Te provincie canadese dal Ontario, dai 5 ai 8 di Otubar, si è tignût il congrès Reconnect Fogolârs 2012,
un apontament impuartant par mantignî il leam tra i zovins dissendents dai emigrants furlans e la Patrie dai lôr vons. Tra i relatôrs ancje Enos Costantini, che nus conte cheste aventure
Ce che mi è tocjât! Robis di no crodi. A mi che a mi ven l’inzirli nome a pensâ di lâ a Pordenon! E o sei stât fin in Canada, li de Famee furlane di Toronto! Mi àn clamât chei dal Comitât organizatôr di Reconnect Fogolârs 2012 a fevelâ di Friûl. E jo o ai fevelât di ce che o sai: la storie viodude de bande dai nons di lûc (che al mi pâr un biel mût par saltâ fûr de solite naine), i cognons furlans e, ce che mi plâs di plui, i vins furlans. Grande mi è parude l’atenzion e grant l’interès, ancje de bande dai zovins presints. A mi àn ancje domandât se jo o organizi tours ator pal Friûl.
Ben, vulintîr, ma nome pai amîs che cumò o ai in Canada: robis bielis di viodi a ‘nd è par ogni cjanton dal Friûl e cualchi ostarie dal vin bon no mancje.
In efiets ce che o ai cjatât li de Famee furlane al è stât un grant calôr uman, un mût di fâ lis robis, e di fâlis ben, cul spirt just e in amicizie. Senze l’amicizie e senze chel spirt li il Congres nol deventave, o nol vignive cussì ben.
Al è normâl, in chestis situazions, fâ compliments, e je une liturgjie. Ma a mi no mi plâs nissune liturgjie e no fâs mai compliments. Cheste volte, però, o scuen fâ une ecezion parcè che chei cuatri “moschetîrs” dal Comitât a àn savût meti dongje cuatri dîs di “furlanetât”, ma no di brisculis e di barzeletis, si ben di intrateniment di alt livel e di culture viodude come puint, necessari e sintût, cu la Patrie dal Friûl.
Si che duncje une laude a Roberto Clocchiatti, Renzo Rigutto, George Rodaro e Luis Simeoni: di là de grande vore che a àn fate al è ancje di dî de atmosfere di cordialitât e dal plasê di stâ in compagnie che a àn savût rezi e direzi par ducj i cuatri dîs.
E po o vuei zontâ che in chei cuatri dîs o ai cognossude tante int in gamba. O fâs nome doi nons (che no se vein par mâl chei altris): Alberto De Rosa, il genius loci da Famee furlane e Ivan Cjargnel, una grande anime, furlane e canadese, pai tancj Fogolârs di chest grant Paîs.
Ce pensistu?
– Ce pensistu dal Canada? – A mi àn domandât in tancj. Mah! A sintî a fevelâ furlan, a dî il vêr, no jeri tant convint di jessi in Canada: mi pareve di jessi a Sopula, o a Glemone, o a Vençon. Viodi a fâ la briscule il vinars di sere li de Famee al jere come jessi intune ostarie di Paulêt o di Trasaghis.
Par jentrâ intune atmosfere canadese o ai scugnût saltâ fûr a mangjâ un hamburger.
Sigûr che, par un come me, usât a stâ in Friûl, une citât come Toronto e je “un altri mont”. E mi doi di maravee che tancj Furlan, nassûts a Toronto, a si sintin ancjemò Furlans. E a son bulos chei che a tirin indevant i Fogolârs: i Furlans a son nome une piçule gote intun mâr di altre int.
A si stente in Friûl a mantignî la nestre identitât (dificil scombati cuintre television, burocrazie e scuele taliane), o podês nome crodi ce che si stente in Canada.
