Al capite dispès che mi domandin, stant che o soi une sindicaliste femine, se in Friûl la crisi e à colpît di plui lis feminis o i oms, par ce che al tocje il lavôr. A vuelin savê, duncje, se a son di plui lis feminis a vê pierdût il lôr lavôr e a jessi metudis in casse integrazion, e v.i.
I numars a disin che il tas di disocupazion des feminis al è plui alt, sedi in Regjon che in Provincie di Udin. Il probleme, di fat, al è che za prime de crisi lis feminis ocupadis a jerin di mancul e che la crisi, dal manifaturîr prime e dai servizis dopo, e à falcidiât lis bassis professionalitâts che a son, magari cussì no, prerogative des feminis.
A tantis di chês che a son inmò ocupadis al è stât imponût, simpri par efiet dal câl dai volums produtîfs, il timp parziâl “obligatori”, ridusint in chest mût ancjemò di plui la lôr paie za plui basse, ancje a paritât di oris lavoradis, di chê dai coleghis oms.
La flessibilitât, e duncje ancje il timp parziâl, diventie pussibile dome cuant che e covente aes impresis? Si, in maniere palese. Lis aziendis a continuin a no capî, o a fâ fente di no capî, che pes feminis al è indispensabil vê un orari di lavôr elastic par conciliâ il timp di lavôr cun chel de proprie vite familiâr. A dî il vêr, nancje lis struturis publichis locâls, par esempli lis scuelis di ogni nivel, a àn oraris “friendly” (amichevui) pes feminis e lis fameis, stant che i oraris a son pensâts une vore pai operadôrs e pôc pai utents! Chest, dal sigûr, al penalize prin di dut lis feminis lavoradoris che su chês, come che si sa, al cjame ancjemò dut il lavôr di pulizie de cjase, di cure e di assistence dai familiârs.
In Friûl, di cualchi an, a son simpri plui numerosis lis feminis che a fasin lis feminis di servizi o lis badantis e che duncje, li di altris fameis, si ocupin dai lavôrs di pulizie, cure e assistence. Al ven iniment, in maniere spontanie, di cuant che lis fantatis e lis feminis furlanis – e a jerin i agns no lontans ’50 e ’60 – a levin “a servizi” tes fameis sioris de Penisule. Vuê, almancul, e je ricognossude la dignitât di chel lavôr ma al è sigûr retribuît mâl e dispès al ven fat in neri.
Tra i zovins, po dopo, la disocupazion tra oms e feminis e je sù par jù compagne. E e je alte. Tant alte. Masse alte!
O vuei visâ che lis feminis, in medie, si diplomin e si laurein di plui, in mancul timp e cun miôr risultâts. Intal mont dal lavôr, però, a restin intatis lis barieris culturâls che lis penalizin e la crisi e va a pericul di sverdeâ il mai cidinât e tant superficiâl e vagolât lûc comun che i “pôcs” puescj di vore disponibii a vedin di jessi dâts ai oms paris di famee, intant che lis feminis, in fin dai fats, a puedin stâ cun trancuilitât a cjase.
Ancje intal nestri Friûl, di fat, al tocje impegnâsi par che cheste crisi economiche interminabile no fasi torna indaûr la cundizion des feminis inte famee, intal lavôr e inte societât. Che si finissi, infin, di dî che se une femine e vâl e à la stesse pussibilitât di un om, che no servissin leçs a poie des feminis (cuotis rose). La storie, la atualitât e i numars frêts a disin che nol è par nuie cussì, e che ancje intal civîl Friûl al è ancjemò tant, ma tant di fâ. ❚
Iris Morassi, La Segretarie Regjonâl USR CISL Friûl Vignesie Julie
L'Editoriâl / Risierve di valôr
Leonardo Giavedoni - Buenos Aires
In ciertis tribûs o tes grandis fameis il cjâf grup al vignive nomenât patriarcje. Di solit e jere la persone plui anziane, une vuide naturâl. invezit, tal mont religjôs, in particolâr tal Orient Cristian, il patriarcje al jere un primât eclesiastic poiât su facoltâts e prerogativis che i davin une posizion di supremazie tes glesiis […] lei di plui +
Salon Internazionâl dal Libri di Turin 2023
Redazion
La Patrie dal Friûl e je presinte pe seconde volte tal Salon Internazionâl dal Libri di Turin cul so mensîl, l’unic in leghe furlane e cu la sô golaine “La machine dal timp” che e vegnarà presentade vuê joibe ai 18 di Mai aes 5 sore sere tal stand istituzionâl de Regjon Friûl – Vignesie […] lei di plui +
COROT. Nus à lassâts Sergio Salvi
Redazion
Domenie ai 23 di Avrîl, a la etât di 90 agns, nus à lassâts Sergio Salvi, un grant amì de lenghe furlane e di dutis lis lenghis minorizadis. «Scrittore, poeta, storico delle lingue minoritarie» lu definìs la Wikipedia taliane, al è stât chel che par prin al à jevât su il vêl su la cuestion […] lei di plui +
Vuê al è il 3 di Avrîl, si fâs la Fieste de Patrie. Fûr la bandiere dal Friûl! Mandi a ducj i furlans! Buine Fieste de Patrie!
............
Chest an si davuelç ai 16 dal mês la celebrazion che e memoree l’inovâl dai 946 agns de nassite dal Stât Patriarcjâl 3 di Avrîl dal 1077: une date fondamentâl pe origjin de nestre identitât di popul furlan, dal moment che propit cheste zornade e je considerade in maniere uficiâl tant che chê de nassite […] lei di plui +
Glesie Furlane / Grop amîs di pre Toni. Program dai events pal 2023
1) Vinars ai 21 di Avrîl a lis 20.30, inte Sale Riunions di Vile Zamparo a Basilian, presentazion de gnove edizion dal libri di pre Toni “Fantasticant”.Relatôr: Roberto Iacovissi.In colaborazion cun Glesie Furlane.2) Sabide ai 22 di Avrîl, a lis 3 e mieze dopomisdì, in vie Friuli a Visepente, “5e Cjaminade libare – Pai trois […] lei di plui +
Nature e Ambient / L’unic che si à di crodiji cuant che al conte chê dal ors
Serena Fogolini
Stefano Filacorda, responsabil sientific pal grup di ricercje dal Ateneu furlan su la faune salvadie Un cors par imparâ a cognossi la faune salvadie des nestris Alps, cun lezions teorichis e pratichis su lis tecnichis di monitorament e di cature dai animâi, massime grancj carnivars, ungulâts e uciei.◆ Al è chest l’intindiment de Winter School […] lei di plui +