ediculis, robe che, insiemi a une jessude regolâr al podarès jessi un biel sburt indenant.
Par intant l’invît al è tal fâ la fature di cirîsi la riviste o di domandâle ae editore Kappavu. Il sfuarç al vâl la pene.
Maurizio Biasizzo

L'Editoriâl / Risierve di valôr

Leonardo Giavedoni - Buenos Aires
In ciertis tribûs o tes grandis fameis il cjâf grup al vignive nomenât patriarcje. Di solit e jere la persone plui anziane, une vuide naturâl. invezit, tal mont religjôs, in particolâr tal Orient Cristian, il patriarcje al jere un primât eclesiastic poiât su facoltâts e prerogativis che i davin une posizion di supremazie tes glesiis […] lei di plui +

Salon Internazionâl dal Libri di Turin 2023

Redazion
La Patrie dal Friûl e je presinte pe seconde volte tal Salon Internazionâl dal Libri di Turin cul so mensîl, l’unic in leghe furlane e cu la sô golaine “La machine dal timp” che e vegnarà presentade vuê joibe ai 18 di Mai aes 5 sore sere tal stand istituzionâl de Regjon Friûl – Vignesie […] lei di plui +

COROT. Nus à lassâts Sergio Salvi

Redazion
Domenie ai 23 di Avrîl, a la etât di 90 agns, nus à lassâts Sergio Salvi, un grant amì de lenghe furlane e di dutis lis lenghis minorizadis. «Scrittore, poeta, storico delle lingue minoritarie» lu definìs la Wikipedia taliane, al è stât chel che par prin al à jevât su il vêl su la cuestion […] lei di plui +

Glesie Furlane / Grop amîs di pre Toni. Program dai events pal 2023

1) Vinars ai 21 di Avrîl a lis 20.30, inte Sale Riunions di Vile Zamparo a Basilian, presentazion de gnove edizion dal libri di pre Toni “Fantasticant”.Relatôr: Roberto Iacovissi.In colaborazion cun Glesie Furlane.2) Sabide ai 22 di Avrîl, a lis 3 e mieze dopomisdì, in vie Friuli a Visepente, “5e Cjaminade libare – Pai trois […] lei di plui +