Sfuei Mensîl Furlan Indipendent
Archivi de Patrie

IN CURT. Indipendentiscj: a Alguer prime conference des nazions cence stât

............

«La Sardegne no pues jessi destituide de Italie tal rûl centrâl che e à tal Mediterani e in Europe, ma e à di vê une fuarte gnove sogjetivitât internazionâl e e à di podê elezi in maniere direte i siei rapresentants tal Parlament European». Lu à dit Gavino Sale, rapresentant de iRS, Indipendentzia Repubrica de Sardigna, te prime Conference des Nazions cence Stât, davuelte ae fin di Avost a Alguer (SS), inmaneade dal istitût Camillo Bellieni. Un apontament internazionâl dulà che a son intervignûts buine part dai esponents dai principâi moviments e partîts indipententiscj europeans.
Par Sale «si à di osservâ cun grande atenzion il procès politic in vore in Catalogne e in Scozie. Ta chest ultin Paîs, dopo di un percors di grande viertidure e convergjence, che al à cjatade une intese tra i partîts indipendentiscj e no suntun progjet di guvier sovranist pe Scozie, si è rivâts finalmentri a une tape decisive tal procès viers l’autoguvier. Di fat il guvier Britanic al à fat bon il referendum pe indipendence, che si tignarà tal 2014». ■
Redazion