Rapuart critic de Cort dai Conts: a mancjin dâts clârs e inecuivocabii.
Ma la realtât e je sot dai voi di ducj
Che la sanitât furlane e sedi la prime malade di curâ, purtrop, al è sot dai voi di ducj. Cemût curâle, invezit, al è un tic plui complicât. Cambiade la Zonte regjonâl, ducj si spietin alc di gnûf par un sisteme complès che al met dongje i ospedâi e dut il compart de assistence sul teritori. I grops di distrigâ a son tancj, e la Cort dai Conts (che za e veve smicjade la riforme sanitarie de presidente Serracchiani prin des elezions, cuntun nûl di polemichis) ju à sclarîts intun rapuart une vore critic. Critic no dome parcè che i risultâts inte erogazion dai servizis no son miorâts, ma anzit a son lâts in piês: l’aspiet che plui al preocupe intai rilêfs de magjistrature contabile al è chel de carence di dâts confrontabii, che e rint impussibile la misurazion de “performance”. Vê sierade la Agjenzie regjonâl pe Sanitât sot dal Guvier di Tondo nol à judât, ma la Cort e ponte il dêt massime sul fat che i sistemis informatics no sedin stâts adeguâts ae necessitât di meti adun une schirie storiche di elements che a permetin une valutazion sclete des prestazions.
Dificil guviernâ ce che no si cognòs, insome, ma in mancjance di dâts clârs e inecuivocabii, la Zonte Serracchiani e pues continuâ a dâ cont di une riforme che e varès vût un impat positîf, intant che ogni dì invezit lis cronichis a fevelin di un cuadri dal dut diferent. Baste lei lis pagjinis dai gjornâi par cjatâ agressions fisichis e verbâls cuintri dai miedis e dai infermîrs, che a son pôcs e plens di lavôr, ma a pain ancje di persone cu la lôr sigurece i timps luncs e lis ineficiencis dal sisteme.
Il probleme dai problemis al somee jessi chel dai timps di spiete che a son masse luncs e a van dal sigûr scurtâts. In setôrs tant che neurologjie e endocrinologjie, 3 prestazions su 4 a superin i timps che lis Aziendis a àn determinât. Ma la situazion no va mâl dome cun visitis e esams strumentâi. Il probleme dai timps di funzionament si viôt ancje cul numar unic che al veve di sveltî i intervents e invezit si fevele di un minût e mieç in plui di spiete in medie par intervent.
Il centridrete, in campagne eletorâl al veve ipotizât di intervignî cun misuris drastichis: si jere considerade la pussibilitât di fâ i esams ancje di gnot par abati lis listis dai utents che a spietin prestazions urgjentis, ma in chestis primis setemanis dulà che l’assessôr regjonâl ae Salût Riccardo Riccardi al à cjapât contat cu la realtât sanitarie furlane, l’unic sprolungjament di orari che al è stât domandât al è chel dai ambulatoris dai miedis di famee. Ancje par lôr, puarets, no je recuie: inte legjislature passade ur è stât domandât di associâsi, cumò di slungjâ i oraris ognidun par so cont. Al è sigûr che ducj i mioraments de sanitât a scomencin de prossimitât cul citadin, ma ancje ai professioniscj che a stan in prime linie sul teritori ur covente di savê cuale che e je la direzion che al cjaparà dut il sisteme. Come su lis vacinis; nol è clâr ce che al sucedarà, ma la linie cjapade dal Guvier talian – plui “morbide” su la obligatorietât – e sarà seguide probabilmentri ancje culì. Cheste situazion e devente paradigmatiche di tantis altris dulà che la Zonte regjonâl dal Friûl-Vignesie Julie e varà di sielzi: lâ daûr di Rome o fâ di bessôi, sielzint stradis diferentis? La sanitât e je forsit il teren plui impuartant dulà che si varà di rispuindi a cheste domande di fonde. E nol sarà facil cjatâ la cure juste. ❚
Walter Tomada
(L)Int Autonomiste / Al esam di maturitât cu lis dispensis sul nestri sît
Dree Valcic
✽✽ E je une grande buse intal percors che planc a planc al è daûr a fâ l’insegnament de lenghe furlane inte scuele. Plui che une buse o podaressin definîlu un gorc che al va a pericul di gloti ducj chei si movin in chest setôr fondamentâl de nestre culture identitarie.✽✽ Si cjatìn di fat […] lei di plui +
L'Editoriâl / Risierve di valôr
Leonardo Giavedoni - Buenos Aires
In ciertis tribûs o tes grandis fameis il cjâf grup al vignive nomenât patriarcje. Di solit e jere la persone plui anziane, une vuide naturâl. invezit, tal mont religjôs, in particolâr tal Orient Cristian, il patriarcje al jere un primât eclesiastic poiât su facoltâts e prerogativis che i davin une posizion di supremazie tes glesiis […] lei di plui +
Salon Internazionâl dal Libri di Turin 2023
Redazion
La Patrie dal Friûl e je presinte pe seconde volte tal Salon Internazionâl dal Libri di Turin cul so mensîl, l’unic in leghe furlane e cu la sô golaine “La machine dal timp” che e vegnarà presentade vuê joibe ai 18 di Mai aes 5 sore sere tal stand istituzionâl de Regjon Friûl – Vignesie […] lei di plui +
COROT. Nus à lassâts Sergio Salvi
Redazion
Domenie ai 23 di Avrîl, a la etât di 90 agns, nus à lassâts Sergio Salvi, un grant amì de lenghe furlane e di dutis lis lenghis minorizadis. «Scrittore, poeta, storico delle lingue minoritarie» lu definìs la Wikipedia taliane, al è stât chel che par prin al à jevât su il vêl su la cuestion […] lei di plui +
Vuê al è il 3 di Avrîl, si fâs la Fieste de Patrie. Fûr la bandiere dal Friûl! Mandi a ducj i furlans! Buine Fieste de Patrie!
............
Chest an si davuelç ai 16 dal mês la celebrazion che e memoree l’inovâl dai 946 agns de nassite dal Stât Patriarcjâl 3 di Avrîl dal 1077: une date fondamentâl pe origjin de nestre identitât di popul furlan, dal moment che propit cheste zornade e je considerade in maniere uficiâl tant che chê de nassite […] lei di plui +
Glesie Furlane / Grop amîs di pre Toni. Program dai events pal 2023
1) Vinars ai 21 di Avrîl a lis 20.30, inte Sale Riunions di Vile Zamparo a Basilian, presentazion de gnove edizion dal libri di pre Toni “Fantasticant”.Relatôr: Roberto Iacovissi.In colaborazion cun Glesie Furlane.2) Sabide ai 22 di Avrîl, a lis 3 e mieze dopomisdì, in vie Friuli a Visepente, “5e Cjaminade libare – Pai trois […] lei di plui +