Sfuei Mensîl Furlan Indipendent
Archivi de Patrie

ATUALITÂT. La Bolp e je tornade

............

De fin dal mês di Lui e je stade metude a disposizion in Rêt
(http://www3.sympatico.ca/rpontisso/firefoxfurlan.htm” \t “_blank e
www3.sympatico.ca/rpontisso/firefoxfurlan.htm) la version 3.0 furlane dal Firefox, il browser open source che pe nestre lenghe al à di ringraziâ Robert Pontisso (furlan canadês di Toronto, Ontario) e Andrea Decorte (di Dael).
Come che si diseve cheste e je une novitât, ma no dal dut. Di fat la prime version di un browser par furlan e nas za 2 agns indaûr. Come che nus dîs il stes Robert Pontisso “Dal Fevrâr dal 2006 fin vuê il Language Pack Furlan al è stât discjamât 36,981 voltis. In plui, une volte par setemane Mozilla al conte i “pings” emetûts di ogni zonte, par vê une idee dal numar di utents atîfs par chê dì. L’ultin numar pe estension furlane (pai 23 di Lui) al ere 4362: chest al è il numar di computers che in chê dì a vevin la zonte instalade e che a àn emetût un ping. No si pues savê in trops che a son che a doprin la version furlane: si pues vê plui di un language pack instalât, e i pings di ducj a saressin contâts ancje se si dopre dome un di lôr. Ma al è une vore significatîf che di chescj 4362 pings dai 23 di Lui, 613 a jerin emetûts de version 3.0 di Firefox Furlan, jessude dome doi dîs prime. Almancul 600 personis a jerin in spiete de gnove version e le àn discjamade subit”.
Altris statistichis a son visibilis chi: il numar di discjamadis par dì dal Lui dal 2007 fin vuê https://addons.mozilla.org/it/statistics/csv/2057/downloads il numar di utents atîfs (pings) par dì contâts ogni siet dîs: https://addons.mozilla.org/it/statistics/csv/2057/updatepings
Une biele sodisfazion pai autôrs dal progjet, che plui che pai numars a son contents pes tantis emails che ur son rivadis e rivin di dut il mont, come che si pues viodi ta chescj 3 esempli che o pensìn che a vedin dât une vore di fuarce par rivâ insom a la version di Firefox 3.0 par furlan.
CUALCHI MAIL DI COMENT RIVADE AI AUTÔRS:
Zaromai o soi usât a doprâlu e no si pues fâ di mancul di chest “imprest”. E inalore, par cuant ise proviodude la version par Firefox 3.0?
Bundì
Par tacâ i volevi fâ i complimetns di cûr par chest progjet: o dopri Firefox Furlan di plui di doi agns e mi cjati propite benon. Tant plui che o soi dispès ator par lavôr e mi tocje doprâ simpri altris lenghis, al è biel sintîsi un pôc a cjase cun chest sgarfadôr! O volevi savê se si farà ancje une version in Furlan par Firefox 3.0…
Compliments di gnûf.
O feveli pôc furlan, ma mi plâs e… lo sto imparando a pizzichi e bocconi.
Complimenti davvero per il lavoro fatto. Vi ho conosciuto con FireFox 2.0 e stavo aspettando la versione per la FireFox 3.0. Un saluto e ancora “compliments”!
Christian Romanini

Libris simpri bogns / Emilio Nardini, “Par vivi”, Udin, 1921

Laurin Zuan Nardin
“Apene finidis di lei lis poesiis dal cont Ermes, il dotôr Cesare, fra i batimans dal public, al si ritire daùr l’uniche quinte preparade a zampe dal… palc scenic. Ma, pal bessologo, che il devi recità il brâf atôr di san Denel, Giovanin Tombe, ‘e ocòr une scene, e il dotôr Cesare la proviot cussì:…” […] lei di plui +

Interviste / Numb il cjan scjaladôr (e il so paron Thomas)

Dree Venier
Di un probleme ae çate al record in mont: interviste cun Thomas Colussa, che cul so Numb al sta pontant al record di altece lant sul Mont Blanc O vevi za intervistât Thomas Colussa, 40 agns, un pâr di agns indaûr. In chê volte al jere un “furlan a Milan” e al faseve il personal […] lei di plui +

L’EDITORIÂL / La identitât e ven dai zovins

Walter Tomada
Une zornade di incuintri pai Conseis dai Fantats Al à fat scjas il senatôr Roberto Menia che al à declarât di volê gjavâ il furlan de scuele e dal ûs public. Al jere di un pieç che nissun rapresentant des istituzions al pandeve clâr di volê scancelâ lis normis di tutele, ma salacor a son […] lei di plui +