Al Congrès o ai viodude avonde zoventût e chest al è un biel segnâl, e mi pareve di capî che a cheste zoventût no i displasarès di cognossi il Friûl, chel di vuê sore dut. No si po stufâ i zovins cun nainis che no ur interessin, la storie e po sei stufadice, bisugne fâur viodi il Friûl cemût che al è (a al è biel!), chel de int normâl, chel de int de lôr etât. Lis lidrîs si cjatilis te storie di Aquilee, sigûr, ma ancje intune malghe in Cjargne dulà che il pastôr al à 23 agns (e al cognòs ducj i intrîcs de informatiche), intune fabriche di persut a San Denêl, intune cjanive di Cjasarse e sore dut in chê zoventût furlane che e cjante par furlan e par inglês!
Bisugne fâ incuintrâ i zovin furlans cui zovins canadês, no je altre strade se si vûl mantignî un blec di Friûl in Canada, se si pense che une identitât furlane e canadese e sei miôr di une identitât nome canadese.
E al zove a ducj, ancje ai Furlans che, cumò che nissun nol va plui pal mont, a corin il pericul di sierâsi intun ghet dulà che il mont al è nome chel che i fâs viodi la television taliane. Diu nus vuardi!
Puartìn plui Friûl in Canada e puartìn plui Canada in Friûl! ■
Enos Costantini
Gnovis / Presentazion dal libri di Erika Adami “Feminis furlanis fuartis”
Redazion
La Patrie dal Friûl e presente il libri “Feminis furlanis fuartis”. Storiis di feminis furlanis dal dì di vuê, pôc o par nuie cognossudis, diferentis par etât, divignince, esperiencis formativis e professionâls. Lis lee la fuarce che a esprimin tal cirî di realizâsi cun tignince, tai cjamps plui svariâts. Cun braùre pes lidrîs e tal […] lei di plui +
Event / Stin dongje ae Patrie – fotos de serade
Redazion
Joibe ai 30 di Novembar al Teatro San Giorgio – Udin (Borc di Graçan) si è tignude la seconde edizion de manifestazion “Stin dongje ae Patrie” che e rapresente un moment di incuintri e di solidarietât cul mensîl “La Patrie dal Friûl”, gjornâl scrit fûr par fûr in lenghe furlane fintremai dal lontan 1946. Inte […] lei di plui +
Pirulis di musiche e di storie / Un pitôr musicâl di San Denêl tal inovâl de sô muart: Giulio Urbanis (1540 – 1613)
Alessio Screm
Stant che tal articul chi sore o ai scrit di iconografie musicâl, la pirule di storie e di musiche di chest mês si intive a celebrâ un pitôr furlan che al à dât cetant in fat musiche piturade, e di lui si celebrin chest an i cuatricent e dîs agns de sô nassite. Lui al […] lei di plui +
Il cjastelîr plui grant di simpri / Sot des pleis de tiere: ae scuvierte de origjin dal çuc di Udin
Serena Fogolini
Daûr di une liende, di un proverbi o di une conte popolâr si plate simpri une fonde di veretât Al sarà forsit par cheste reson che cualchi mês indaûr, jessude la gnove di studis sientifics che a dimostravin la artificialitât dal çuc di Udin, nissun di noaltris si è maraveât plui di tant. Dal rest, […] lei di plui +
Lenghe / A Cormons si fevele dal furlan te informazion
Dree Valcic
L’impuartance dai mieç di comunicazion par la difusion de lenghis minoritariis. Cun Emanuele Galloni, Guido Germano Pettarin, Andrea Valcic. Al à moderat Wiliam Cisilino. lei di plui +
Musiche / Carniarmonie: trentedôs stagjons di armoniis te mont furlane
Alessio Screm
Il festival che al met in rêt midiant de musiche Cjargne, Valcjanâl e Cjanâl dal Fier A son trentedoi agns che la Cjargne e je protagoniste di armoniis musicâls estivis, graciis al festival de mont Carniarmonie, la prime vere rassegne musicâl che e à pandût une maniere di fâ culture che cumò e je cetant […] lei di plui +