Sfuei Mensîl Furlan Indipendent
Archivi de Patrie

IL SIVILOT. Bogns e triscj?

............

Un grop di amîs, di chei che cu la lôr presince sui giornâi, massime cu lis lôr letaris firmadis, a àn cirût di tignî simpri alte la reson dal Friûl, cheste volte secont me a àn falât.
A àn scrit che il Pd nol varès di candidâ pes elezions regionâls l’on Maran pes sôs posizions antifurlanis. Che l’om di Grau si sedi simpri segnalât pe sô intolerance su ogni cuistion che e rivuardi i furlans e soredut il doprâ il furlan a scuele e tai uficis, al è denant dai voi di ducj, ma ce centrino i furlaniscj cu lis sieltis dal Pd?
Tant par fâ un non, la Serachianute, cu la sô musute di frutine furbute, si compuartie miôr tai nestris confronts? Lin indenant: i conseîrs regionâi dal Pd, massime chei triestins, no sono simpri in prime file cuintri i interès dal Friûl? E no isal il president Gherghetta chel che nol à mai dite di sì al la union des provinciis furlanis?
Che no i passi pal cjâf a cualchidun che tal Pd a son i bogns e i triscj su la cuistion furlane. Parcè che se e je cussì, che i bogns a vignedin fûr almancul cualchi volte che, chei triscj, fûr a son simpri! ■
L’OM DI BURI

(L)Int Autonomiste / Un popul cence plui vôs in cjapitul

Dree Valcic
✽✽ Nol è par fâmi i fats di chei altris, ancje se o sai benon che ae fin in ogni câs i efiets a saran deleteris ancje pai furlans, ma o crôt di interpretâ un sintiment slargjât e un dubi gjenerâl, domandantmi parcè che a àn fat colâ Draghi. No si trate, che al sedi clâr, […] lei di plui +

L’EDITORIÂL / LA PATRIE DAL FRIÛL AL SALON DAL LIBRI DI TURIN

Walter Tomada
Dai 19 ai 23 di Mai no steit a cirînus, noaltris de “Patrie”: no sarin in Friûl, ma inaltrò.◆ No, no lìn in esili. Pal moment, jessi “furlans che no si rindin” nol è ancjemò une colpe. Salacor lu deventarà, ma pal moment o podin jessi “libars di sielzi” di lâ in “mission”. Une mission […] lei di plui +