Ai 14 di Otubar il Comun di Udin al organize un BarCamp par domandâ la colaborazion dai citadins intal progjetâ il propri sît web istituzionâl. Ce che al è un barcamp? Di fonde, si trate di une cunvigne dulà che però la organizazion dal avigniment – de liste dai partecipants al ordin dai relatôrs – e je decidude la dì stesse dal incuintri, tacant bilietuts suntune lavagne e fissant li, sul moment, il mût di procedi. Ducj i presints a puedin partecipâ proponint un propri intervent public, che però par solit al à di jessi une vore curt e sintetic, par lassâ la pussibilitât al public di domandâ precisazions e ufrî propuestis.
PROGJETÂ INSIEME IL SÎT_ Viodude la sô nature cetant destruturade, un barcamp nol è il gjenar di cunvigne dulà che i relatôrs a presentin uficialmentri contignûts che magari a son za cognossûts e publicâts… Plui che par vê rispuestis, un barcamp e je la formule congressistiche ideâl par meti dongje domandis, par fâ vignî sù gnovis ideis, par meti in relazion tra di lôr i partecipants. Ve parcè che il Comun di Udin, inte persone dal Assessôr ae Inovazion Paolo Coppola, al à ritignût une buine robe promovi un incuintri di chest gjenar, par solecitâ ducj chei che a son interessâts ae tematiche de comunicazion web des aministrazions publichis a partecipâ in libertât, esponint lis propriis osservazions e ispirazions di discussion. L’argoment gjenerâl de cunvigne in realtât al è avonde tecnic: si trate, cemût che o disevi, di provâ a resonâ su la progjetazion dal gnûf sît web dal Comun di Udin, sedi dal pont di viste di une architeture otimâl dai contignûts di rindi disponibii, sedi di chel dai servizis interatîfs di ufrî ai citadins. Chest, par altri, daûr des indicazions esprimudis dal Codiç de Aministrazion Digjitâl publicât chest an dal Ministeri de Inovazion, che e vincole lis aministrazions publichis a lâ daûr di determinâts criteris di cualitât e di trasparence te proprie comunicazion istituzionâl.
PAGJINIS PAR FURLAN_ Par ce che al tocje l’ûs de lenghe furlane inte comunicazion web de aministrazion publiche udinese, o notìn cemût che za cumò e sedi disponibile la version voltade dal sît, limitade però a cualchi pagjine dome. Propit la leç 482 e previôt finanziaments specifics pe realizazion des pagjinis web par furlan de bande dai Ents locâi: cheste e podarès jessi za une propueste di puartâ al Assessôr Coppola. Apontament a Udin la matine dai 14 di Otubar, duncje, li dai locâi di Friuli Future Forum, in vie Savorgnana, cjanton di place Venerio. Altris informazions su la cunvigne – che al è une vore probabil che e sarà trasmetude in direte su web – a puedin jessi gjavadis dal sît dal Comun di Udin, o de pagjine Facebook dedicade ae iniziative, di podê cjatâ doprant “Udin BarCamp” tant che peraule clâf pe ricercje.
Giorgio Jannis
Une storie furlane / Orchestre a pletri Tita Marzuttini: passe cent agns di storie cence pierdi la sgrimie
Serena Fogolini
Giovanni Battista Marzuttini, al jere il 1884 cuant che un zovin marcjadant di farinis, Nicolò Serafini, al decideve di meti sù a Udin un circul mandulinistic, striât di chel strument che al veve vude maniere di scoltâ in gracie di un viaç a Rome.◆ Tirade dongje la int e soredut lis risorsis finanziariis, e tacà […] lei di plui +
A torzeon pal Friûl / “Der Voschank”, il spetacul des mascaris sauranis
Sara Traunero
La tradizion dal “Kheirar” e dal “Rölar” e cjape dentri dut il paîs Mascaris bielis e mascaris brutis, cun musis intaiadis intal len e cu lis liniis plui diferentis, a son lis protagonistis assoludis di une ricorence tant curiose che antighe: al è il Carnevâl di Sauris, intal dialet sauran locâl cognossût ancje tant che “Der Voschank”.L’aspiet […] lei di plui +
A torzeon pal Friûl / La maravee di scuvierzi il Carnevâl rosean
Diego Navarria
Cuatri amîs inmagâts de origjinalitât di lenghe, musiche e bai dal Cjanâl incjantonât jenfri lis Musis e la mont Cjanine In ce aventure che mi soi butât! Dut par lâ daûr di mê madone! Cumò, aes trê dopomisdì, achì in machine o sin in cuatri: jo, Mario Dean, 46 agns, professôr di talian tal Marinelli, […] lei di plui +
A torzeon pal Friûl / Il rituâl de Messe dal Spadon nus ripuarte ae ete dai Patriarcjis
Sara Traunero
La memorie e torne indaûr a Marquart, ma forsit la tradizion e je ancjemò plui antighe Ai 6 di Zenâr, in ocasion de fieste de Epifanie, il Comun di Cividât si prepare a celebrâ un rituâl tant curiôs che inmagant: e je la Messe dal Spadon, che par tradizion si fâs tal antîc Domo antîc. […] lei di plui +
Libris simpri bogns / Emilio Nardini, “Par vivi”, Udin, 1921
Laurin Zuan Nardin
“Apene finidis di lei lis poesiis dal cont Ermes, il dotôr Cesare, fra i batimans dal public, al si ritire daùr l’uniche quinte preparade a zampe dal… palc scenic. Ma, pal bessologo, che il devi recità il brâf atôr di san Denel, Giovanin Tombe, ‘e ocòr une scene, e il dotôr Cesare la proviot cussì:…” […] lei di plui +
Interviste / Numb il cjan scjaladôr (e il so paron Thomas)
Dree Venier
Di un probleme ae çate al record in mont: interviste cun Thomas Colussa, che cul so Numb al sta pontant al record di altece lant sul Mont Blanc O vevi za intervistât Thomas Colussa, 40 agns, un pâr di agns indaûr. In chê volte al jere un “furlan a Milan” e al faseve il personal […] lei di plui +