Sfuei Mensîl Furlan Indipendent
Archivi de Patrie

INTERNAZIONÂL – Il Dalai Lama in Friûl

............

Tenzin Gyatso, e Pietro Fontanini (President de Provincie di Udin). Foto F-V.J.-ARC
Tenzin Gyatso, e Pietro Fontanini (President de Provincie di Udin). Foto F-V.J.-ARC

Ai 22 e 23 di Mai, Tenzin Gyatso, Dalai Lama XIV e premi Nobel 1989, al à fat visite in Friûl, a distance di 5 agns de sô ultime volte.
Vie pai incuintris publics e risiervâts, il Dalai Lama al à incuintrât ancje i rapresentants des istituzions. La prime dì al à ricevût ancje une bandiere dal Friûl dal President de Provincie di Udin Pietro Fontanini che al à vude ocasion di declarâ «Rispiet par dutis lis minorancis dal mont», marcant rispiet pai dirits linguistics dai furlans, come par esempli la necessitât di vê il Messâl par furlan e lis trasmissions in lenghe furlane su la emitent di Stât.
«La grande lezion di dignitât dal Dalai Lama e à di coventâ a rinfuarcî in nô furlans il coragjo riafermâ ce che al è za ricognossût su la cjarte, par che nol resti letare muarte» al à ribadît Fontanini.
La seconde dì, in ocasion dal incuintri cui students universitaris, la retore de Universitât di Udin, Cristiana Compagno i à regalât un pâr di scarpets di velût ros. ■
Redazion

L'EDITORIAL / Preâ par furlan al è onôr e no pecjât

Walter Tomada
Jo no jeri ancjemò nassût cuant che pre Checo Placerean al tacave a voltâ il Messâl par furlan. A son passâts passe 50 agns e i furlans no àn ancjemò plen dirit, pe Glesie di Rome, a preâ inte lôr lenghe. La Conference Episcopâl dai Talians e à mancjât, ancjemò une volte, di fâ bon […] lei di plui +

Gnovis / Acuile sportive furlane

Redazion
Joibe di sere aes 6 intal Salon dal Popul dal Palaç da Comun di Udin si tignarà la cerimonie di consegne de prime edizion dal premi ACUILE SPORTIVE FURLANE, un gnûf ricognossiment che al met dongje il valôr dai risultâts sportîfs ae cussience identitarie che i campions furlans di ogni sport a son bogns di […] lei di plui +

Gnovis / Brâf Agnul! La to vôs e fâs onôr al Friûl

Redazion
O saludìn cun braùre e emozion il Premi Nonino Risit d’Aur che al è stât assegnât a Agnul Floramo, un inteletuâl di gale che i letôrs de “La Patrie dal Friûl” a cognossin di agnorums in dut il valôr des sôs ideis: difat al à scrit sul nestri gjornâl centenârs di articui e cun nô […] lei di plui +

L’EDITORIÂL / Parons vecjos e gnûfs de informazion

A i 24 di Mai dal 1946, juste trê mês dopo che pre Bepo Marchet e Felix Marchi a vevin fondade “La Patrie dal Friûl”, un grup di industriâi triestins al à screât a Udin un gjornâl cuotidian clamantlu “Messaggero Veneto”. In chê volte Carlo Tigoli, il diretôr, e ducj chei che lu àn finanziât, […] lei di plui +