Giulia Serafin e je nassude e cressude a Dimpeç. E à frecuentât il liceu classic e po dopo la scuele dai mosaiciscj di Spilimberc. Tal 2010, a 23 agns, e à decidût di vierzi il so laboratori di decorazion e piture e e conte “o ai vude cheste pussibilitât: o ai vierte la partide I.V.Z. e ae fin e je lade ben! I miei gjenitôrs a vevin un garage in place a Dimpeç intun pont avonde centrâl; mi àn dât une man, metût in dret, cambiât i sieraments e fat un negoziut. Nol è propit tant in viste e al tocje jentrâ in place, e in bande de glesie si lu cjate, ma istès al è intun biel puest. Jo o ai simpri vût avonde lavôr parcè che, jessint la uniche in zone che e fâs chest, no ai concorence. Ciert, o soi bessole e no pues cjapâ sù tancj lavôrs, ma ai rivât adore di fâmi une clientele avonde amplie. Mi à simpri plasût dissegnâ e lavorâ cu la ceramiche. O ai simpri cirût di fâ un pôc di dut, ancje parcè che dome mosaic al jere masse dificil e costôs… No podevi pensâ di lavorâ dome di chel intun paisut come Dimpeç. Alore o ai decidût di fâ alc di dut: robutis piçulis, taçutis, articui di regâl par contentâ un pôc ducj. I prodots che o fâs a son soredut di ceramiche, però o pituri ancje su pe tele, sul len, o fâs murales, o fâs tantis bombonieris, regâi personalizâts (soredut cumò che la int e sa, e ven a ordenâ articui cul non, cu la dediche e duncje o dissegni e o scrîf ce che e vûl). O dissegni un pôc di dut, in particolâr cul gno stîl e cence copiâ nissun: o fâs rosis di mont e sbilfs, ma ancje animâi e personaçs dai cartons animâts. O curi cetant la mê piçule vetrine e le cambii daûr de stagjon; e je piçule ma e da un grum tal voli, di fat tante int si ferme a viodile!”
◆ Un dai ultins lavôr impegnatîfs che Giulia e à fat al è di trê setemanis fa, e e dîs “o ai piturât cuasi dut l’interni dal ripâr Tita Piaz che al è sul Pura. Al è stât un lavôr avonde grant. Cognossint il gno stîl, mi vevin dade avonde libertât, e cussì o ai lassât cori la mê creativitât.”
◆ Giulia e je sodisfate de sô sielte, ancje parcè che “in Cjargne l’artesanât al è une vore preseât; la int che e ven chi di me e vûl fâ un regalut e e pretint che al seti scrit che al è stât fat a man a Dimpeç, in Cjargne. E par me chest al è tant orgoi. Jo o ai tant gust soredut cuant che mi disin “ma âstu scrit che al è fat a man a Dimpeç?”: nol interesse tant il dissen devant, ma pitost che daûr al seti scrit chest. Ti da sodisfazion! Mi stimi fortunade e contente di vê une ativitât come la mê. O soi partide par câs e mi è lade ben. Par doi agns o jeri ancje a Tumieç e considerât che al jere dificil gjestî doi negozis (ancje a nivel di coscj), o ai decidût di mantignî dome Dimpeç. O ai ancje la fortune di podê lâ a lavorâ a pît, cul lavôr a pôcs metris di cjase. Mi sint propit fortunade: vê vût il garage tal pont just e strategjic e i miei gjenitôrs che mi àn dât cuarde… une rie di coincidencis fortunadis. Fin di piçule o vevi il sium di piturâ e o soi rivade insom.”
◆ Giulia tal timp libar si dediche al teatri e e zonte “O soi contente ancje di vê fat il classic: mi à simpri plasût scrivi storiis e chest a mi à judât. Mi plâs scrivi teatri. O vin la compagnie teatrâl achì a Dimpeç metude sù insiemi a un gno amì e tra un pôc o speri di començâ.”
◆ Par cui che al vûl curiosâ virtualmentri, al pues lâ su la pagjine facebook ArtiGiulia https://www.facebook.com/profile.php?id=100057659401503. ❚
Apontament / Presentazion dal libri “Patriarcjis tal cûr de Europe” e dal mensîl “La Patrie dal Friûl”
Redazion
Presentazion dal libri “Patriarcjis tal cûr de Europe” di Diego Navarria e dal mensîl “La Patrie dal Friûl”, l’unic dut in lenghe furlane dal 1946. Ai 26 di Zenâr aes sîs sot sere (18.00) te Biblioteche comunâl di Reane dal Roiâl, vie Battaglione Julio 7 – Remugnan. A saran presints: Anna Zossi, Assessore ae Culture […] lei di plui +
Libris simpri bogns / Emilio Nardini, “Par vivi”, Udin, 1921
Laurin Zuan Nardin
“Apene finidis di lei lis poesiis dal cont Ermes, il dotôr Cesare, fra i batimans dal public, al si ritire daùr l’uniche quinte preparade a zampe dal… palc scenic. Ma, pal bessologo, che il devi recità il brâf atôr di san Denel, Giovanin Tombe, ‘e ocòr une scene, e il dotôr Cesare la proviot cussì:…” […] lei di plui +
Interviste / Numb il cjan scjaladôr (e il so paron Thomas)
Dree Venier
Di un probleme ae çate al record in mont: interviste cun Thomas Colussa, che cul so Numb al sta pontant al record di altece lant sul Mont Blanc O vevi za intervistât Thomas Colussa, 40 agns, un pâr di agns indaûr. In chê volte al jere un “furlan a Milan” e al faseve il personal […] lei di plui +
Int di Cjargne / “La gallinella saggia” che a Cjavaç e insegne a produsi e a mangjâ ben
Marta Vezzi
La aziende agricule biologjiche La Gallinella Saggia e je nassude 7-8 agns indaûr: “La idee e je stade di mê mari – e conte Caterina Pillinini – che e à simpri fat orts e cjamps, e duncje e je une vite che si dediche ae coltivazions di tancj prodots; vint il ristorant Borgo Poscolle e […] lei di plui +
Sport… che ti trai! / Pietro Corredig e Sonia Borghese: une vite di pignatis a scufiots
servizis di Francesco Tonizzo
La cubie dai cjanalots, un di San Pieri e une di Miers, e à vinçût il campionât talian di machinis storichis e il titul european, simpri cun Sanremo intal destin Inzen, passion, amôr, dedizion, voie di zirâ il mont, spirt competitîf, leam cun il teritori des Vals dal Nadison, e risultâts une vore preseâts. Il […] lei di plui +
L’EDITORIÂL / La identitât e ven dai zovins
Walter Tomada
Une zornade di incuintri pai Conseis dai Fantats Al à fat scjas il senatôr Roberto Menia che al à declarât di volê gjavâ il furlan de scuele e dal ûs public. Al jere di un pieç che nissun rapresentant des istituzions al pandeve clâr di volê scancelâ lis normis di tutele, ma salacor a son […] lei di plui +