Sfuei Mensîl Furlan Indipendent
Archivi de Patrie

IL PERSONAÇ STORIC. Abetti Antonio

............

Abetti Antonio (Sant Pieri di Gurize, ai 19 di Jugn dal 1846 – Arcetri, ai 20 di Fevrâr dal 1928) Inzegnîr, al scomençà a interessâsi di astronomie dal 1868. Apassionât di mecaniche, al podè miorâ la oficine dal osservatori de universitât di Padue rivant a studiâ lis cometis come che nissun al veve podût fâ prime. Al à misurâts i moviments di Venere ator dal Soreli doprant pe prime volte inte storie de sience il spetroscopi. E chest, i à permetût ancje di corezi calcui su la paralàs de Tiere. Diretôr dal osservatori astronomic plui impuartant di Italie, chel di Arcetri, tal 1894 al podè trasformâlu intune stazion di osservazion spaziâl une vore moderne e invidiade in dute Europe, là che si podeve calcolâ il “timp des stelis”. Un cratêr de Lune, dongje il Mar Serenitatis, al puarte il so non.

✒ Agnul Floramo

L’EDITORIÂL / Jù lis mans dal Tiliment

Walter Tomada
Traviersis, cassis di espansion, puints e viadots autostradâi, potenziament dal idroeletric: al mancje dome di metisi a sgjavâ cu lis trivelis par cirî gas o petroli! Ma parcè il Tiliment, che tancj studiôs a stimin jessi l’ultin flum salvadi de Europe, isal sot di dutis chestis menacis, invezit di jessi tutelât e protet cemût che […] lei di plui +

(L)Int Autonomiste / Cui aial pôre de “Cuistion furlane”?

Dree Valcic
✽✽ No ven plui nomenade, sparide dai radars dal dibatiment politic e culturâl. Di “Cuistion furlane” no si ’nt fevele plui. Di cent agns incà e esist chê meridionâl, cjare a Gramsci, e su chê miârs e miârs di students a àn fat tesis di lauree, a son stadis fatis ancjetantis cunvignis, ogjet di ogni […] lei di plui +

L’EDITORIÂL / La “bufule meloniane” e la autonomie inte glacere

Walter Tomada
“Si sin indurmidîts furlans, si sin sveâts melonians”: cun chestis peraulis un cjâr amì al à strent intun sproc sintetic il sens des elezions politichis che pardut a àn viodût a vinci fûr par fûr ancje chenti Fratelli d’Italia, il partît di Giorgia Meloni. Di storic i ai rispuindût che 100 agns fa une dì […] lei di plui +

La anteprime / Cors di furlan par gjornaliscj: consegnâts i atestâts

Redazion
Ai 27 di Setembar, te sede di Udin de Regjon Autonome Friûl-Vignesie Julie, a son stâts consegnâts i atestâts ai vincj gjornaliscj che a àn partecipât al prin cors di lenghe furlane inmaneât de ARLeF – Agjenzie Regjonâl pe Lenghe Furlane e dal Ordin regjonâl dai gjornaliscj. La consegne dal document ai professioniscj de comunicazion […] lei di plui +