In linie su Teche Udine “La Patrje Ladine” di Tellini

Al è un plasê comunicâ che, biadelore, tal sît di Teche Udine si pues cjatà alc dal monumentâl lavôr di Achille Tellini, “apuestul” de nazion furlane che al à colaborât ancje cun Felix Marchi, fondadôr cun Marchet de Patrie dal Friûl. A son numars dal periodic ciclostilât “La Patrje Ladine” (no ducj, ma a son numars une vore interessants dal 1921, 1923 e 1927), dulà che l’inteletuâl furlan al pandeve la sô concezion panladine, esperantiste e pacifiste dal Friûl. Si spere inte digjitalizazion di dutis lis sôs voris e, ancjemò di plui, te stampe di ducj i siei scrits, ancjemò in dì di vuê bogns di pandi une concezion diferente dal Friûl e de furlanetât. ❚