E va indevant la iniziative di Glesie Furlane par judâ une realtât particolâr dai teritoris colpîts dal taramot inte Italie centrâl.
Midiant di Radio Francigena www.radiofrancigena.com, la radio uficiâl de Vie Francigena e “voce dei cammini”, come che si clamin lôr, o vin vût la segnalazion dal câs dal Ostel Capisterium di Norcia (PG) (www.norciaospitalita.it), uns 40 km dal epicentri di Amatrice, prime tape dal Troi di Sant Benedet (www.camminodibenedetto.it) che de citadine umbre al rive a Montecassino dopo passe 300 km a pît. L’ostel al è gjestît di zovins de cooperative Monte Patino che a vivin di cheste ativitât.
Inte sere dal taramot i ospits (cun 60 jets e al è la struture plui grande dal itinerari) no si son fats mâl, ma l’edifici, un ex ‘seminari pôc distant de Basiliche, al à vût tancj dams.
Glesie Furlane e à inviât une racuelte par judâ cheste realtât, une des tantis e piçule, ma ogni piçule gote e pues judâ chê int. Par cui che al ves voie di dâ une man cuntun contribût, chi sot a son i recapits:
ASSOCIAZION GLESIE FURLANE
IBAN: IT35Y0863763790000023015162
Causale: Ostel Capisterium di Norcia. ❚
✒ Christian Romanini segretari
di Glesie Furlane
Interviste / «Provait a recitâ, che us dispatusse ancje pe comunicazion di ogni dì»
Dree Venier
Interviste cun Luca Pagot, atôr amatoriâl di Sclaunic. Cuatri peraulis su la sô esperience e su la situazion dal teatri amatoriâl par furlan A pene tacât l’Istât, mi àn invidât a un spetacul di teatri amatoriâl a Sclaunic. La compagnie e je chê de La Pipinate. Il lûc, il curtîl di une aziende agricule in […] lei di plui +
L’EDITORIÂL / Jù lis mans dal Tiliment
Walter Tomada
Traviersis, cassis di espansion, puints e viadots autostradâi, potenziament dal idroeletric: al mancje dome di metisi a sgjavâ cu lis trivelis par cirî gas o petroli! Ma parcè il Tiliment, che tancj studiôs a stimin jessi l’ultin flum salvadi de Europe, isal sot di dutis chestis menacis, invezit di jessi tutelât e protet cemût che […] lei di plui +
(L)Int Autonomiste / Cui aial pôre de “Cuistion furlane”?
Dree Valcic
✽✽ No ven plui nomenade, sparide dai radars dal dibatiment politic e culturâl. Di “Cuistion furlane” no si ’nt fevele plui. Di cent agns incà e esist chê meridionâl, cjare a Gramsci, e su chê miârs e miârs di students a àn fat tesis di lauree, a son stadis fatis ancjetantis cunvignis, ogjet di ogni […] lei di plui +
L’EDITORIÂL / La “bufule meloniane” e la autonomie inte glacere
Walter Tomada
“Si sin indurmidîts furlans, si sin sveâts melonians”: cun chestis peraulis un cjâr amì al à strent intun sproc sintetic il sens des elezions politichis che pardut a àn viodût a vinci fûr par fûr ancje chenti Fratelli d’Italia, il partît di Giorgia Meloni. Di storic i ai rispuindût che 100 agns fa une dì […] lei di plui +
Gnovis / La Patrie dal Friûl e presente il libri “Anime in crôs”, scrits di pre Antoni Beline e Agnul Floramo su Pier Paolo Pasolini, inteletuâl furlan.
2 di Novembar 1975 – 2 Novembar 2022 a 47 agns di chê volte che al fo sassinât Pier Paolo Pasolini “In chest libri us presentìn un “bote e rispueste” imbastît cu lis riflessions di doi autôrs che a cuasi 30 agns di distance a lein cuntune sintonie e une simetrie speciâl lis oparis di […] lei di plui +
La anteprime / Cors di furlan par gjornaliscj: consegnâts i atestâts
Redazion
Ai 27 di Setembar, te sede di Udin de Regjon Autonome Friûl-Vignesie Julie, a son stâts consegnâts i atestâts ai vincj gjornaliscj che a àn partecipât al prin cors di lenghe furlane inmaneât de ARLeF – Agjenzie Regjonâl pe Lenghe Furlane e dal Ordin regjonâl dai gjornaliscj. La consegne dal document ai professioniscj de comunicazion […] lei di plui +